714 PARISIEN.

plicite exprimatur ad inducendam matrimonii nullitatem, cumque propterea sufficiat ut eadem conditio, etsi corde re- tenta, ex adiunctis deducatur; nil remanet in casu nostro nisi diligenter inquirere, an revera dominus Carolus Nor- mand, quando matrimonium contraxit cum domina Maria Carolina Legrand, animum, corde retentum habuerit, se li- gandi ad tempus, scilicet contrahendi matrimonium dissolu- bile. Talem autem revera fuisse animum domini Normand, antecedentia, concomitantia, et subsequentia demonstrant.

Et sane si de antecedentibus generatim sermonem insti- tuamus statim apparebit Carolum Normand talem esse virum, qui, etsi baptizatus, tamen neque Deum ut a natura di- stinctum agnoscit, neque iuramenti religionem admittit, neque christiana munia, ut catholicum decet, tuetur. Imo talia tenet et profitetur principia, quae nedum catho- licae, sed cuicumque etiam aliae Religioni sint omnino adversa et contraria. Sic. ex. gr. omnem reiicit moralem obligationem ; imbecilles appellat qui virtutem commoditati praeferunt; et officia omnia spernenda tenet quando homi- nes molestia afficiunt.

Quod si pressius de eiusdem persuasionibus circa matri- monium loqui velimus, expendenda erunt quae ipse testatus est apud ecclesiasticum tribunal, quaeque amicis oretenus pa- tefecit, ac professori suo conscribenda putavit. Interrogatus enim a iudice ecclesiastico respondit, se in ea esse persua- sione quod nullum dari possit matrimonium sua natura in- dissolubile, imo quod nemo possit hominem et feminam per- petuo ligare: ideoque ipsum tenuisse et tenere quod maritalis unio sit essentialiter revocabilis.

Hinc alloquens dominum Gautereau et dominam Jumel aperte fassus est quod ille matrimonium religiosum pro ni- hilo habebat, inspiciebatque tamquam sinicam comoediam, vel cultus ostentationem ex parte mulierum, vel etiam ut nugas mulieribus gratas. Unde concludebat maritalem vitam unius viri cum una eademque muliere, nisi per exceptionem, produci non posse.