VENTIMILIEN. 687

imo omnino superfluam censendam esse, tam ex eo quod inter matricem ecclesiam S. Syri et adiutricem S. Stephani deficit distantia a sacris canonibus praescripta, quam ex eo quod in ec- clesia S. Stephani a pluribus annis rector institutus est, qui adiutricem operam parocho praestat et sacramenta circum- stans populo administrat. Sane, quaerit Episcopus, si fel. mem. Pius IX, vertente anno 1852, necessarium, et urgens iudi- cavit, ut oppidum S. Remi, quod novem mille incolas vix superabat, in duas paroecias dismembraretur, et ecclesiae S. Stephani rector cum propria iurisdictione et territorio se- parato et distincto praeficeretur, ut curae animarum parochia- norum matricis ecclesiae aptius consuleretur; ecquo iure ecqua fronte asseri potest, non necessarium, imo superfluum fuisse decretum anni 1888, quo ad aptius consulendum cu- rae animarum, S. Stephani rectoría ab Episcopo parochia formiter declarata fuit, cum ex facto constet quod usque ab anno 1852 ut talis habebatur?

Nec minus infirmam esse rationem, a defectu distantiae deductam, tum quia per citatum decretum Episcopus eccle- siam S. Stephani in paroeciam haud erexit, sed ipsam iam ab anno 1852 existentem recognovit, tum quia etiam de quamplurimis paroeciis iam actum esset, si ratio a defectu distantiae deprompta valeret.

Tandem nec alteram rationem in maiori pretio habendam esse, quod scilicet ecclesiae S. Stephani per institutionem rectoris, qui sacramenta populo administrabat, satis super- que provisum fuerat. Etenim neminem latet receptum in iure esse per rectores seu coadiutores non aeque bene ac per proprium pastorem spiritualibus parochianorum indigentiis ac necessitatibus provideri. Quandoquidem proprius parochus melius oves suas tuetur atque cognoscit, quam rector aut coadiutor. Praesertim vero quia cum in parochis censeatur electa industria personae, maiorem erga ipsos solent paro- chiani confidentiam concipere, quam erga capellanos seu coo- peratores suos, qui plerumque nec omnia fidelibus praestant, nec tamquam suis. Quod postremum inconveniens eo vel ma-