collatio XVII.

(Vers. 46.). Erat quidam regulus, cuius filius infirmabatur Capharnaum.

1. Considerandum est in verbis istis, quae sit infirmitas ista

et unde contracta.

Infirmitas ista est infirmitas culpae: et dicitur infirmitas culpae propter tria, scilicet quia deformat , depauperal, debilitat. Deformat polluendo conscientiam: debilitat vulnerando naturam: depauperal expellendo gratiam.

2. Culpa igitur est infirmitas, quia deformat: primi Machabaeorum primo : " Virgines et iuvenes infirmati sunt, et omnis speciositas mulierum immutata est "; Threnorum primo: " Egressus est a filia . Sion omnis decor eius ". - Quia depauperal: Ecclesiastae quinto: " Sicut egressus est nudus de utero matris suae, sic revertetur"; et sequitur: "Mirabilis prorsus infirmitas, quomodo venit, sic revertetur ": Threnorum primo: " Manum suam misit hostis ad omnia desiderabilia eius ".

Quia debilitat; Threno rum primo: (Infirmata est virtus mea, dedit me Dominus in manu, de qua non potero surgere": Psalmus: (Infirmata est in paupertate virtus mea". 3. Videndum est praeterea, a quo infirmitas ista sit contracta. Notandum autem, quod aliquando infirmitas contrahitur a loco, aliquando a cibo, aliquando a labore inordinato. In loco nota malam occasionem: in cibo, malam delectationem ,- in labore inordinato, malam operationem .

Contrahitur igitur infirmitas a loco: unde cum describitur infirmus in praesenti Evangelio, notabiliter subiungitur locus, cum dicitur: Infirmabatur Capharnaum, quod interpretatur ager pinguedinis, vel villa consolationis . In his enim solet contrahi infirmitas spiritualis. Iterum, Osee quarto: " Maledictum et mendacium et furtum et homicidium inundaverunt, et sanguis sanguinem tetigit: propter hoc lugebit terra, et infirmabitur omnis qui habitat in ea ". - Contrahitur etiam infirmitas a. cibo: Ecclesiastici trigesimo septimo: " In multis escis erit infirmitas, et aviditas appropinquat usque ad choleram ".

Contrahitur etiam a labore inordinato: Asaias quadragesimo: (Deficiunt pueri et laborabunt, et iuvenes in infirmitate cadunt": Psalmus: " Humiliatum est in laboribus cor eorum, infirmati sunt, nec fuit qui adiuvaret ".