4. De sancta Margareta.

In 1. Vesperis.
Antiphonae.

1. Summi regis ad honorem
Laetetur ecclesia
Celebrando Margaretae
Virginis sollemnia.

2. Quae de stirpe procreata
Praeclara gentilium,
Vana sprevit fide rata
Deum colens omnium.

3. Mox ex alvo matris nata
Nutrici committitur,
Cuius curis educata
Matre destituitur.

4.In primaeva iam aetate
Florens Deum coluit,

Cuius fervens caritate
Vana mundi rapuit.

5. Nostrae semper sit salutis
Margareta informatrix,

Nos ad Dei ferens laudem
Ut filia Hierusalem.

R. Virgo prudens et formosa
Parenti fit odiosa,

Dum diis cultum denegat,
Sed per fidem generosa
Summo fit electa rosa
Patri, quem dilexerat,
V. Corde puro

menteque sedula
Deum verum
colit orphanula.

Ad Magnificat.

O iubar ecclesiae,

Lux serena virginum,
Decas Antiochiae,

Lucerna gentilium,
Vexillum victoriae,

Columna debilium,
Funde preces hodie

Pro nobis ad Dominum.

Ad Matutinum.
Invitatorum.

Ad lumen vitae

cuncti vigilando venite,
Virginis ut festo

iubiletur gloria Christo.

In 1. Nocturno.
Antiphonae.

1. Festum sponsae generosae,
Festum plenum gaudio
Sponsae Christi speciosae
Summo colant studio.
2. Haec in annis regnum mundi
Spernens puerilibus
Non timebat saevis tundi
Pro Christo verberibus.
3. Hanc ob miram diligenti
Cura pulchritudinem
Nutrix servat, dum orbatam
Matre cernit virginem.

Responsoria.

1. Tyrannorum

praefectus impius,
Nomen Christi

studens Olybrius
Delere citius,

venit ab Asia
Antiochiam,

fervens invidia;
V. Vicina transiens

per loca virginem
Pascentem conspicit

oves praenobilem.

2. Margaretae contemplatus

Miram pulchritudinem,
Mox ardescit profanatus

In illius speciem,
Servos mittit et precatur

Verbis blandis virginem ;
V. Promittit varia,

sed et amabilem
Sibi coniungere

spondet in coniugem.

3. Contemnit impium

puella tenera,
Nec mulcent mitia,

nec terrent aspera,
Constantis animi

nam inter verbera
Dilectum baiulat,

quem colunt aethera;
V. Fide firma

perstat immobilis,
Deridens minas

scelesti iudicis.

In 2. Nocturno.
Antiphonae.

1. Oves pascens cum puellis
Nutricis virguncula,
Sic honoris et decoris
Declinat pericula.

2. Sponsa sponso copulata
Cordis desiderio
Sociari sibi gliscit
Corporis martyrio.

3. Metu poenae non gravatur
Pugnatricis animus,
Nec a Deo separatur
Mens trita doloribus.

Responsoria.

1. O mirandum, praedicandum
Divinum consilium,
In puella nova bella

Rex exercet omnium,
Quae tyrannum infra annum
Vicit quintum decimum ;

V. Ovis lupum,

columba vulturem,
Philomena

sternit accipetrem.

2. In tormentis virginem

Dum invictam conspicit,
Tyrannus in carcerem

Taetrum trudi praecipit,
Sed nec sic immobilem

Commovere sufficit;
V. Signo crucis

munita carcerem
Intrat, hostem

non timens veterem.

3. Ave, virgo sancta, martyr

Margareta,
Ex lapide pretioso

nuncupata,
Quae serpentes superasti
Nec tormenta formidasti,
Te precantes

da hostes vincere
Et carnales

motus restinguere ;
V. Tu flos agri, tu lilium
Non marcescens convallium.

In 3. Nocturno.

Antiphonae.

1. Omnis decor, rex decoris,
Collaudetur cordis, oris

Praedulci tripudio,
Margaretam qui nitoris
Veste claram iunxit choris

Superum cum gaudio.

2. Spe mercedis, ad quam virgo
Totis tendens viribus,
Ictibus occumbit gratis
Lictorum ferocibus,

8. Sapienter pro supernis
Commutat terrestria,
Pro perfectis et aetemis
Mundi transitoria.

Responsoria.

1. O miranda nimium

Virginis constantia !

Turba circumstantium

Flet in abundantia,

Videns corpus tenerum

Pati tot supplicia ;

V. Praefectus ipse

non valens impius
Videre, faciem
operit vestibus.
2. Praefectus igitur
infectus scelere,
Nec sic afflictam
ferens evadere,
Novo iam utitur

tormenti genere,
Perpulchrae violae
virorem laedere,
V. In vase sanctam
repleto flumine
Submergi iubet
ligato corpore.
3, De dracone triumphasti,
Dum terrena conculcasti
Et cum eo, quem amasti,
Gaudes iam in gloria,
V. Mente tendens ad superna,
Spernens mundi gaudia.

In Laudibus.

Antiphonae.

1. Lictores igitur

mactantes virginem
Abhorrent sceleris
sui tyrannidem.

2. Adfantur nymphulam
dicentes talia:
Dolemus super te,
virgo pulcherrima.
3. Consenti equidem
nostris consiliis,
Ut possis vivere
dotata variis.

4. O mali, inquit,
consiliarii,
Pro poenis istis
spem gero gaudii.

5. Turba canat virginum
Frequentando canticum
Congaudendo virgini,
Quam vocavit virginum
Rex in chorum hodie
Iugiter canentium.

Ad Benedictus.

A. Benedictus Dominus

Deus Israelis,
Qui columbae pandere

merita fidelis
Per columbam voluit,

quae sertum de caelis

Ore tulit aureum
Invitans ad gaudium
martyrem Rachelis.

In 2. Vesperis.
Ad Magnificat.

A. Beatissima

Christi virgo Margareta,
Splendidissima
Sanctorum margarita,
Laus angelorum,
Spes peccatorum,
Sidus aureum
Inter choros martyrum,
Fac nos, quaesumus,
Meritis tuis et precibus
Gaudendo gaudere
in caelestibus.