22. De sancto Mauritio.

In 1. Vesperis.
Antiphonae.

1. Martyrum sollemnia
Celebrent renati,
Martyres in gloria
Regnant purpurati.

2. Maior compensatio
Meritis sanctorum,
Dum datur in praemio
Mansio caelorum.

3. In mundi tristitia
Modicum artati

In caeli laetitia
Gaudent coronati.
4. Electorum spiritus
Sanguine probatur

Et exceptus caelitus
Christo sociatur.

Ad Magnificat.

A. Ave, martyr pretiose,
Ave princeps gloriose,
Legionis generosae,
O Mauriti, martyr Christi,
Fide mundum qui vicisti
Et coronam meruisti,
Fac nos tecum gratulari,
Legioni sociari
Et in Christo coronari.

Ad Matutinum.

Invitatorium.

In martyrum victoria
Laudemus regem gloriae,
Cuius triumphat gratia
Et coronatur hodie.

In 1. Nocturno.

Antiphonae.

1. De vagina gentium

Evocatur legio

Per edictum regium

Duce sub Mauritio.
2, Ascendit Ierosolymam,

Culturam spondet optimam

Et mente sumit alacri

Signum caelestis lavacri.
3. Pellem commutat Aethiops

Et pardus ponit varium,

Ditescit pauper et inops

In gratia caelestium.
4. Procedit sacra legio

Terribili collegio,

Virtutibus et viribus

Tremenda suis hostibus.
5. Firmatur fide plenius

A Romano pontifice,

Iurat stare fidelius

Regi reique publicae.
6. Transmittitur ad Gallias

Hinc legio cum Cassare,

Sed profani vesanias

Profanat voto dispare.

Responsoria,

1. Regis cultus

castris proponitur,
Dei vultus

regi praeponitur,
Quia non dii

sed Deus colitur;
V. ''Fortis ut mors dilectio, dura
sicut infernus demudatio.''

2. Sacri duces et egregii,
Viri fortes et eximii,
Horrent scelus sacrilegii ;

V. ''Quos redemit de manu inimici
et de regionibus congregavit.''

3. Furit Caesar,

ad necem impiam
Sternit viros

et caedit hostiam,
Servit nolens
ad Dei gloriam.
V. ''Gor regis in manu Dominii aa
quodcumque voluerit, incli-
nabit illud.''

4. Regi terrae

mactatur victima,
Regicaeli

defertur anima,
Dum fit Deo
decimus decima.
V. ''Nolite timere eos, qui corpus
occidunt, animam autem non
possunt occidere.''

In 2. Nocturno.
Antiphonae.

1. Deo dilecti principes
Suae sortis participes
Turbas accendunt fortibus
Exemplis et sermonibus.

2. Commilitones optimi
Et atbletae fortissimi,
Hostem vincamus fortiter
Et perstemus viriliter.

3. Corroborentur animi,
Armentur fide pectora,
Et mente Deo proximi
Neci tradamus corpora.

4. Christus amans passionem
Formam dedit legioni,
Et detestans ultionem
Obtulit se passioni.

5. Iubentis ad imperium
Petrus recondens gladium
Coepit a Christo discere
Occidi non occidere.

6. Ad exemplum Iesu Christi
Superata morte tristi
Christi morte delectemur,
Ut cum Christo iucundemur.

Responsoria.

1. Clamant Deum
sanctorum milia
Et pro Deo

ferunt martyria,
Ut sit Deus
omnibus omnia.
V. ''Currus Dei decem milibus
multiplex, milia lactantium
Dominus in eis.
''2. Caelo ruens serpit anguis,
Dum sanctorum manat sanguis,
Causa cuius casus magni
Fuit veri sanguis agni;
V. ''Vicerunt eum propter sangui-
nem agni et propter verbum
testimonii sui.''

3. O quam beata legio,
Quam fervens in Mauritio,
Dum per mortis compendium
Vitam capit perennium.

V. Regnum Dei vim patitur , et

'' violenti rapiunt illud.
4. ''Princeps alme, dux invicte
Legionis benedictae,
Nos custodi, nos tuere
Et nos tecum fac gaudere;

V. Dux virtutis, dux salutis,
Da virtutem, da salutem.

In 3. Nocturno.
Ad Cantica.

A. Botrus Cypri conculcatur,
Novo musto debriatur,
Qui signatur Christi cruce,
Coronatur Christo duce.

Dreves, Historias rhythmaicae. VII.

Responsoria.

1. Fervet fides ut sinapis,
Favos mellis stravit apis,
Ut dulcescat velle mori,
Cedat divo mors amori.

V. ''De commedente exivit cibus,
et de forti egressa est dulcedo.
''2. Prata passim per aperta
Florent flores, virent serta,
Rosae rubent austro flante,
Cedunt caelo messes tantae.

V. ''Levate oculos et videte regiones,
quia albae sunt iam ad
messem.
3. ''De pressura gravis preli
Apothecae fluunt caeli,
Ut cum Christo, vera vite,
Dati morti dentur vitae.

V. ''Inebriatus in caelo gladius,
et vindemiantur botri vineae
terrae.''

4. O Mauriti, dux beate,
Cuius virtus fragrat late,
Cuius odor ut unguentum,
Cuius sapor ut pigmentum,
Pietati nos divinae
Tu commendes sine fine,

V. Martyr alme, ductor bone,
Cum praeclara legione.

In Laudibus.
Antiphonae.

1. Militum sub gladio
Martyres exsultant,
Mortis in ludibrio
Cladibus insultant.

2. Cedit carnis palea
Gladio furenti,
Dum mundatur area
Mystici frumenti.
3. Triticum dum moritur,
Multum affert fructum,
Legio dum caeditur,
Risu mutat luctum.

4. Alabastrum frangitur,
Funditur unguentum,
Redolet, dum tunditur,
Fidei pigmentum.

5. In signum verae fidei
Rivi decurrunt rosei,
Gaudet in sanctis caelitus
Unus et idem spiritus.

Ad Benedictus.

A. Christus suos iam victores
Huius mundi post labores

Regnum transfert ad supernum
Et coronat in aeternum.

In 2. Vesperis.
Ad Magnificat.

A. O regalis legio

Regiae collecta,
O caelestis contio

Caelitus electa,
Vestra nos precatio

Via ducat recta,
Ubi Dei visio

Radiat perfecta.