426. (9. ) De sancto Victore cautio.

R. 0 diem hunc pulcherrimum Sollennem in condensis, Excelsum et uberrimum Praeconiis immensis !

1. Iure quidem praedecorum Diem illum posterorum

Stilus dat memoriae, Quo defertur cum festiva Sanctus Victor comitiva,

Miles regis gloriae.

2. Qui his denus in Augusto Adnuente Deo iusto

Clarus tunc enituit Anno quater C milleno Quartoque et sexageno,

Clerus ut instituit.

3. Dies ille iubilaeus,

Quo contritus quivis reus

Sumpsit indulgentiam, Hinc portentum atque cleri Xantis erat intueri

Vulgique praesentiam.

4. Tunc Francorum clarum genus, Hic de Clivis dux serenus

Rutilans apparuit, Clara venustate cuius Clarus dies festi huius

Clarior inclaruit.

5. Sic ducissa de ducali Inclita Burgundiali Prodiens origine Diem colens tunc divinum Fulsit hic ut matutinum Sidus in caligine.

6. Quorum nati tres maiores Tres fuere portitores

Nostri primicerii, Patre quidem praecedente Primum locumque supplente Tanti ministerii.

7. Isti sane tres venusti,

Aevo iam tunc non vetusti,

Potius tenelluli, Deportati deportabant Clari clarumque tractabant

Duces tunc novelluli.

8. Mox ut arcam amplexantur Duces, ipsos comitantur

Comites ingenui, Hinc insignes, hinc barones, Milites atque tirones Numero non tenui.

9. Porro clerus reverenter Praecedebat et decenter

Congruis ordinibus, Mente prorsus devotizans, Sed et digne sollemnizans

Tubis et carminibus.

10. Troiae vero plebs vulgaris, Martyri peculiaris,

Gressu individua Defensabat a pressura Vulgi clerum sua cura

Forti et assidua.

11. De mandato concurrentum Data quinquaginta centum

Erat plebanatuum, Ubi pastor et patronus Civis erat et colonus

Diversorum statuum.

12. Erat visu tunc vagari Et castrorum speculari

Fortium spectacula, Coetus quorum feminarum Vultus, cultus, mores quarum

Erant absque macula.

13. Sanctum Dei sic deduxit Turma, ferme quae confluxit

Trecentorum milium, Iuxta morem et decretum Pulchre nimis ad consuetum Montis supercilium.

14. 0 festivum phase tale, Nusquam reperitur quale

In sacris codicibus, Nostra sed nec vidit aetas, Siquidem excedit metas Modis multiplicibus.

15. Eia, Xantis, iucunderis, Illustrari quod mereris

Tam praeclaro lumine, Amplexare sacrum funus A remotis tibi munus

Missum Dei numine.

16. In te cubans, sacra polis, Victor lucet instar solis

Signis coruscantibus, Dans obsessis libertatem, Mortem morbis, sanitatem

Multis infirmantibus.

17. 0 solamen in tormentis, 0 tutamen nostrae gentis,

Decus et laetitia, Te rogamus vehementer, Mala pelle diligenter, Morbos atque vitia

18. Tu vas auri solidatum,

Cunctis gemmis adornatum

Radians ut facula, Quo resplendent longe nota Tibi, martyr, iam devota

Troiae tabernacula.

19. Sub vexillis sanctae crucis Morte pressus divae lucis

Stola iam indueris; Hinc precamur voce pari, Fac nos tecum illustrari

Lumine, quo frueris.