Acta Apostolicae Sedis - Commentarium Officiale424

II

Venerabili Dei Servo Stanislao a Iesu Maria Papczyński Beatorum honores

decernuntur.

BENEDICTUS PP. XVI

Ad perpetuam rei memoriam. - «Omnia vestra in caritate fiant »

(1 Cor 16,14).

Verba haec Venerabilis Servus Dei Stanislaus a Iesu Maria Papczyński

(baptismi nomine: Ioannes), conditor Congregationis Clericorum Marianorum

ab Immaculata Conceptione B.V.M. suis spiritalibus filiis repetere solebat,

veluti christianae vitae religiosaeque regulam. Salutifer amor Dei Unius et

Trini, qui in corda hominum per Paschales eventus diffusus est et in mysterio

manifestatus Immaculatae Conceptionis Beatissimae Virginis Mariae, fons

fuit inexhaustus roboris, inspirationis, apostolicorum inceptorum quae fun-

dationem promovebant novi Instituti religiosi ex parte Servi Dei Stanislai a

Iesu Maria Papczyński. In Podegrodzie natus est, in Polonia, ex quadam

copiosa agricolarum familia, die XVIII mensis Maii anno MDCXXXI. Parentes

viribus non parcebant et mediis ut in catholico spiritu formarent eum et bene

instituerent. Mediis scholis expletis atque duobus philosophiae annis, viginti

et tres annos natus, vocationis ad vitam religiosam omnino conscius in Ordi-

nem ingressus est Clericorum Regularium Pauperum Matris Dei Scholarum

Piarum, contra parentum oppositionem, praesertim matris. In novitiatu no-

men accepit Stanislaum a Iesu Maria. Die XXII mensis Iulii anno MDCLVI

religiosa vota nuncupavit et die XII mensis Martii anno MDCLXI sacerdos est

ordinatus. Ab initio, evangelica permotus vocatione ad perfectionem, diligen-

tissime ad propriam tetendit sanctificationem, confratrum atque illorum qui

eius pastorali sollicitudini erant concrediti. Brevi tempore, potissimum Var-

saviae, peculiaria ob dona a Deo accepta atque cotidianae vitae iter, pernotus

factus est veluti aptus educator atque artis rhetoricae professor, praeclarus

praedicator, sapiens confessarius, cuius adiumento tum pauperes fruebantur

tum divites et nobiles ecclesiastici. Diligenter curans spiritalem vitam Ordi-

nis, illo tempore quibusdam obnoxii mutationibus, suam signifı̀cavit opinio-

nem pro pristina Instituti vita observanda. Ob contentiones quas vixit, plu-

rimos passus est dolores, ex quibus uberes collegit fructus, detegens Christi

passionem eique adhaesionem. Eodem tempore in animo volutabat novam