COLLATIO XXIV.

(Vers. 40.). Non vultis venire ad me, ut vitam habeatis, Ioannis quinto.

1. In his verbis duo facit Dominus. Primo increpat malitiam ad se venire nolentium, cum dicit: Non vultis.

Secundo tangit fructum ad se venientium, cum dicit: Ut vitam aeternam habeatis.

2. Dicit ergo: Non vultis venire.

Nola, quod veniendum est ad Christum, post Christum et per Christum.

Veniendum est ad Christum docentem tanquam magistrum, ipsum audiendo: Matthaei undecimo : " Venite ad me, omnes, qui laboratis et oneratis estis, et ego reficiam vos".

Veniendum post Christum conversantem, tanquam post paedagogum, ipsum imitando: Matthaei quarto: "Venite post me: faciam, vos fieri piscatores hominum ".

Veniendum est per Christum patientem tanquam per ostium, in ipsum credendo: Ioannis decimo quarto: " Nemo venit ad Patrem nisi per me ".

De omnibus istis Ioannis decimo quarto: " Ego sum via", dirigens in conversatione: " veritas instruens in praedicatione: " vita ", ad vitam aeternam introducens in passione.

3. Non vultis, inquit, venire ad me. Item tangit fructum veniendi ad Deum, cum dicit: Ut vitam aeternam habeatis. Fructus autem iste triplex est Primus est impetratio veniae; secundus est adeptio gratiae; tertius est perceptio gloriae.

Primus igitur fructus est impetratio veniae: Isaiae primo " Quaerite iudicium, subvenite oppresso, iudicate pupillo, defendite viduam: et venite et arguite me, dicit Dominus. Si fuerint peccata vestra ut coccinum, quasi nix dealbabuntur;et si fuerint rubra quasi vermiculus, velut lana alba erunt ". - Secundus fructus est adeptio gratiae: Matthaei undecimo " Venite ad me, omnes, qui laboratis et onerati estis, et ego reficiam vos ": et Isaiae quinquagesimo quinto: "Omnes sitientes, venite ad aquas, et qui non habetis argentum properate, emite et comedite. Venite, emite absque argento et absque ulla commutatione vinum et lac ". - Tertius fructus est perceptio aeternae gloriae; Ioannis quinto : Non vultis venire ad me, ut vitam aeternam habeatis: et Canticorum quarto: " Veni de Libano, veni, coronaberis".

4. Sequitur de modo veniendi ad Christum. Modus autem veniendi ad Christum triplex est, scilicet per fidem veritatis, per amorem bonitatis, per operationem virtutis.

Primus modus est per fidem veritatis: Ioannis sexto " Nemo potest venire ad me, nisi Pater, qui misit me, traxerit eum ";Glossa: "Id est, credit in me ".

Secundus modus est per amorem bonitatis: Canticorum secundo: " Veni, columba mea, in foraminibus pelrae, in caverna maceriae".

Tertius modus est per operationem virtutis: Ioannis tertio: " Qui facit veritatem venit ad locem, ut manifestentur opera eius";et Lucae nono: " Si quis vult venire post me, abneget semetipsum et tollat crucem suam et sequatur me ".

5. Ista autem operatio virtutis, per quam veniendum est ad Christum, triplex est.

Prima est via mandatorum: secunda, semita consiliorum: tertia, compendium supererogationum.

Prima operatio virtutis est via mandatorum: Matthaei decimo nono : "Si vis ad vitam ingredi, serva mandata"; et Matthaei vigesimo secundo: " Omnia parata sunt, enite ad nuptias "; et Lucae decimo quarto: " Misit servum suum hora coenae dicere invitatis, ut venirent ".

Secunda est semita consiliorum: Matthaei lecimo nono: "Si vis perfectus esse, vade et vende mnia, quae habes, et da pauperibus, et habebis theanrum in caelo, et veni et sequere me".

Tertia est compendium supererogationum: Matthaei decimo parto : " Domine, si tu es, iube, me venire ad e super aquas ". Nota de sancto Benedicto. Et ad Hebraeos duodecimo: " Curramus ad propositum nobis certamen, aspicientes in auctorem fidei et consummatorem Iesum, qui, proposito sibi gaudio, sustinuit crucem, confusione contempta, atque in dextera sedis Dei sedet. Recogitate eum qui talem sustinuit a peccatoribus adversum semetipsum contradictionem, ut non fatigemini, animis vestris deficientes..