720 PARISIEN.

clusionem aliquam deveni. Nam ex una parte habetur pro- cessus rite confectus, cum sententia iudicum, de quorum probitate et diligentia nequit dubitari ; dum ex altera parte difficultas haud parva sese mihi offert in eo, quod, pars sat notabilis testimonii constituatur declarationibus non iuratis Caroli Normand, qui partes « rei » in causa agit, simul cum depositionibus consanguineorum, affinium et amicorum actri- cis, qui omnes fidem merentur propter bonam famam, sed ut plurimum non proferunt nisi « audita » per ipsos a Carolina. Iam vero in iure « Testis non iuratus non probat » et exce- ptiones a iure admissae locum non habent in casu; et testes « ex auditu » mirifice quidem dicta ab aliis confirmant, quin constituant pondus aliquod testimonii novum : praeterquam- quod infirmari videtur tum actricis, tum amicorum testimo- nium ob « commodum » quod obvium est, actricis, et ob sympatiam, naturalem et iustam certe consanguineorum.

Insuper, perfectus licet sit processus, quoad formam, pars eius historica amplior desiderare tur. Vix explicatur, potissimum, si conclusionem patroni actricis amplectantur, quae visa est a iudice approbari, quomodo et cur tum pa- rentes, tum Carolina connubium ambiverant cum viro qua- dragenario, indolis perversae, vitiis dedito, qui propriam im- pietatem nullatenus celaverat. Nec instabilis et irresolutus cum esset Carolus in negotio matrimonii, non satis intelli- gitur, qui fit ut nulla gravis suspicio mente ingesta fuerit sive magistratus civilis, sive parochi, vel saltem menti pa- rentum et affinium Carolinae. Aetas eius, forsitan, iam 25 annis egressae, motivum suppeditat, aliud, ex actis, non ap- paret, quod partes omnes absolveret a gravissima et summa imprudentia, in hypothesi quod contentio actricis sustineri possit, prout sustinetur a Curia parisiensi. - Verum quid- quid de hoc sit, quaestio tota discussionem meretur, quae, ut clarior procedat, liceat paucis enarrare historiam huius abnormalis connubii.

Partem principaliorem habuere in hoc matrimonio pro- movendo Dom. Grautereau et uxor eius, quae soror maior