23. De s. Mauritio Turonensi.

In 1. Vesperis.
Antiphonae.
1. Ex regali germine
puer erat natus

Et a patre primitus
Mocuma vocatus.

2. Eius pueritia

cunctis erat grata

Et claris virtutibus

iuventus ornata.

3. Sic Columbam studuit

sanctus imitari,

Ut hunc vulgus undique

coepit venerari.

4. Ne sanctum extolleret

fama sanctitatis,
Parentes et patriam

clam fugit et gratis.
5. Ad Yonam insulam

post se conferebat,
Ubi Deo pluribus

annis serviebat.
R. Trina Christus

in pueritia
Per Mocumam

fecit miracula:
Ignis, aer

mortis et vincula
Innocenti

dabant obsequia,
V. Tota sanctum

perfudit gratia
Dei virtus,

quod in infantia
Innocenti

dabant obsequia.
Ad Magnificat.
A. Dum nutricis

lactescet ubera
Puer sanctus,

cohors angelica
Supra tectum

ludens in aera
Nova novo

dat [nato] gaudia,
Quibus visis

rex pater intima
Mente laudat

Dei magnalia.

Ad Matutinum.
Invitatorium.
Honor Christo
sit et imperium,

Qui ad caelum
vexit Mauritium.

In 1. Nocturno.
Antiphonae.

1. Natus regis pueri
frater morti datur,
Sed tactu Mauritii
mox resuscitatur.
2. Sicut Moysi fuerat
rubus incombustus,
Puer rogo vagiens
remansit inustus.
3. Sub aqua tenerrimus
innocens profunda
Iacuit, sed puerum
non submersit unda.

Responsoria.

1. Adulescens

superno placuit
Et se cunctis

pium exhibuit,
Unde caelum

ingredi meruit;
V. Vitae verbum

multis aperuit
Atque vita

beata claruit.
2. Domat carnis

motus illicitos,
Vincit mundi

conatus noxios,
Terit hostis

antiqui tribulos,
V. Manus, mentem

cordis et oculos
Pie tendens

semper ad superos.
3. O res mira,

sceptrum despicitur,
Atque mundi

decus contemnitur,
Et paupertas

gratis eligitur,

V. Tota mente

Christus diligitur,
Ac pro Christo
corpus affligitur.

In 2. Nocturno.
Antiphonae.

1. Aper ferus feriens
fruges fausto dente
Vertitur in lapidem
hoc sancto iubente.
2. Precibus Mauritii
latex oboedivit
Et de montis vertice
saliens exivit.
3. Nil dedit superbiae,
sed in caritate
Et in vera vixerat
semper sanctitate.

Responsoria.

1. Patroni

fama clarissima
Procul volat,

atque catholica
Plebs currit

visura miracula,
Sancta laetetur

mater ecclesia
De tanti

patris clementia,
V. Qui nobis dux

sit et lucerna
Nos pie ducens

ad gaudia sempiterna.
2. Livor latens

crescit in odium,
Zelant fratres

fratris excidium,
Per Columbae

sancti consilium
Gratis sumpsit

sanctus exsilium;
V. Ratem, remos

et remigantium

Sumptus quaerit,
mora fit taediam.

3. Campus coli

cultro praecipitur,
Et arena

per sulcos seritur,
Crescit bladum,

messis colligitur,
Hoc in fide

Christi perficitur;
V. Adiuvari

natura nititur,
Quod in granum

arena vertitur.

In 3. Nocturno.
Antiphonae.

1. Ut Paulus in pelago

naufragus iacebat,
Sub unda sic innocens

vivus remanebat.
2. Genus, gentem, patriam

fugit et honores,
Ut salutis quaereret

fruges meliores.
3. Sanctum virum

gignit Hibernia,
Educavit

illum Albania,
Cuius corpus

in reverentia
Turonensis

tenet ecclesia,
Cuius preces

et patrocinia
Nos perducant

ad caeli gaudia.

Responsoria.
1. Vitae sanctae
facto curriculo
Sanctum corpus

datur sarcophago
In Martini

sancti coenobio ;

V. Turonensis

ipsum continuo
Veneratur

semper obsequio.

2. Eius tumbam

frequentant languidi,
Ubi tactu

sancti sarcophagi
Sanitati

sunt saepe redditi,
V. Caeci, claudi,

morbosi ceteri,
Illum prece

poscentes humili.

3. Pie praesul,

pravos purifica,
Purga mentes,

pelle piacula
Atque corda

tuorum visita
Et ad laudes

excelsi subleva;
V. Pia prece

tu nobis impetra
Post decessum

caeli solacia.

In Laudibus.

Antiphonae.

1. Nullum dedit otio
Tempus, vel orabat
Semper vel colloquiis
divinis vacabat.

2. Fixo piscis gutture
Dron osse vexatur,

Sed ad sancti subito
preces liberatur.

3. Ubi flumen praesulis
instar intrat mare
Baculi Mauritius
coepit habitare.

4. Romam petit pontifex,
ubi consecratus
Est atque Mauritius
a papa vocatus.

5. Semper evangelii
verba reducebat
Ad mentem, sed saepius
illa proferebat.

Ad Benedictus.

A. Nos a cunctis

iniquitatibus
Semper servet

sanctus Mauritius
Atque purget

suisque precibus
Nos coniungat

supernis civibus.

In 2. Vesperis.
Ad Magnificat.

A. Iesu Christi

confessor humilis,
Pie nobis

succurrens miseris
Fac, excelsis

in tuis meritis
Simus tuti

expulsis vitiis
In adventu

futuri iudicis.