16. De sancta Martha.

In 1. Vesperis.
Antiphonae.

1. Plebs fidelis veneretur
Miro Christi praeconio,

Venerando collaetetur
Gens Marthae sollemnio,

Quae aulam sui hospitis

Intrat fecunda meritis,
Dulci fruens convivio,
Beata iam ex praemio.
2. Rex immensae maiestatis

In domo aeternitatis
Festum grande celebrat,

Ad quod dono pietatis
Martham vocat cum beatis
Et hanc digne numerat.

3. Caelum scandit invitata,
Tota fulgens, coronata

Stola sancti meriti,
Gemmis virtutum ornata,
Deum laudat sociata

Suo dulci hospiti.

4. Hospes secum colligit
Martham, quam sic diligit,
Quod hanc sponsam eligit
Ob decorem ;

Amor nunquam deficit,
Sed crescit et perficit,
Quia nil se obicit
In amorem.

5. Sicque felix hospita
Christo toto dedita
Secum est apposita

Gloriose,
Nos per huius merita,
Christe, laxans debita
Duc ad caeli abdita

Gratiose.

Ad Magnificat.

A. Adest dies triumphalis,
Quo devota specialis

Christi sursum vehitur,
Martha digna summa luce,
Caelum scandit Christo duce

Et Deo coniungitur.

Ad Matutinum.
Inviteitorium.

Aeterno regi omnium

Laudem solvamus debitam,

Qui in terra viventium
Coronat suam hospitam.

In 1. Nocturno.

Antiphonae.

1. Ministrabat sollicita
Christo fidelis hospita,
De sorore conqueritur,
Quod secum non obsequitur,

2. Martha, Martha, quid turbaris
Per frequens ministerium?
Porro unum, quo bearis,
Tibi est necessarium.

3. Claris orta natalibus
Sanctis ornatur moribus,
Viri spernens consortia
Sponsi caelestis gratia.

Responsoria.

1. Mittens in hoc exsilium
Pater caelestis filium,
Subintrat solitudinis
Campum per alvum virginis,
V. Carentem domicilio
Martha recepit proprio
Ministrando fideliter.
2. Veris caeli deliciis

Intenta, quae gustaverat,
Cum magnis abstinentiis
Carnem ieiunans macerat,
V. Mentis nitens puritate
Et carnis virginitate
Viri spernit contagium.
3. Suam Christus familiam
Sublatis gubernaculis
Maris commissam fluctibus
Mire vehit Marsiliam;
V. Praesul, Martha,

soror et Lazarus
Exponuntur

ab infidelibus.
Mari sine remigio.

In 2. Nocturno.
Antiphonae.

1, Fidem facunde praedicans
Coruscat per miracula,
Multos ad Christum revocans
De caecitatis nebula.
2. Ad sui nomen hospitis,
Beatae Marthae meritis
Resuscitatur iuvenis
Aquis submersus fluminis.
3. Draconi crux opponitur,
Draco Marthae prosternitur,
Quem suo coram populo
Martha ligavit cingulo.

Responsoria.

1. Ad Christi matris gloriam
Miram fundat ecclesiam
Ministra caritatis,

In qua sorores ordinat
Et has cunctas illuminat
Exemplo sanctitatis,
V. Instat orationibus
Dans plena virtutibus

In Christo fructus iugiter.
2. Cernens sororis animam
Caelum ferri clarissimam
Orat congaudens praemio,
Ut solvatur exsilio:
V. Bona soror iam beata,
Precor, assis advocata
Hospiti pro hospita.
3. Suum praenoscens obitum
Sanctum commendat spiritum

In manus sui hospitis
Et caelum semper intuens
In pace dormit affluens
Piis et sanctis meritis ;
V. Adest Christus, adest soror
Hora mortis, et sic honor
Christi crescit hospitae.

In 3. Nocturno.
Antiphonae.
1. Exstincta luminaria
Hostis antiqui furia
Soror vocata veniens
Accendit facem deferens.

2. Sancta et felix anima
Somno pacis iam proxima
Stratu prostratur cineris
Exemplum praebens posteris.

3. Pro hospitis memoria
Passionis victoria
Secundum Lucam legitur,
Dum Martha carne solvitur.

Resportsoria.
1, Hospes dulcis, hospes care,
Mei, precor, recordare

Meque tecum suscipe.
Veni, veni, praedilecta,
Hospita olim electa,
Et iam mecum reside;
V. Tu in terris me pavisti,
Me receptans me fovisti,

Dreves, Historiae rhythmicae. VII.

Modo mecum epuleris,

In aeternum gratuleris.
2. In amoris magni signum
Suae Christus laudis dignum

Honorem praestat hospitae,
Nam excitat pontificem
Frontonium et invicem

Corpus condunt sollicite.
V. O hospes plenus gratia,
Cuius mira clementia

Sic honoratur hospita !

In Laudibus.
Antiphonae.
1. Marcilla, Marthae famula,
Martham sequens humiliter
Eius vitam fideliter
Conscripsit et miracula.
2. Sursum semper aspiciens
Seque cruce praemuniens
Egressura de corpore
Provolvitur in cinere.
3. In fidem testimonii
Chirotheca Frontonii
Relinquitur cum annulo,
Dum commendatur tumulo.
4. Benedicamus Domino,
Qui Martham sine termino
In caelis beatificat,
Dum hanc mire glorificat.
5. Laudetur Christus iugiter,
Qui coronat feliciter
Martham in caeli solio
Aeternae vitae praemio.
Ad Benedictus.
A. Visitavit

redemptor omnium
Hospitissam

sibi carissimam,
Quam vocavit

ad regni solium
Sedem parans

luce clarissimam,
Illi munus

stolae dans duplicis
Sociansque

choris angelicis.

In 2. Vesperis.

Ad Magnificat.

A. In aeterna memoria
Est iusta Christi hospita

Caeli fulgens in gloria
Ob sanctitatis merita,
Quae in die novissimo
Non timebit ab asperis,
Cum hospite dulcissimo
Secura iam in superis.