31. De sancto Niniano.

In 1. Vesperis.
Antiphonae.
1. Ovans agat haec contio
Niniani sollemnia,

Trinae vocis tripudio
Laudum sonet obsequia,

Ut mens, lingua et actio
Pari concordent gloria,

Placebit sic laudatio
Deo reddenti praemia.

2. Ille Pictorum tenebras

Fugat dans vitae monita,
Mundi temnens blanditias
Dux plebis ad caelestia.

3. Vita praecessit populum

Sic sanctitate praevia,
Nunc haurit vitae poculum

Dux cum ductis in patria.
4. Tanto patrono plaudere

Iure debes, Albania,
Secura salva sistere,

Cum vitas vitae devia.
5. Ad caelos migrans hodie

Locandus in deliciis
Ad mores fac cotidie

Migrare nos a vitiis.
R. Quod sambuca

vir Dei circummeat,
Taurus custos

armentum vigilat,
Qui latronis

dum ventrem perforat,
Infelicem

ultor exanimat ;
Mox cadaver

sanctus vivificat,
Saulum sternens

Paulum resuscitat.
V. Insigne geritur

signum certaminis,
Pes saxo iungitur

bovis et hominis.

Ad Magnificat.

A. Stirps regalis,

quae vita floruit,
Prolem profert

regem, quem decuit,
Patrum pater

patronum genuit
Ninianum,

quo mundus claruit;
Hic ut sidus

signis emicuit,

Dum Britannos
fide perdocuit.

Ad Matutinum.

Invitatorium.

Christus laudetur,

Niniano laus iubiletur.

In 1. Nocturno.
Antiphonae.

1. Ninianus teneris
Annis constitutus
Inhiabat superis
Moribus imbutus.
2. Romam petens dogmatis
Causa visitavit,
Sed vitae pro meritis
Praesul remeavit.
3. Factus hic Britonibus
Fidei legatus
Perfidos sollicitus
Reprimit conatus.

Responsoria.

1. Ninianus nobilis,
Clarae puer indolis,
Sacris inardescit,
Ut sic prosit patriae,
Se praesentat curiae,
Qua praesul recessit,
V. Et coniecta spiritus
Eius mentis habitus
Martino clarescit.

2. Pastor redit,

fit plausus ovium,
Plebs oboedit,

fugit daemonium,
Reseratur

fides credentium,
Cedit error,

crescit miraculum;
V. Gens seducta

suggestu daemonum
Per hunc sanctum

credit in Dominum.

3. Rex nequam monita

contemnens praesulis
Luit opprobia

dolore capitis,
Sed quem obduxerat

caecitas luminis,
Firmum reddiderat

in fide numinis ;
V. Fit mortis duplicis

duplex curatio,
Cordis et corporis

illuminatio.

In 2. Nocturno.

Antiphonae.

1. Ductu viri iustitiae

Visu privantur oculi
Regis, fastu superbiae
Molesti sancto praesali.
2. Praesul placatus venia

Lumen amissum reddidit,
Rex ductus paenitentia
Christo renatus credidit.
3. Crimen matris panditur
Ex infantis ore,
Dum confusus solvitur
Insons corruptore.

Respoasoria.

1. Per incestum gravidata
Mater, tandem coartata

Partus patrem prodere,
Senem coepit accusare,
Sic se credens excusare

De commisso scelere;
Res stupenda, contra morem
Pandit infans genitorem.
V. Ex infantis

lactentis pectore
Vox virilis

sonat cum robore,
Patrem prodit

victum facinore.

2. Sedens sanctus
in refectorio

Et confratres

pascens miraculo
Hortulanum

vocat continuo
Olus ferri

iubens ex hortulo;
Herbam profert

cum seminario
Iam tunc satam

dans grates Domino.
V. Ad praeceptum Niniani
Mens stupescit hortulani,
Sciens tamen nihil vani

Voto sancti succedere,
Ipso die seminatum
Profert terra fructum gratum

Iubente pontifice.

