26. De ss. Monulpho et et Gondulpho.

In 1. Vesperis.
Super Psalmos.

A. Gaudeamus et caelestis
labili praeconia
Imitemur in his festis

Concordi laetitia,
Quibus nobis sunt laudanda

Domini magnalia

Et sanctorum imploranda

Praesulum suffragia.

R. Immortali saeculorum

Regi laus et gloria

In sanctorum confessorum

Promatur memoria,
Quos dilexit, nam paterna

Munitos custodia
Die vexit hodierna
Ad caeli fastigia,
V. Quorum rexit ut interna
Paracliti gratia.

Ad Magnificat.

A. Magnificet ecclesia
Regem magnificentia
Christum, qui spes est unica
Sanctorum, quos mirifica
Hic insignitos gratia
Perduxit ad caelestia.

Ad Matutinum.
Invitatorium.
Ad Christi praeconium

Invitetur hodie
Conventus fidelium

Congaudendo gloriae
Beatorum praesulum,
Qua gaudent in saeculum.

In 1. Noctorno.

Antiphonae.

1. Non in via peccatorum

Pes eorum substitit,

Sed in lege mandatorum

Dei iugis exstitit
Illis meditatio,
Actus cum eloquio.

2. In virtutum stabiliti
Monte transitoria
Conculcarunt eruditi

Vera sapientia,
Unde nunc caelestia
Possident cum gloria.
3. Vox eorum pro commissa
Plebe fusa iugiter
Apud ipsum est admissa,

Qui est efficaciter
Iustis exsultatio,
Salus, benedictio.
Responsoria.
1. Recolatur haec decenter
Praesulum festivitas,
Quos bearunt praecellenter
Fides, spes et caritas;
V. ''Beati omnes, qui timent Do-
minum, qui ambulant in viis
eius.
''2. Normam sequens sanctitatis
Monulphus attollitur
Et at culmen dignitatis
Praesulatus rapitur ;
V. Ecce, sacerdos magnus, qui in

'' diebus suis placuit Deo.
''3. Ortus mundo generosis
Gundulphus natalibus
Apud Christum numerosis
Effulsit virtutibus,
V. ''Quoniam praevcnisti eum, Do-
mine, in benedictionibus dudce-
dinis.''

In 2. Nocturno.
Antiphonae.
1. Tuam, Christe, perfecisti
Laudem ex operibus
Horum, quos constituisti
Tuis duces gregibus,
Quos transvexit sanctitas
Maris huius semitas.
2. Praepotenter conservati
Hostis ab insultibus
Vias vitae sunt sectati
Inoffensis gressibus,

Quibus nunc est visio
Dei delectatio.
8. Deo vero servierunt
Puris ex affectibus,
Montem cuius ascenderunt

Innocentes manibus,
Penetrantes hodie
Portas regis gloriae.

Responsoria.

1. Hi in domo Dei claram
Velut duo sidera
Iubar dantes tenebrarum
Effugarunt opera;
V. ''Custodiebant testimonia eius
et praeceptum, quod dedit illis.
''2. Locum forte pertransivit
Monulphus, qua Legia
Nunc est, pandens, quae prae-
scivit
Prophetali gratia:
Locus, inquit, hic reddetur

Summis civitatibus
Par post sanctum, qui nas-
cetur
Posteris temporibus.
V. ''Sic accipiet benedictionem
a Domino et misericordiam
a Deo salutari suo.
''3. Sublimatus in pastorem
Gundulphus sollicite
Curam gessit et amorem
Plebis sibi subditae
V. ''Et pavit eos in innocentia
cordis sui.''

In 3. Nocturno.
Antiphonae.

1. Hi sunt, quibus intellectum
Lux superna praebuit,
Quos instruxit et per rectum

Ducens iter statuit
In locis fiduciae
Opulenta requie.
2. Exsultare decet rectos
Christo, cuius opera

Mira suos per electos,
Qui ab arce supera

Hos vidit pontifices

Virtutum opifices.
3. Istos, Deus, elegisti
Tua tibi gratia,

Habitare quos fecisti
Intra Sion atria,

Hymnos ubi melice

Turmae promunt caelicae.

Responsoria.

1. Hi sagaces erogare

Triticum in tempore,
Meruerunt reportare
Talentum cum fenore ;
V. ''Venientes autem venient cum
exsultatione portantes mani-
pulos suos.
''2. Se pro fide murum dando
Monulphus haereticam
Vicit pestem conservando
Vineam dominicam ;
V. ''Beatus homo, quem tu eru-
dieris, Domine, et de lege tua
docueris eum.
''3, Zelo fervens caritatis
Gundulphus gentilibus
Lucem dedit veritatis
Divinis dogmatibus;
V. ''Os iusti meditabitur sapi-
entiam, et lingua eius lo-
quetur iudicium, lex Dei eius
in corde ipsius.''

In Laudibus.
Antiphonae.

1. Dum Monulphus famulatum
Principem progreditur,
Voces diras, ululatum
Audit et prosternitur.
2. Astat vultus vir plaeclari
Dicens: Pater optime,
Surge, stude suffragari
Pereunti animae.

3. Redit praesul, et placatur
Precum beneficio
Deus, princeps liberatur
Mortis a supplicio.
4. A mundana segregavit
Se Gundulphus turbine
Et de vera praegustavit
Domini dulcedine.
5. Exspectavit vigilando
Venturum a nuptiis,
Quem supernis exsultando
Spectat in deliciis.

Ad Benedictus.
A. Hi sunt columnae stabiles,
Praecones iustitiae,
Vita digne laudadiles
Lampades ecclesiae,

Quos merito non impares
Dies haec terrestribus

Exutos fecit compares
Supernorum coetibus.

In 2. Vesperis.
Ad Magnificat.
A. O sacerdotes incliti,
Virtutum dono praediti,
O clara caeli lumina,
Ut paradisi flumina
Irrigastis ecclesiae
Hortum, regem iustitiae,
Christum placate precibus,
Ut nos a malis omnibus
Servans nobis caelestia
Det post haec mundi taedia.