32. De sancta Oda.

In 1. Vesperis.
Antiphonae.

1. Laetare, Taxandria,
Oda tibi data
Ex Scotorum patria,
Deo decorata.
2. Virgo solitarie

Christo famulatur,
Oda odis gloriae
Caelitus lactatur.
3. Oda, virgo sapiens,
Spiritu renata,
Lubrica despiciens
Deo fit amata.
4. Corpore sanctissima
Terrae commendato

Caelo vivit anima
Lumine beato.

5. Hierusalem filia,
Oda, Deum ora,
Ut det nobis gaudia
Pacis celsiora.

R. Regnum mundi et gaudium
Contemnens propter Dominum
Oda odis caelestium
Datur choreis virginum,

V. Angelicis melis

laetatur virgo fidelis.

Ad Magnificat.

A. Ave, Oda, virgo Christi,
Ave, proles regia,

Audi odas, quas dant isti

Tua chori gloria ;
Nos exutos morte tristi

Tua per suffragia
Ad superna, quae petisti,

Vitae ducas gaudia.

Ad Matutinum.

Invitatorum.

Sponso pudicitiae

Iubilemus Christo,
Qui dat odis gloriae

Odam die isto.

In 1. Nocturno.
Antiphonae.

1. Generoso sanguine
Oda virgo nata,
Gloria te, Domine,
Gaudet coronata.

2. Sponsa sponsi thalamo
Virgo collocata
Dat odorem balsamo
Digne comparata.

3. Innocentem manibus

Hanc et mundo corde
Suis Deus coetibus
Fert a mundi sorde.

Responsoria.

1. Votivis Odae virginis

Festum colentes gaudiis
Patrem laudemus luminis

Dignis laudum praeconiis.
V. Dulcisonis melis,

plebs, virgini psalle fidelis.
2. De stirpe virgo regia

Oda Scotorum genita,
Fide, vita egregia,

Virtute fulget inclita,
V. Christo sacrata

fit sacro fonte renata.
8. Interiori lumine

Sponsum contemplans
gloriae,

Mundi despecto crimine
Templum fit pudicitiae,
V. Sanctorum signa

veneratur virgo benigna.

In 2. Nocturno.
Antiphonae.

1. Corporali specie
Placens genitori,
Totam regis gratiae
Aptat se amori.

2. Caecitate primitus

Corporis exuta,

Nova fit divinitus

Domino adiuta.

3. Christum super omnia
Diligens in mente,
Recedit a patria
Patre nesciente.

Responsoria.

1. Gratia Christi oculis

Lamberti lucens meritis
Tantis laeta miraculis

Oda resultat debitis,
V. Amotis tenebris

formatur virgo celebris.
2. Visu accepto caelitus

Patris reducta partibus,
Terrena spernens penitus

Tota haeret caelestibus,
V. Oda pie Christo

mundo famulatur in isto.
3. Patrem linquens et patriam

Ob pestem carnis lubricam
Pervenit ad Taxandriam,

Vitam ducens angelicam ;
V. Victis illecebris

silvae latet Oda latebris.

In 3. Nocturno.
Antiphonae.

1. Virginis confessio
Odae delicata

Dei placet filio

Sanctis comprobata.
2. Populo Taxandriae

Lux est orta iusto
Facto patre patriae

Virgine onusto.
3. Novum cantans canticum

Domino, decora,
Nos ad regnum caelicum

Duc a mundi ora.

Responsoria.

1. In loco solitario

Soli serviens Domino
Caeli locatur solio

Expleto cursus termino,
V. Odas virginea

Christo canit Oda chorea.
2. Caeli coniuncta incolis

Summis ditatur praemiis,
Mundo salus christicolis
Signis coruscat variis;
V. Oda Deo digna

dat terrae caelica signa.
3. Christum, patrem luminum,
Sponsum, virgo, virginum,

Nobis fac placatum,
Ut a valle criminum
Regnum ad interminum
Ducat nos beatum ;
V. Sponso devota

famulantum fer pia vota.

In Laudibus.
Antiphonae.

1. Oda virgo Domino
Regnans in decore
Emicat in termino
Lilii candore.
2. In his terrae terminis
Deo iubilate
Odis Odae virginis
Laeti sanctitate.

3. Dei sub velamine
Odae exsultanti

In caelesti lumine
Collaetantur sancti.

4. Benedicant omnia

Dominum factorem,
Vocantem ad gaudia
Odam, mundi florem.

5. Laetans in cubilibus
Summi Oda regis,
Gratas fac caelestibus
Tui odas gregis.

Ad Benedictus.

A. Benedictus, Domine,
Es in Oda, virgine

Tibi dedicata,
Fide, vita, nomine,
Oculorum lumine

Te illuminata,
Cuius nos precamine
Pacis longitudine

Frui fac beata.

In 2. Vesperis.
Antiphonae.

1. Oda Deo grata,

fidei virtute probata,
Nos prece sacrata
det vivere luce beata.

2. Laus, decus Oda gregis,
divinae lux nova legis,
Christi collegis

nos iungat filia regis.

3. Nobilis Oda Dei

virgo pia, forma fidei,
Nos ad regna vehi
veri petit alma diei.

4. Oda fide digna,

clemens, pietate benigna,
Nos tibi consigna

tutos a fraude maligna.

5. Virgo, matrona,

vitae redimita corona,

Iustiliae zona

praecingi nos prece dona.

Ad Magnificat.

A. Gaudens, Roda, rosa data
Dominum magnifica,

Tua Oda odis grata

Virgine mirifica,
Cuius prece mundi faece

Nos mundari supplica,
Ut hac duce pacis luce

Perfruamur caelica.