3. Ducem furum

taurus aggreditur,
Cornu bruti

brutalis laeditur,
Rupto ventre

vita discutitur,
Rursum vivus

ac sanus redditur;
V. Discursu devio

volant latrunculi,
In municipio

stringuntur baculi.

In 3. Nocturno.
Antiphonae.

1. Patrem linquit parvulus

Verberis timore,

Quom reduxit baculus

Vorticis ab ore.

2. Lignum florens aridum
Cunctis stat in signum,
Fons erumpens famulum
Probat Deo dignum.

3. Niniano singula
Parent elementa,
Ignis, aer, arida,
Pontus et fluenta.

Responsoria.

1. Virgam timens

reus discipulus,
Fugam subit

adulescentulus,
Clam defertur

magistri baculus,
Quo salvatur

nauclerus tremulus.
V. Multi foraminum

patescunt aditus,
Incursus fluminum

sistit divinitus.

2. Cum collega

vir proficiscitur,
Sic psallendi

locus eligitur,
Atra nube

domus obducitur,
Imber de qua

fusus emittitur,
Supra sanctum

unda restringitur,
Curva nube

cum circumcingitur.
V. Imbri stillam prohibet

nubes camerata,
Ne vestis vel litera

sancti sit rigata.
3. Infans invisus nascitur,

Effigies horribilis,
Vultus dorso transsumitur,

Monstrum formae mirabilis,
Manus, pedes et brachia

Cunctis privantur usibus,
Christi fulgent magnalia

Membris in transversalibus,
Sospes regreditur.
V. Ad Niniani tumulum

Taetrum munus adducitur,
In summi laudis titulum

Sanatus restituitur.

Prosula.

l. Sospitati Niniani

Aegros dat oratio,

Tumor cedit hydropicis

et leprae contagio,
Redditur vita defunctis

et mutis locutio,
Caecis visus, claudis gressus

et surdis auditio.
2. Gaudent portu naufragati

et sterilis filio,
Liberantur carcerati,

dementes daemonio,
Fugit phtisis, gutta, febris,

epilensis passio,
Aridorum membra suo

redduntur officio.

3. O quam probant sanctum Dei
furum liberatio,
Oculorumque membrorum

nova restitutio !
Ergo laudes Niniano

nostra psallat contio,
Nam qui corde poscit illum
loto prius vitio,
Sospes regreditur.

In Laudibus.
Antiphonae.

1. Collaudemus omnium
summum creatorem,
Suum qui mirificat
signis confessorem.

2. Ad sancti reliquias
Sitiens virtutem
Monstrum, Deo gratias,
Recipit salutem.

3. Hunc pro luce perdita

Pulsante puella
Laeta luce reddita

Redit iam novella.
4. Morphea mortifera,

Quae corpus obsessit,
Non linquens vestigia

Corpori recessit.
5. Niniani meritis

Morbida curantur,

Caeci vident, audiunt
Surdi, muti fantur.

Ad Benedictus.

A. O quam pia pura
Patris almi cura

Circa simplices !
Nulli nam in vanum
Poscunt Ninianum,

Quamvis complices
Culpae sint et rei,
Dum in arce spei

Constant supplices;
Hic corde contritos
Solvit compeditos

Frangens compedes.

In 2. Vesperis.

R. Nos, qui sumus involuti
Vitiorum funibus,
Dementes atque imbuti
Delictorum sordibus,

Niniane, te rogamus

Fave, supplicantibus,
Ut caelorum rex placatus

A te fusis precibus
Nos mundatos a peccatis

Iungat caeli civibus;
V. Nobis sis patronus
Pius, pastor bonus,

Memor miseris,
Qui te colunt corde,
Purgatos a sorde

Rcdde superis.

Ad Magnificat.

A. Pastor, pasce gregem,

superum petepro grege regem,
Gratus reddatur

et ovili restituatur,
Lumine perfunde

famulos virtutis abunde,
Lucifer aeternae

lucis, Niniane, superne.