Walahfridus Strabo, Abbas Augiensis, d. 849.
121. (1. ) Hymnus de Natale Domini.
122. (2. ) Sabbato Quattuor Temporum
123. (3. ) Hymnus de sancto Gallo
124. (4. ) In Natalem sancti Mammetis
125. (5. ) Hymnus sancti lamiani Martyris.
127. (7. ) De beata Maria Virgine.
129. (9. ) In Adventu Hlotharii Imperatoris.
R. Imperator magne, vivas semper et feliciter.
1. Innovatur nostra laetos terra flores proferens, Ver novum praesentat aetas, dum datur te cernere.
2. Gaudeat totum tuorum agmen hic fidelium, Omnis aetas, omnis ordo, corde dicens intimo:
3. Exstet adventus beatae nunc tuae praesentiae Gaudio plenus sereno et favore simplici.
4. Iuste, felix et benigne, mitis et piissime, Pande mentis hic nitorem nostra complens gaudia.
5. Quod minus digne valemus servitute debita, Hoc tui donet favoris laeta nobis gratia.
6. Sancta, Lothari, Maria virgo te cum fratribus Et simul cum patre magno servet, armet, protegat.
7. Et Valens iunctus beatis hoc precetur omnibus, Vestra pax ut pace cunctos firmet apta subditos.
8. Intus, extra, longe, iuxta fulgeat concordia, Brito cedat atque Bulgar, omnis ardor hostium.
9. Vita, virtus et potestas robur et victoria, Fama felix te sequantur atque vitae praemia.
10. Summa summae trinitati sit per aevum gloria, Quae gubernet et coronet per te omne saeculum.