730 PARISIEN.

pore suspecto » et eliminare a causa pondus gravissimum testimonii quod exsurgit ex progressu et « evolutione » idea- rum Caroli, super natura matrimonii, quae legentibus actus processus patebit. Si vel etiam a mense Februarii loquutus fuisset Carolus, prout in confessione loquitur, nullum du- bium quin matrimonium non fuerit celebratum,, et si cele- bratum fuerit invalidum esset. - Carolus in confessione au- dacter asserit se numquam celasse opinionem, quam dicit suam de matrimoniis solubilibus: interrogatus de personis quibus sensus suos expresserat, ante matrimonium, non po- test nomina dare ! ! - Asserit insolubilitatem vinculi quae- stionem esse disputatam in Ecclesia. Quis vero credet Pro- fessorem Historiae tali ignorantia laborare? - Non igitur au- divit unquam colluctationem Innocentii III cum rege Galli- co - alterius Pontificis cum Henrico VIII Angliae - Pii VII cum Napoleone? - Cursus historiae etiam profanae numquam duxit in cognitionem doctrinae Ecclesiae super re, natura sua, cum rebus civilibus intime connexa? Sed haec sunt tam mira tam extraordinaria, « credat Iudaeus Apella, non ego. »

Salvo E E . iudicio, puto confessionem Caroli esse omnino reiiciendam, non tantum ob defectus iuridicos, quod sit non iurata^ et facta « tempore suspecto » et in commodum etiam ipsius, sed etiam ob intrinsecam improbabilitatem suam, et sic cadit principale quo fulcitur petitio actricis; dum e contra ex narratione verborum et actionum iuxta ordinem temporis apparet quod incertum omnino sit Carolum in errore circa, vinculum matrimoniale versari, et adhuc magis incertum quod conditionem vitiosam et vitiantem opposuisset consen- sui ab ipso, in celebratione sui matrimonii, praestito.

Verum ex instructione S. O. sequentia habemus quoad causas matrimoniales : < Iudex sciat matrimonium esse per se factum quoddam solemne et publicum, quod semper va- lidum censeri debet, nisi evidentes rationes nullitatem eius demonstraverint... iudicium contra matrimonium nunquam erit pronuntiandum nisi earum rationum complexio omne prudens dubium de existentia impedimenti excludat. » - In