15. De sancta Martha.

I n 1. Vesperis.

Super Psalmos.

A. En, illuxit lux celebris,
In qua de mundi tenebris
Lux verae lucis hospitam,
Martham collegit inclitam,
Quae nos post carnis limitem
Ad suum ducat hospitem.

Ad Magnificat.

A. Haec est Christi fidelis famula,
Apud quam Dominus hospitari
Voluit atque servari
Saepiusque recreari ;
Propter hanc sibi gratissimam
Lazaro vitamreddidit defuncto;
In huius Christus sepultura
Visus, quam esset pura,
Scripti monstravit censura.
Ergo in nomine

sui commendatoris,
Qui eam recollegit

in caeli choris,
Canamus gloriam

tibi, Domine.

Ad Matutinum.

Invitatorium.

Laudibus et psalmis

Christo iubilemus in almis,
Quem sua Martha pio

suscipit hospitio.

In 1. Nocturno.
Antiphonae.

1. Iam gloria et honore

Martham coronas, Domine,
Quam mortali degens more

In suscepto homine
Suo laudas in labore

Geminato nomine.

2. Laudibus agat debitis

Mundus Marthae memoriam,
Aeternam cuius hospitis
Caeli enarrant gloriam.
3. Christum pavit sollicita
Potu, cibis et panibus,
Mundo corde praeinclita
Haec innocens et manibus.

Responsoria.

1, Benedicta

susceptrix salvatoris

Nunc ab eo recepta

Gaudens est coniuncta

Summis caeli choris,
V. Martha felix, quae pavit Iesum

Dans stratum, potum et esum.
2. Curae serviens hospitali

Virgo de stirpe regali,

Martha nomine,

Collegit te, Domine.
V. Magna virtus hospitalitatis
esse probatur,

Cum et per illam saepius
Dominus excipiatur.
3. Lazarum hospitae

Dominus suae devotae

Germanum defunctum

Resuscitat iam sepultum,

Foetentem quatriduanum.
V. Suscitet nos Dominus
a peccati nece

Propter hanc, cuius prece.

In 2. Nocturno.
Antiphonae.

1. Eructavit cor sedule
Querulae verbum famulae,
Quod soror opem neglegit,
Dum haec servire satagit.

2. Deus, noster refugium,
Huius adit hospitium,
Docendi dum laboribus
Lassatur et sudoribus.

3. Fundavit hanc altissimus
Homo natus humillimus,
Cuius te decet caritas
Activa, Dei civitas.

Responsoria.

1. In quoddam caeli dominus
Castellum intravit,
Ubi eum protinus

Hospitio Martha servavit.
V. O sacra

et felix Bethania,
Quae digna

es Christi praesentia.
2. Natantem unda suffocat,
Quem Martha prece revocat,
Nam vivus surgit iuvenis,
Quem merserat vis fluminis,
V. Multum enim valuit,

Quod Martha deprecare studuit.

3. Monstri crudelis

multorum mota querelis
Martha domat rictus,

abscedit enim draco victus ;
Terra Deo credit,

sanctae plebs omnis obedit,
Templum sacratur,

per Christum virgo vocatur ;
V. Centenis aeque

vicibus noctuque dieque
Flexis poplicibus

incubat haec precibus.

In 3. Nocturno.
Antiphonae.

1. Novum cantate canticum
Deo, qui Marthae caelicum
Lumen pandit in patria
Et summi patris atria.

2. Exsultet terra meritis

Marthae congaudens inclitis,
Quae vitam pavit hominum
Et angelorum dominum.

3. Salvator mirabilia
Fecit, pater ex filia
Dum panis caeli nascitur
Et Marthae pane pascitur.

Responsoria.

1. Lumen, quod exstinxit
hostis dirus,
Reaccensum, carentum

ignibus stupor fit mirus,
Territam consolatur

Martham salvator
Et ad caelos dulcem
vocat hospitam,
V. Grates Dominus
multis obsequiis
famulae rependens.
2. Praesul ad exsequias

Marthae a Christo vocatur,
Rei veritas populo

chirothecis publice probatur,
Libro Domini
Martha laudatur;
V. Octo praevenit hanc dilecta
Soror diebus caelo vecta,
Succedit haec electa.
3. O Christi felix hospita,
Quae carne iam deposita
A Iesu pasto pasceris
Et collecto colligeris,
Indigna membra capiti
Nos tuo iungas hospiti ;
V. Memor esto positorum
in hoc exsilio,
Quae iam convivaris
cum Dei filio.

In Laudibus.

Antiphonae.

1. Martha sine vitio

Christo ministravit,
In cuius hospitio
Dominus regnavit.

2. Ei, qui, dum voluit
Subvenire reo,
Marthae domum coluit,
Iubilate Deo.

3. Te, quem scriba despicit
Atque pharisaeus,
Martha domo reficit,
Deus, Deus meus.
4. Qui sepulcro commendavit
Corpus dulcis hospitae
Et ministrum honoravit,
Domino benedicite.
5. Omnis spiritus de caelis
Et hic coetus hominum,
Hospitem Marthae fidelis
Iam laudate Dominum.

Ad Benedictus.

A. Ave, Domini ministra,
Vitae activae magistra,

Tu, cui germanus
Redditur quatriduanus ;
Gaude, quam vocavit
Ipse Christus et humavit;
Vale, parte sororis
Iam potita

facto fine laboris.

In 2. Vesperis.

Ad Magnificat.

A. Ista est famulatrix

Domini salvatoris,
Ista est fidelis hospita

Iesu, mundi redemptoris,
Pro cuius ipse nos precatu

hic dirigat,
Tandem in caelis

nos colligat.