PARISIEN. 721

natu est actricis. Fatetur Carolus Normand se desiderium huius connubii concepisse ob perspectam sibi felicitatem do- mesticam coniugum Gautereau, quibus iam ab aliquo tem- pore familiariter usus erat. Mense Decembris 1886, Carolus, tunc professor historiae in Lyceo loci dicti Vauves, familiam Legrand frequentare incepit, manum ambiens Carolinae Le- grand, sororis, ut iam dictum est Dr. Gautereau. Tracta- tus, vario eventu, ut mos est, processere. Instabat Carolus pro matrimonio : Carolina, vero, indole praetendentis parum contenta negotiationes omnes, mense Februarii interrupit ; sed postea victa suasionibus Gautereau et littera quadam perpulchra Caroli, in matrimonium consensit circa initium mensis Martii. Revera celebratum fuit matrimonium inter Carolum et Carolinam die 12 Aprilis in loco Neuilly, coram proprio sponsae parocho.

Sed infausto sidere initum videtur : iam enim, a prima die uxorem quasi exosam habuit Carolus ; libertatis abalie- natae plus aequo memor, vitam communem impossibilem as- serebat. Vix decem post matrimonium diebus, Carolinam in- salutatam relinquens, domicilium coniugale deseruit: sed obiurgationibus et etiam minis parentum uxoris cedens vi- tam coniugalem redintegravit. Attamen novum experimen- tum parum profecit, nam die 9 Iunii, id est post mensem, uxorem iterum deseruit amplius non reversurus. Carolina deinde ab illo derelicta recogitans plura ab indigno dicta ante et post infelix coniugium, suspicata est suum matri- monium fuisse ab initio invalidum ex defectu consensus ex parte viri et instabat apud Curiam parisiensem, ut invali- dum declararetur. Nec irrationabiliter. Optima enim causa, si infelix eius status unice respiciatur, non habito respectu ad rigorem iustitiae et Sacramenti sanctitatem; secus vero aliquatenus infirma.

Ut rite procedat inquisitio, in limine, afferenda ea sunt, ceu norma et regula in controversia, quae certa et ab o- mnibus admissa circa consensum matrimonialem, praesertim circa « consensum conditionalem > quia de hoc ultimo tan-

Acta, Tom. XXII. fase. C CL XXVI. 4=6