PARISIEN. 725

moraliter* Carolum non habuisse intentionem contrahendi verum matrimonium, prout a Christo institutum et ab o- mnibus intellectum. Atqui hoc non constat, seu moraliter cer- tum non est. Ergo.

Veritas minoris, maior est certa, patebit, si 1. incer- tum est, Carolum in errore versari circa naturam vinculi matrimonialis ; 2. si admisso errore, incertum adhuc est ipsum consensum, per errorem conditionatum et proinde vi- tiosum. Iam vero, ad primum quod spectat, impossibile est actus processus legere quin statim deprehendatur magnam esse discrepantiam inter theorias a Carolo in sua confessione non iurata, sed iuridica proclamatas, et opiniones eiusdem ex depositione testium collectas. Carolo in curia ecclesiastica loquente matrimonium est coniunctio mere temporanea viri -et feminae - ad libitum utriusque terminabilis - unio indis- solubilis est res absurda, vix concipi potest; sed Carolo, prout eius sermones a testibus referuntur - matrimonium res -ardua est - per id homo catenis compedibusque vincitur - libertati suae valedicit - contrahendo « Rubicon transit. » Et notandum quod haec ultima omnia sive ante, sive in puncto celebrationis sui matrimonii prolata fuere, dum priora nonnisi post matrimonium, cum interrupto domicilio coniu- gali, processus pro dissolutione fuerit aut institutus aut mox instituendus. Iudicent E E . quo tendat haec discrepantia.

Vir singularis est certe Carolus, et obscura remanebit notitia nostra huius causae nisi nobis efformemus ideam di- stinctam naturae psycologicae et religiosae quae vias anti- quas praetergreditur, et ut novum aliquod specimen sese ocu- lis obtulit. Praeterea accurate sequi debet ordo chronologicus dictorum et factorum : nam haec simul congesta vim magnam testimonii contra matrimonium constituunt quae miro modo decrescit cum separatim et in ordine temporis studentur.

- Incipiendo igitur a persona. - Carolus Normand, exi- mius professor historiae in Lyceo, vir 40 annorum, ut ge- nuinus fetus Galliae irreligiosae et materialistae haberi po- test - fetus perpulcher sane - quum per seipsum descriptis