Quaestio 20

Prologus

Deinde quaesitum fuit de officio vicariorum.

Utrum vicarius alicuius possit vices suas committere alteri.

Et videtur quod sic.

Argumentum 1

Quia effectus habens virtutem causae potest in ea in quae potest causa.

Argumentum 2

Contra. Quia hoc videtur esse contrarium illi Prov. XXVII, 23: diligenter agnosce vultum pecoris tui.

Corpus

Respondeo. Dicendum, quod ille qui constituitur vicarius, non potest totam suam potestatem committere, sed potest partem; quia intentio committentis est ut exequatur secundum quod potest ille cui committit; et forte talis non potest totum facere quod sibi committitur, et ideo potest aliquid alteri committere.

Ad 1

Ad primum ergo dicendum, quod effectus non habet semper totam virtutem causae, nisi esset episcopus.

Ad 2

Ad secundum dicendum, quod hoc ipsum facit ut cognoscat vultum pecoris.