19. De sancta Martha.

In 1. Vesperis.

Antiphonae.

1. Exsultet urbs Bethania,
Quae contulit immania
Fidelibus donaria
Salute multifaria.

2. Ex qua processit edita
Beata Martha, praedita
Parentibus regalibus,
Clarissima natalibus.

3. Haec annis puerilibus,
Senioiibus, senilibus
Signavit se virtutibus
In omnium obtutibus.

4. Contemptis voluptatibus
Et mundi vanitatibus
Devota Deum coluit,
Cui foederari voluit.

5. Hac inspirata gratia
Mundi cordis palatia

Christi parat hospitium ;
Quam felix hoc initium !

R. O germana Magdalenae,
Tuae precis cantilenae
Resonent in aure Christi,
Cuius hospita fuisti,

V. Fac, ut nos ab orci nece
Salvet Deus tua prece.

Ad Magnificat.

A. Distribuit egentibus
Opes suas et gentibus
Fidem Iesu Christi sparsit,
In amore Iesu arsit.

Ad Matutinum.
Invitatorium.

Procidentes ante Deum
Adoremus omnes eum,
Vota Marthae qui respexit
Et in caelos illam vexit.

In 1. Nocturno.

Antiphonae.

1. Magna Dei clementia,
Caius magnificentia
Sanctam Martham coronavit
Et in caelos elevavit.

2. Per eius, Christe, merita
Praesentia, praeterita,
Aliena et occulta
Dele mala, sunt nam multa.

3. Virtutum dux, rex gloriae,
Hanc cum palma victoriae
Triumphantem laureavit,
Quae draconem iugulavit.

Responsoria.

1. Quoddam Iesus in castellum
Introivit, ut, novellum
Verbum vitae praedicaret
Et salutem lapsis daret,
V. Ut quibus casus gravior,
Erectio sit gratior.

2. Alvo virginis conceptus
Hospitatus et acceptus
Est in sanctae Marthae domo,
Verus Deus, verus homo;
V. De virgine qui nascitur,
Is cibo Marthae pascitur.

3. Dum paratur aegro cena,
Soror Marthae Magdalena
Iesu pedes amplexatur,
Sed per Martham ministratur ;

V. Martha pavit carnaliter,
Haec pascitur mentaliter.

In 2. Nocturno.

Antiphonae.

1. Maria, quod audierat,
Iesum, quem concupierat,
Verbum sedens eructavit,
Sed stans Martha ministravit.

2. In uno necessario
Maria vacat, vario
At cum Martha turbabatur
Et iuvari se speratur.

3. Marthae non reprehenditur,
Mariae pars rependitur
In supernis fundamentis
Portas Sion diligentis.

Responsoria.

1. Ad Iesum flens dixit Martha:
Ecce, dies adest quarta,
Quod defunctus est ruis frater ;
O si hic fuisses, pater,

V. Lazarus, servitor tuus,
Non fuisset mortuus.

2. Qui compassus Marthae flenti
Lacrimatus cum ingenti
Voce sursum exclamavit
Lazarumque suscitavit,

V. Spes ipse morientium
Et vita est credentium.

3. Hoc Iudaei persenserunt
Moxque Martham eiecerunt
Et, qui ei adhaeserunt,
A Iudaea propulerant,

V. Post passionem Domini
Credentes suo nomini.

In 3. Nocturno.
Antiphonae.

1. Annunciavit gentibus
Cum signis eminentibus
Gloriam divinae legis,
Salutare summi regis.

2. Martha cum suis sociis
Vacans Deo non otiis
Circumquaque praedicavit,
Quia Dominus regnavit.

3. Convertitur ad Dominum
Mox multitudo hominum,
Qui per signa, quae viderunt,
Laudes Deo cantaverunt.

Responsoria.

1. Venit Martha super fretum
Propter Iudaeorum metum,
Remi, vela non dabantur
Et cibi subtrahebantur,
V. Sic secum ad Marsiliam
Suam duxit familiam.

2. Urbs Aquensis visitatur,
Et plebs multa baptizatur,
Martha signis et portentis
Feritatem domat gentis
V. Avinionis finibus

Et Tarasconis syrtibus.

3. Demum Martha Tarascono
Illustrata Dei dono
In aula sistitur Heli,
Quae cibavit regem caeli,

V. Erit perpes memoria
Sua cum Dei gloria.

In Laudibus.
Antiphonae.

1. In domo sanctitudinis
Decore pulchritudinis
Suam hospitam locavi.,
Orbem terrae qui firmavit.

2. Introivit in atria
Caelestia, nam latria,
Domino quam exhibebat,
Iesu Christo complacebat.

3. Ad Dei vultus gloriam
Suam vertens memoriam
Iesum Christum sitiebat,
Aliquando quem pascebat.

4. Laudantes benedicite,
Psalmis hymnos adicite,
Festa Marthae celebrantes
Et in Deo gloriantes.

5. Caelestibus in aedibus
Excelsis sedet sedibus,
Cantat ibi laudes Deo
Hospitata nunc cum eo.

Ad Benedictus.

A. Laudabiles exsequiae
Celebrantur pro requie
Marthae, Christus quam amavit,
Corpus eius tumulavit,
Per se gerens officium
Commendat hoc exitium.

In 2. Vesperis.
Ad Magnificat.

A. O caelis digna,

venerabilis hospita Christi,
Quae nova per signa

fidei vera dona dedisti,
Convertens gentes

baptizari sitientes,
Ad Christum mentes

tua dirige iussa sequentes;
Lazarus e bustis,

en, te plorante vocatur,
Praemia cum iustis

ut vivus promereatur,
Sic a peccatis

nobis quoque vivificatis
Crimine conductum

vertas in gaudia luctum.