6. De sancta Margareta Hungarica.

In 1. Vesperis.

Super Psalmos.

A. Iucundare ex novella

Floris caelum plantula,
Cuius vigor carnis bella
[Prece] stravit sedula.

Ad Magnificat.
A. Felix plane,

felix per omnia,
Summa semper

ducens fastigia,
Quam terrenae
stemma propaginis

Et caelestis

insignit gloria,
De regalis

radice germinis
In regnorum

scandens imperia.

Ad Matutinum.
Invitatorium.

Regi Christo laude laeta
Solvamus obsequium,

Cuius regni Margareta
Confortatur gaudium.

In 1. Nocturno.
Antiphonae.

1. Mundi plenum luxu rete
Damnans pudicitia
Caeli nuptum Margaretae
Sperat innocentia.
2. Cilicio se ambiens
Virgo iam velata,
Flagris se percutiens
Christo consecrata,
Zona quoque ferrea
Cinxit se beata.
3. Voto vitae stabilis
Loco permutata
Tamquam arbor fertilis
Crevit transplantata.

Responsoria.

1. In declivo vitae fine
Nostri casus ut ruinae
Restaurentur gratiae,
Dum regali stirpe nata
lura vendit abdicata
Voluntatis propriae,
V. Haec exemplum, Dei templum,
Margareta laude spreta
Mundi praebet patriae.
2. Ortus caelo conscio
Germinis magnifici
Paupertatis pretio,
Voto, cultu subiici

Patris almi nuntio
Panditur Dominici,
V. Summi civis aetheris,
Forma vitae veteris
Iuris usu caelici.

3. Virgo decens aevo,

pugil in certamine saevo,
Mundum vicisti

felici foedere Christi,
V. Dum regis orditam

claustrali tramite vitam.

In 2. Nocturno.
Antiphonae.

1. Sub regalari ferula

Tranquilla parens tremula,
Professi status creditum
Ad plenum solvens debitum,
2. Sanctitatis populo

Spargit fundens odores,
Exemplari speculo
Fulgens inter sorores.
3. Dum sordescit provoluta
Ancillarum pedibus,
Tergit rixae labis luta
Ex earum cordibus.

Responsoria.

1. Sub clausura

vitae primordia
Stringens calcat

[regum] insignia,
Summi verbi

victa inopia
Plagis urget

membra nobilia,
V. Culpae adhuc nescia
Laetatur paenitentia.
2. Abnegata

patris consortia
Tempestatis

flagellans pluvia,
Caeli secum

pugnante gratia

Voti compos
solatur anxia;
V. Lacrimarum

profusis imbribus
Vim pluviae

ministrat nubibus.
3. Carne sub exili

caelesti nupta cubili
Languet in amplexu
divino saucia nexu,
V. Optat, quaerit, amat,

gemitu, prece,verbere clamat.

In 3. Nocturno.

Antiphonae.

1. Impetrandi gratiam
Provocans ieiunio,
Fervet in fiducia
Tali ducta praevio.

2. Castigante transitum
Corporis molestia
Impendentem spiritum
Cogit ad caelestia.
3. Nuptiali convivio

Consors una fruentium
Sponsi fusa [in] gremio
Canit epithalamium.

Responsoria.

1. Explicata fruitura
Laboris stipendio
Iam praeivit nascitura

Caeli stillicidio,
Vox superna mortis iura
Rorat vaticinio,
V. Tali privilegio

Vim amoris amplioris
Parit desiderio.

2. O spectanda saeculo
Novo res miraculo
Gestu singularis,
Votum mater astruit,
Viri sexum induit
Forma puellaris.

V. Compeditus carcere

Clare visitatus
Suffraganti munere

Gaudet liberatus.
3. Sole sub ardenti

rutilante luce latenti
Optat inesse choris

stabiliti palma pudoris,
V. Lilia conferto

redolens gerit insita serto.

In Laudibus.

Antiphonae.

1. Iam Margareta

rediviva pace quieta
Se rapit ad pronam
radio vibrante coronam.
2. Congaudete, superi,
Vobis sidus inseri
Vas caelestis roris,
Laudis et honoris.
3. Nostri tegmen ordinis
Femineo flore
Virginalis agminis
Fulget in decore.

4. O felicem famulam,
Puritatis gerulam,

Quae subintrat chorum
Regis angelorum.
5. Haeres regis strenua
Supernorum civium,
Caeli nobis ardua

Confer pandens ostium.

Ad Benedictus.

A. Dulci digne

respondens praemio
Sub perennis

lucri comercio,
Virgo Christi,

grata servitio,
Caelum tibi

blanditur gaudio.