3. De sancta Margareta.

In 1. vesperis.
Super Psalmos.

A. O Margareta,

caelorum virgo secreta
Iam conscendisti,

suavissima victima Christi,
Ora pro nobis,

virtus quo crescat amoris.

Ad Magnificat.

A. Magnificemus Dominum,
Salvatorem omnium,
In spiritu exsultantes
Et festum celebrantes
Beatae Margaretae,
Ancillae humilis suae,
Nos ut eiusdem precibus
Criminum expurgemur faecibus.

Ad Matutinum.
Invitatorium.

Auctorem vitae,

Christum laudare venite,
Cui Margareta

conregnat in aethere laeta.

In 1. Nocturno.
Antiphonae.

1. Haec virgo praedicans

nomen tuum, Christe bone,
A te meruit coronari
gloria et honore.

2. Testimonium Domini fidele,
Sapientiam praestitit parvulae,
Hostis ideo saevissimus
Non dominatus est eius.

3. Innocentiam retinens
Mundumque cor diligens
Per poenas temporales
Portas introivit aeternales.

Dreves, Historiae rhythmicae. VII.

Responsoria.

1. Felix igitur Margareta,
Sacrilego sanguine progenita,
Fidem, quam spiritu

sancto percepit,
Vitiorum maculis

non infecit ;
V. Ibat de virtute

in virtutem
Ardenter sitiens

animae salutem.

2. Haec modica

quidem in malitia,
Sed mire vigens

pudicitia,
Praeventa gratia redemptoris
Oviculas pascebat nutricis.
V. Simplex fuit ut columba,
Quemadmodum serpens astuta.

3. Quadam die Olybrius,
Molestus Deo et hominibus,
Dum transiens visum

in illam sparsit,
Mox in concupiscentia

eius exarsit;
V. Erat enim

nimium formosa,
In vultu scilicet

floruit ut rosa.

In 2, Nocturno.
Antiphonae.

1. Desiderans speciem eius
Benedixit eam Deus,
Trahens illam ad se
In laetitia et exsultatione.

2. Virtutum Dominus
Susceptor illius,
Arcum potentis confregit,
Qui carnaliter eam occidit.

3. In medio templi

regis sempiternam
Misericordiam suscepit,
Qua iugiter gaudebit.

Responsoria.

1. Misit protinus clientes
Ad inquirendos
eius parentes,
Ut, si libera probaretur,
In coniugium
sibi copularetur.
V. Sed hanc qui desponsaverat,

Non ita praeordinaverat.
2. Cum tyrannus intellexit,
Quod eum virgo despexit,
Iussit eandem iratus
Suis praesentari tribunalibus,
V. Quam sperans

puellarum more
Minis flecti

subiuncto terrore.
3. Virgo veneranda

In magna stans constantia
Verba contempsit iudicis,
Nil cogitans de rebus lubricis ;
V. Caelestis praemii spe gaudens
In tribulatione erat patiens.

In 3. Nocturno.
Antiphonae.

1. Dicta sunt gloriosa
De te, virgo speciosa,
Sis memor hinc nostri,
Devotos quos tibi nosti.

2. In populis annuntiemus
Mirabilia, quae fecit Deus
Hac in beata virgine,
Quia vixit absque crimine.

3. Tubis in ductilibus
Psallat omnis spiritus
Iudicaturo cuncta saecula,
In quo iam exsultat
Haec agni pedissequa.

Responsoria.

1. Post carceris squalorem
Carnisque macerationem
Christi dilecta tenebrosis
Denuo recluditur in locis,

V. Nomen Domini laudare
Non desinens et glorificare.

2. Sancta martyre
Precatibus instante
Draco foetore

plenus apparuit,
Qui hanc invadens

totam absorbuit,
V. Quem per medium

signo crucis discidit
Et de utero

eius illaesa exivit.

3. Fortis agonista

secum meditatur ut ista,
Astitit, exorat,

daemon sua crimina prodat,
Cogitur afflictus,

discedit denique victus,
V. Fratrem truncatum

dolet ac sese superatum.

In Laudibus,
Antiphonae,

1. Martyr insignis Margareta
Iuxta praefecti decreta
Ocius carceri subtrahitur
Eiusque conspectibus sistitur.

2. Cumque nullis blanditiis
Ad consensum

molliretur iudicis,
Furore nimio inflammatus
Praecepit eam

accendi lampadibus.

3. Ministri statim tenellae
Corpus comburebant puellae,
Sed haec oratione facta
Igne permansit intacta.

4. Vas immensum aqua plenum

Praeses imperat afferri

Et in illud virginem

Ligatam demergi.
5. Laudabilis Dominus

In suis virtutibus

Vincula manuum relaxavit

Suamque famulam
de morte liberavit.

Ad Benedictus.
A. Videntes haec mirabilia

Baptizati sunt quinque milia,
Quos capite plecti censuit
Ira praefecti, quibus est ad dicta
Christi testis invicta
Benedicens Deum deorum
In saecula saeculorum.

In 2. Vesperis.

Antiphcmae.

A. Sanctum nomen Domini
Magnificent omnes populi,
Qui Margaretae
Fusa ad Deum
ultima prece
Promisit se daturum
Vitae praemia
Eius digne

colentibus sollemnia,
Quorum nos consortes
In dilectione fortes
Faciat ad suam laudem
Per infinita saecula.

Cuius nunc unanimes
Insistentes laudibus,
Ut pro nostris reatibus
Interveniat, quaesumus.

1. Psallat mater ecclesia
Dulci cum symphonia
Recenseudo celebria
Margaretae sollemnia

2. Haec quasi foetorem

Christi flagrans per amorem
Sic mundi florem,
mundi quoque spernit honorem.

3. Per virtutum incrementa
Carnis horret blandimenta,
Servans fidem Christo soli,
Lacta scandit arcem poli.

4. O flos virens inter
paradisi lilia,
Margareta, virgo pia,
veri solis filia.

5. Plaudat Sion filia

Laudum cum canore,
Assunt nunc sollemnia

Virginis decorae,
Margaretae, sponsae Christi,

Quae suo cruore
Lota felix in caelesti

Gaudet iam decore ;
Cuius, Christe, sancta prece
Purgans a peccate faece

Iunge nos caelestibus.