collatio IX.

(Vers. 3.). Vinum non habent.

1. O quam bonum est, Matrem Iesu ad suum . convivium invitare, quae pauperibus convivii adhibet solatium compassionis, consilium instructionis, suffragium orationis ! Compassionis indicium est, quod dicit: Vinum non habent. Instructionis consilium, quod dixit : Quaecumque vobis dixerit, facite. Suffragium orationis fuit, quod a Filio miraculum conversionis aquae in vinum impetravit.

2. Vinum non habent. Notandum, quod est vinum naturae

vinum gratiae

et vinum culpae.

Vinum naturae est moderandum: Ecclesiastici trigesimo primo : "Ne comprimaris in convivio " vino. (Intellige, quae sunt proximi tui, ex te ipso". Est autem moderandum propter tria: ut vivas in iucunditate quantum ad animam: Ecclesiastici trigesimo primo: " Exsultatio animae et cordis vinum moderate potatum". Ut vivas in sanitate quantum ad corpus: Ecclesiastici trigesimo primo: " Aequa vita hominibus vinum in sobrietate "; et infra eodem: " Sanitas est animae et corpori sobrius potus ". Ut vivas in prosperitate quantum ad possessionem, quia, Ecclesiastici trigesimo primo, " vinum multum potatum irritationem et iram et ruinas multas facit"; et Proverbiorum vigesimo primo: " Qui amat vinum et pinguia non ditabitur ".

3. Vinum culpae est abominabile: Deuteronomii trigesimo secundo : " Fel draconum vinum eorum et venenum aspidum insanabile ". Est autem triplex: luxuriae vel voluptatis; Amos sexto: (Bibentes vinum in phialis et optimo unguento delibuti"; Sapientiae secundo: " Vino pretioso et unguentis nos impleamus "; ad Ephesios quinto: " Nolite inebriari vino, in quo est luxuria"; Proverbiorum vigesimo: "Luxuriosa res vinum, et tumultuosa ebrietas ". - Avaritiae vel cupiditatis: Proverbiorum quarto : (Comedunt panem impietatis et vinum iniquitatis bibunt": Ezechielis vigesimo septimo: (Damascenus negotiator tuus in multitudine operum tuorum, in multitudine diversarum opum, in vino pingui, in lanis optimi coloris ". - Superbiae vel vanitatis: Habacuc secundo : " Quomodo vinum decipit potantem, sic erit vir superbus et non decorabitur ". Hoc est vinum illius meretricis magnae, id est vanitatis mundanae, " cum qua fornicati sunt reges terrae et inebriati sunt qui inhabitant terram ", scilicet " vino prostitutionis eius ", Apocalypsis decimo septimo.

4. Vinum hoc sequitur vinum poenae triplex: vinum remorsus conscientiae. Haec est poena, quae infertur in praesenti: Proverbiorum vigesimo tertio : " Ne intuearis vinum, quando flavescit, cum splenduerit in vitro color eius: ingreditur blande, sed in fine mordebit ut coluber et sicut regulus" etc.

Vinum damnationis aeternae, quae poena sustinenda est in inferno: Apocalypsis decimo quarto: (Si quis adoraverit bestiam et imaginem eius et acceperit characterem eius in fronte sua, aut in manu sua: hic bibet de vino irae Dei, quod mistum est mero in calice ipsius, et cruciabitur igne et sulphure in conspectu Angelorum sanctorum et ante conspectum Agni "; Ieremiae vigesimo quinto: " Sume calicem vini furoris huius de manu mea " etc.

Temporales calamitates et miseriae; tertii Esdrae tertio : "Viri, quam praevalet vinum omnibus hominibus ! seducit mentem " etc.; et Ecclesiastici trigesimo primo: " Amaritudo animae vinum multum potatum ".

5. Vinum gratiae quadruplex: Raspetum compunctionis ; Psalmus : " Ostendisti populo tuo dura: potasti nos vino compunctionis ". - Roscium compassionis; Canticorum quinto: (Comedi favum cum melle meo, bibi vinum meum cum lacte meo", id est planctum compassionis cum laetitia redemptionis, quae inveniuntur in cruce Christi. - Salmelum devotionis: Canticorum octavo: " Dabo tibi poculum ex vino condito et mustum pomorum granatorum meorum ". - Clarelum sive aromaticum internae fruitionis: Canticorum primo: (Meliora sunt ubera tua vino, fragrantia unguentis optimis ".

6. Vinum culpae fugiendum, quia infatuat; Isaiae vigesimo octavo : "Prae vino nescierunt et prae ebrietate erraverunt: absorpti sunt a vino, erraverunt in ebrietate, nescierunt videntem ". - Quia depauperat; Proverbiorum vigesimo primo: "Qui amat vinum et pinguia non ditabitur".

Quia exterminat: Ecclesiastici trigesimo primo: " Multos exterminavit vinum "; Proverbiorum vigesimo tertio: "Cui vae? Cuius patri vae? etc. Nonne his qui commorantur in vino et student calicibus epotandis "?

7. Vinum gratiae est appetendum, quia sanativum: Lucae decimo de Samaritano, qui iussit, plagae vulnerati infundi vinum et oleum. - Quia confortatiuum: tertii Esdrae tertio: " Omnem mentem convertit in securitatem"; primae ad Timotheum quinto: " Modico vino utere propter stomachum tuum et frequentes tuas infirmitates".

Quia iucundatiuum: Psalmus: " Vinum laetificat cor hominis": Canticorum primo: " Exsultabimus et laetabimur in te, memores ubemm tuorum super vinum ".