27. De sancta Monica.

In 1. Vesperis.

Antiphonae.

1. Exulta, Ierusalem, et laetare,
Quia rex Salem iubar salutare
De Babylon tenebris
Sanctam produxit Monicam.

2. Matrem sterilem
Deus laetificat,
Dum Augustinum
spiritu regenerat.

3. Laetanter domum Domini
visitat puella,
Pro quo sub Christi nomine
sustinet flagella.
4. Non in vanum aedificat,
Sponsum Deo dedicat,
Fit salutaris Patricio
Sanctae Monicaesedulamonitio.
5. Lauda, Ierusalem,

omnium salvatorem,

Qui fructu huius feminae

dat benedictionem.

Ad Magnificat.
A. Gaude, chorus supernorum

civium,
Plaude turba devotorum

hominum,
Nam sponsa Christi Monica
Caeli transit ad gaudia,
Quae novae prolis

fecunda gratia
Mundo peperit

doctrinarum charismata.

Ad Matutinum.

Invitatorium.

Christum lucem adoremus

illustrantem omnia,
Cuius vultu iucundatur
sancta mater Monica.

In 1. Nocturno.
Antiphonae.
1. Perfecit ab infantia
Huius corpus et labia
In suae laudis titulum
Christus, salvator omnium.

2. Dies diem illuminat,

Haec liberos suos laetificat,
Casto timore Domini
Sapientiam praestat parvulis.

3. Miserorum consolatrix
Et alumna pauperum,
Supernorum contemplatrix,
Montem scandit caelicum

Responsoria.
1. Educavit Mordcam

sancta mater Facundia
Timoris Dei sub virgula
primaeva ab infantia,
V. Miro enim modo crevit cam

'' ea miseratio.
''2. O mater nostra,

coniugii speculum,
Quae viro suo flagitat

lumen catholicum
Et pie impetrat
felicem obitum ;
V. Salvatur enim vir infidelis

'' per mulierem fidelem.
''3. Felix mater carne
Felicior

et spiritu duplici,
Consolatur

spiritu prophetico
Ne filium defleat

spiritu mortuum,
Quem Deus suscitat
verum catholicum
V. ''Forti animo esto, filia, Deus
caeli dabit tibi gaudium pro
taedio, quod perpessa es.''

In 2. Noctorno.
Antiphonae.
1. Verbum bonum eructavit
Salutis eloquio,
Christi donum quam perflavit
Pneumatis susurrio.
2. Lacrimarum impetus

sanctam Dei laetificat,
Crucifixi stigmata
pie dum considerat.

3. Haec consolabatur

Dolens ut parturiens,
Donec Christo suscitatur
Augustinus moriens.

Responsoria.
1. Se totam Deo dedicat
Soluta viri legibus,
Egenis se humiliat

Et infirmorum squaloribus,
Caelesti sponso iubilat.
V. ''Mulierem fortem quis in-
veniet? procul et de ultimis
finibus pretium eius.
''2. Abundanter cumulasti
Sanctae tuae gaudium,
Christe Iesu, qui vocasti
Ecclesiae ad gremium
Augustinum et iussisti
Aspernare saeculum.
V. ''Duo petiit a te, ne deneges ei,
Domine, antequam moriatur.
''3. O vere Christi

benedicta famula,
Quam crucifigunt

crucifixi vulnera,
Rigat terram

lacrimarum copia,
Torcular crucis

exprimit haec flumina.
V. ''Deduc quasi torrentem lacri-
mas per diem et noctem, non
des tibi requiem, neque taceat
pupilla oculi tui.''

In 3. Nocturno.
Antiphonae.
1. Cantico laetitiae

Deum collaudavit,
Quae victo mundi principe
Caelo triumphavit.
2. Exsultet terra,

collaetentur insulae,
Quibus salus propinquatur
fructu huius feminae.
3. Christus in sua famula
Facit mirabilia,

Caius fulgent prodigia
Et signa magnalia.

Responsoria.
1. Caelestis panis
refecto convivio
Mens eius fervet

superno solacio,
Almi spiritus

suffusa crapula:
Volemus, inquit,
ad caeli gaudia.
V. ''Elevavit me spiritus inter eae-
lum et terram et adduxit me
in Ierusalem.''

2. Vox dilecti nunc pulsantis

Ad lectulum aegrotantis

Te vocat, mater Monica:

Surge et propera,

Amica mea;

Ab ostia Tiberina

Caeli transit ostia.
V. Veni, formosa, columba mea,

veni de Libano, coronaberis.

In Laudibus.
Antiphonae.
1. Sanctam matrem Monicam
Decet sanctitudo,
Quam domum sibi consecrat
Dei fortitudo.
2. Iubilat cum Domino
Monica in caelis,
Cui plena spiritu
Servivit in terris.

3. Vigili mente

Dominum sitivit,
Cuius felix anima
caelum introivit.
4. In camino caritatis
fervens aestuavit
Benedicens Dominum,
solum quem amavit.

5. In excelsis sublimata
Sancta mater Monica,
Vota nostra redde grata
In Dei pracsentia.

Ad Benedictus.
A. Oriens ex alto Dei

patris sapientia,
Quam benigne reseras

misericordiae viscera !
Augustinum revocat

pia mater per suspiria ;
Oret pro nobis incolis

sancta mater Monica,
Quos hic in terris dirigit

prolis suae regula.

In 2. Vesperis.
Ad Magnificat.
A. O sacra

mater Monica,
Cuius spiritus

exsultat in gloria,
Gratiam impetra

benigni Domini,
Ut gregem protegat
filii tui.