20. De sancta Martha.

In 1. Vesperis.
Antiphonae.

1. Gaude, felix visitata

Per Martham Provincia,
A qua tibi lux est data,
Vitae prius inscia.

2. Hanc per orbem venerari
Congruit officio,
Cuius venit ministrari
Christus in hospitio.

3. Circa cuius satagebat
Frequens ministerium,
Ut caelorum hunc timebat
Tenentem imperium.

4. Christo frater accumbenti
Redrvivus iungitur,
Soror verbum proferenti
Secus pedes fungitur.

5. Haec turbatur erga plura
Sola vitans otium,
Ministrandi mente pura
Pertractat negotium.

R. O quam dulce, quam praeclarum
Est Marthae convivium,
In quo regem pascit carum

Supernorum civium,
Qui perennis sibi dedit

Vitae cibum hodie
Et cum hymnis ad hanc redit
Caelestis melodiae;
V. Surge, soror, hospes cara,
Iesus inquit, propera,
Fruitura luce clara
Fulgida per opera.

Ad Magnificat.

A. Transit hospes virgo Christi
Hoc de mundo laeta tristi

Ad caeli palatia,
Cuius corpus tumulavit
Pastor bonus, quem hic pavit
Speciali gratia;

O susceptrix susceptoris,
Nos coniungi caeli choris

Impetra per Dominum,
Qui in terris te dilexit
Et frequens ad te respexit,

Unica spes hominum.

Ad Matutinum.
Invitatorum.

Iubilemus Deo regi
Canticorum schemate,

Qui caelesti fecit tegi
Martham diademate.

In 1. Nocturno.
Antiphonae.

1. Visitans memoriam

Marthae geris, Domine,
Quam vehis ad gloriam
Miro tuo nomine.
2. Tibi fervens a calore
Servam se exhibuit
Et ministrans in timore
Sua quaeque tribuit.
3. Non accepit haec in vanum
Animam, quae filio
Dei largam dedit manum
Suo domicilio.

Responsoria.

1. Cum redemptor mundo luxit
Et ad viam plures duxit
Spargens verbi semina,
In domum cum tota cura
Suam illi servitura
Hunc excepit femina,
V. Cuius soror pedes Iesu
Tenet pro solamine,
Sed ministrans haec in csu
Devoto conamine.
2. O prae multis praeelecta,
Quod ad tua, virgo, tecta
Depascendum traheres,

Qui dat omni carni cibum,
Tuam sic attollens tribum,

Dum rem eius ageres;
V. Obsequendo deitati

Maior fis ingenua,
Cuius cuncta potestati

Incurvantur genua.
3. Fide lucet redimita,
Quando Iesus inquit: vita

Sum et resurrectio,
Credo, mox respondit ei,
Tu es Christus, natus Dei;

En, fidei perfectio
V. In hac lucet, qua germanus

Suscitari meruit
In busto quatriduanus,

Quem Christi vox eruit.

In 2. Nocturno.
Antiphonae.

1. Verbum bonum eructavit
Martha, Dei filia,
Quae doctura transfretavit
Multa plebis milia.

2. Transfert montes in cor maris,
Dum fidem astrueret,
Et ab ea salutaris
Verbi rivus flueret.
3. Monte sancto solidata
Et in petra stabilis
Plebem docet Deo grata
Et mundo amabilis.

Responsoria.

1. Proficiscens haec sororis
Tarasconem et rectoris

Obtenta licentia
Revelare Iesum quaerit
Et salutis verbum serit

Grandis eloquentia ;
V. Homicidam et voracem

Cruce vincens bestiam,
Clara signis fert ad pacem

Populi molestiam.

2. Ut mittantur convocatos
Et ad opus destinatos

Sequitur discipulos,
Exsistente multa messe
Laboravit indefesse

Colligens manipulos ;
V. Signis verba confirmavit

Plena Dei numine
Et a morte suscitavit

Submersum in flumine.
3. Pollet firmitate spei
Respondendo nato Dei

De die novissimo
Et subiunxit surrecturam
Carnem ad vitam futuram

Sermone clarissimo;
V. Exspectavit spem beatam

Et adventum Domini,
Se ex eo reddens gratam

Eius sancto nomini.

In 3. Nocturno.
Antiphonae.

1. Ante Deum velut rosa
Fraglat sanctimonia
Et. in signis gratiosa
Reprimit daemonia.
2. Cursu vitae iam completo
Iusta quando moritur,
Christus vultu sibi laeto
Lux perennis oritur.
3. Orbis terrae coram Deo
Plaudat atque flumina,
Qui Martham vexit ab eo
Ad caeli cacumina.

Responsoria.

1. Ista sibi iam non vixit,
Fame corpus sed adflixit,

Cui contemplatio,
Commendata pars sororis,
Supernis vacanti choris
Manet in solacio;
V. Somno brevi soporata
Ad preces regreditur

Deo totiens prostrata
Nec labore laeditur.

2. Postquam huius cursum vitae
Complevisset virgo rite

Inter dona caelica
Rex caelorum, quem hic pavit,
Hanc gratanter invitavit

Ducens super aethera;
V. Cuius corpus, Iesu bone,

Sepelis in gloria
Assumpto tibi Frontone

In iustae memoria.

3. O prudentum puellarum
Iubar caritate clarum

Et doctrix apostolica,
Sint per te tibi devoti
Apud Christum mundi toti

In fide catholica,
V. Intrent sponso veniente

Ornatis lampadibus
Oleoque stent lucente

In prudentum gradibus.

In Laudibus.
Antiphonae.

1. Circumdedit rex caelestis
Cinctus fortitudine
Candidatae Martham vestis
Mira pulchritudine.

2. Christum Deum fore scivit
Auferentem vitia,
Ad quem felix introivit
Magna cum laetitia.

3. Ad te, Deus, vigilavit
In bonis proficiens
Et manus suas levavit
In te tota sitiens.

4. Fidem ponens in augmentum
Per doctrinam stabilem
Deum caeli firmamentum
Praedicat laudabilem.

5. Laudem Deo dans sonoro
Caelicis agminibus
Iuncta transmigrat in choro
Sacris cum virginibus.

Ad Benedictus.

A. Cunctis suis in diebus
Propter Deum datis rebus

Impendens servitia
Coram ipso pacis ratae
Viam plenam sanctitate
Intrat et iustitia.

In 2. Vesperis.
Ad Magnificat.

A. Deus noster salutaris
Exsultantem in praeclaris

Martham locat sedibus,
Exeuntem terrac solum
Fert, qui potens est, ad polum

Pro terrenis aedibus;
Quam precamur suae sortis
Nos consortes sequi mortis

Disruptis compedibus.