692 N Ü S G A N A

sex menses sive continuos sive interpolatos in singulis annis a chori servitio abfuerit.

At vero ex communibus iuris principiis patet hanc di- sciplinam, ceteris profecto severiorem, quaeque sancita est pro canonicatibus et hebdomadariatibus provisis ab Episcopo ex speciali indulto post bonorum ecclesiasticorum direptionem, per se loquendo non posse extendi ad beneficiatus, alio modo aut tempore pro visos : siquidem in materia odiosa sumus, et poenis benignior est interpretatio facienda ex reg. 49 in VI.

Dixi per se loquendo ; nam nil vetat, quominus S. O. C. attenta casus novitate, et necessitate praecavendi publico scandalo, et providendi ecclesiae v servitio, severiorem legem pro aliis sancitam, ad casum etiam extendat, quem Nuscanus Episcopus proponit.

Ceterum observare ex aequitatis studio et in reorum fa- vorem liceat, quod si chori servitium quod negligitur, quod- que restituere Episcopus praeoptat, grave diuturnumque in se sit, haud videri omnino congruum, ut ad illud tanta ac tam subita poena adigantur, qui nulla vel ferme temporali responsione pro servitio rependuntur. Videant igitur EE . P P . utrum, antequam ad poenarum modum contra negligentes constabiliendum deveniant, locus sit moderationi servitii, si id revera sit aequo gravius, iuxta id quod ipsum civile ius in L. ult. ff* De com. vol. suadet, et S. C. C. etiam nu- perrime, in cit. Einen, sanxit nempe ut reditibus imminu- tis, proportionate reducantur et onera.

Quibus aliisque adductis, submissum fuit enodandum

Dubium

An et qua poena adigi possint canonici vel presbyteri de clero receptitio* nullo certo emolumento fruentes* ad chori vel ecclesiae servitium in casu.

RESOLUTIO. Sacra O. Concilii re discussa, censuit respon- dere: Supplicandum SSmum ut fiat decretum generale pro extensione normae rescripti 2 Iulii 1878 ad omnes ecclesias collegiatas et receptitias.