NEAPOLITANA 25

nam matrimonium sine consensu, et consensus sine libertate, sunt duo absurda moralia. Nihil magis in iure exploratum inveniri, quam quod in nuptiis liber consensus requiratur; deficiente consensu, necessario nihili valet contractus matri- monialis. Ex cap. Tuae fraternitati 25 de Spons. et matrim.

Essentialis enim, ut ita dicam, substantia matrimonii est mutuus consensus, qui et contractus dicitur, qui con- tractus ad sacramentum a Christo Domino fuit elevatum. Ait enim Alexander III, In cap. 14 De spons. « Matrimo- nium solo consensu contrahitur, et ubi de ipso quaeritur, plena debet securitate gaudere, cuius est animus indagandus. » Pontius hanc Ecclesiae doctrinam explicans a i t : « Maius et perfectius voluntarium requiritur ad matrimonii contra- ctum quam ad alios civiles contractus. Et quidem cum alii contractus sint minoris momenti et natura sua dissolubiles humana auctoritate, vel contrahentium consensu, mirum non est si contrahuntur voluntate mixta. » De matr. I. V; c. 14, n. 16. Consensus ad matrimonium supponit 1. in- clinationem quamdam ad nuptias. Haec inclinatio ex parte mulierum manifestatur externa tendentia conversandi cum viris. Huiusmodi tendentia usque ad decimum suum aetatis annum in Adelia nunquam fuit perpensa. Severissimis disci- plinis educata nullum de ea signum aliquod dedit. II. Non solum consensus generalem inclinationem quasi remotam sui causam supponit, sed etiam specialem erga aliquem individuum a cuius forma, aetate, conditione femina fuerit allecta. Sup- ponamus igitur Adeliam nubere desiderasse. Quemnam virum ei noverca sua praesentavit? Virum adultum quadraginta annorum! Adolescentula ad adolescentem se vertit, vel ad iuvenem. Adolescentula amat iuvenem, fastidit adultum. Amor .enim qui initium est coniugii, eiusque ratio, • anima et complementum, inter aequales exurgit, crescit et vivit. Adelia renuebat accipere in maritum Petrum, qui viginti sex annis aetate eam superabat. « Quando Ingovitz, ait sub iu- ramento Adelia, petebat domum ut nos visitaret, aversio permagna cepit enasci in me contra eum, etsi nullam prae-