PARISIEN. 73 S

Sanctus monet, Ierem, cap, 3, 27; « Bonum est viro, cum portaverit iugum ab adolescentia sua. » En qui animo lon- ge alio ac Carolus Normand ad matrimonium accedit « quia iugum portabit ab adolescentia sua. » Sed dispeream, nisi omnes qui, ab adolescentia sua excusso iugo, cupiditatibus obsequi, legem ab auctore naturae nobis inditam spernere in more habuerunt, animo intendant, dum matrimonium ineunt, uxori valedicere, si impune possint, statim ac illam fasti- diunt. Huius generis homines non aliter ac Normand ma-

o

trimonium irrident ecclesiae, civile tantummodo prae oculis habent, quia timent ne armato milite iugalia onera perferre cogantur.

Paucis Carolus Normand non fori interni obligationes, quas a teneris unguiculis contemnere didicit, dum nuptias explevit, ignoravit, sed speravit se coniugalibus obligatio- nibus prout aliis omnibus, quandocumque sibi volupe fuerit, contraire uxoremque dimittere impunissime posse. Hunc et non alium sensum habent Caroli facta dictaque, si vera sint quae iurisconsultus Gautereau, Adelia Legorju, Hilarius Le- gorju, Carolae soror, eius pater A. Jumel, causidicus Va- lentin, aliique commemorant. At vero si ista ad cassandum matrimonium sufficiunt, ii tantum valido connubio iungun- tur qui ab aetate tenella timere Deum eiusque mandata fa- cere assuev erunt.

Cum ita res se habeant, non dubito quin Emi Patres ad inscriptam rogationis formulam « An sententia curiae ar- chiepiscopalis sit confirmanda vel infirmanda in casu » di- mittant consultissimo responso « Negative ad primam par- tem, affirmative ad secundam. »

Quibus praemissis, propositum fuit sequens

Dubium.

An sententia Curiae parisiensis sit confinnanda vel in- firmanda in casu.

RESOLUTIO. S. C. Concilii sub die 3 1 Januarii 1 8 9 1 , re discussa, censuit respondere: Sententiam esse infirmandum.