collatio VII.

(Vers. 51.). Videbitis caelum apertum.

Nota, quod caelum aliquando aperitur ad mittendum exeniabeneficiorum

ad ostendendum mysteria secretorum - ad recipiendum in gaudia

praemiorum. - Caelum aperit Deus incipientibus ad emittendum: quod figuratum est Matthaei tertio et Lucae tertio, ubi legitur, quod baptizatus Iesus " confestim ascendit de aqua, et ecce, caeli aperti sunt, et vidit Spiritum Dei sicut columbam descendentem super se ". - Caelnm aperit Deus ad ostendendum quae sunt in caelo, et sic apertum est Ioanni Apocalypsis undecimo: " Apertum est templum Dei in caelo, et visa est arca testamenti eius in templo eius ".

Caelum aperit Deus ad recipiendum, et sic apertum est Stephano, qui vidit caelos apertos, " vidit et introivit": de qua aperitione Actuum septimo: " Ecce, video caelos apertos et Iesum stantem a dextris Dei".

2. Notandum autem, quod tripliciter meretur quis invenire caelum apertum: offerendo

pulsando - et properando.

Solet enim libenter aperiri offerentibus: et ideo dicitur Malacbiae tertio : " Inferte omnem decimam in horreum meum, ut sit cibus in domo mea, et probate me super hoc, dicit Dominus: Si non aperuero vobis cataractas caeli et effudero vobis benedictionem usque ad abundantiam ".

Aperitur etiam pulsantibus: Matthaei septimo: " Pulsate, et aperietur vobis "; et ibidem: " Pulsanti aperietur ".

Aperitur nihilominus properantibus: properantes enim inveniunt ostium apertum, quod tardantes inveniunt clausum: ideo dicitur Lucae decimo tertio : "Contendite intrare per angustam portam, quia dico vobis, multi quaerent intrare et non poterunt. Cum autem intraverit paterfamilias et clauserit ostium, incipietis foris stare et pulsare " etc: et Matthaei vigesimo quinto habetur de virginibus, quod illae " quae paratae erant, intraverunt cum eo ad nuptias ". Novissimis vero . responsum est: " Nescio vos ".

Cogitemus ergo offerre munus bonae operationis et pulsare per instantiam orationis et properare per fervorem aemnlationis: et caelum aperietur nobis.

3. Nota de hoc quod dictum est supra , quod ad emittendum est apertnm caelnm Christo intranti, ad ostendendum Ioanni contemplanti, ad recipiendum Stephano patienti.

Annotato I.

(Vers. 3.). Omnia per ipsum facta sunt. - Notandum , quod est verbum faciens, verbum factum et verbum fiens.

Verbum faciens est Verbum ab aeterno genitum, de quo hic: Omnia per ipsum facta sunt.

Verbum factum est verbum menti interius impressum, de quo Lucae tertio : " Factum est verbum Domini super Ioannem, Zachariae filium, in deserto ".

Verbum fiens est verbum vocaliter prolatum, quod tantum est in fieri: de quo dicit Damascenus, quod verbum nostrum est anypostatum, id est non subsistens et in aerem effusum. De hoc dicitur , quia " volat irrevocabile verbum ".

Annotatio 2.

(Vers. 6.). Fuit homo missus a Deo etc. -Nota, quod Ioannes fuit missus ante Dominum .ut praeco ad annuntiandum, ut praecursor ad iter praeparandum, ut nuntius ad hospitium accipiendum.

De primo habetur hic : Fuit homo missus a Deo, cui nomen erat Ioannes. Hic venit in testimonium, ut testimonium perhiberet de lumine.

De secundo, Malachiae tertio: " Ecce, ego mitto angelum meum, qui praeparabit viam ante faciem meam ".

De tertio, Lucae primo: " Ipse praecedet ante illum in spiritu et virtute Eliae, ut convertat corda patrum in filios et incredulos ad prudentiam iustorum " etc.

Ioannes praeconizavit praedicando, iter praeparavit baptizando, hospitium accepit corda hominum ad fidem Christi convertendo.

ANNOTATIO 3.

(Vers. 23.). Ego vox clamantis in deserto. - Nota, quod Ioannes aliquando dictus est propheta, aliquando vox, aliquando lucerna. Prophetae est cognoscere veritatem: vocis est promere verbum: lucernae est ostendere lucem.

Beatus Ioannes propheta fuit, quia cognovit veritatem divina revelatione; Matthaei undecimo , Lucae septimo: " Etiam dico vobis, et plus quam propheta ". - Fuit iterum vox, quia veritatem protulit in praedicatione; unde Ioannis primo: " Ego vox clamantis in deserto: Dirigite viam Domini " etc.

- Fuit lucerna, quia veritatem ostendit in conversatione, secundum quod dicitur Matthaei quinto: " Sic luceat lux vestra coram hominibus, ut videant opera vestra bona ". De ipso dicitur Ioannis quinto: "Ipse erat lucerna ardens et lucens ": ardens in affectu per caritatem, lucens in effectu per sanctam operationem. Fuit ergo propheta, quia cognitor veritatis: un,

quia praedicator veritatis ; lucerna, quia operator veritatis.

Iterum, ego vox clamantis in deserto . - Nota, quod ideo Ioannes dicitur vox, quia vox praecedit verbum, vox manifestat verbum, transit et relinquit verbnm. - Ita et Ioannes praecessit Christum: Lucae primo: " Ipse praeibit ante illum.. Manifestavit Christum; Ioannis primo: " Ecce, Agnus Dei". Transivit et reliquit Christum: unde Ioannis tertio: " IIlum oportet crescere, me autem minui ".

Capitulum II. Nuptiae factae sunt.