34. De sancta Odrada.

In 1. Vesperis.
Antiphonae.

1. Adest dies laetabunda,
Vitans saeculi iucunda,
Vitiorum de sentina
Trahat nos haec medicina,
Virgo sancta, odor Dei,
Ne damnemur culpae rei.

2. Prudens virgo vigilavit
Sponsum sequens et intravit
Ianuam caelestis vitae,
Carens omni mala lite,
Vas repletum oleo
Tenens mundi termino.

3. Haec sagena Deo plena
Misit rete maris vena
Non corruptum, sed construc-
tum.
Deitatis manu ductum,
Prendens semper studiose
Opus bonum non dolose.

4. Digna laude sit Odrada,
Granum serens metit blada,
Spernens haec negotiatrix
Mundi opes, larga datrix
Agro celans margaritam
Comparavit sibi vitam.

5. Nata regum stirpe bona,
Virgo Christi, Dei zona

Lampas inexstincta manens,
Deum caeli semper canens,
Cervo similis ad aquam
Currens non insatiatam.

Ad Magnificat.

A. Laudem divinam

dicamus carmine trinam,
Qui nos ditavit

et corpore sancto beavit
Odradae virginis

adiunctis ceteris sanctis,
Reliquiis quorum

fovemur, alme deorum
Templo nostro. Deus,

da nobis scandere choros
Gaelorum civium

psallendo tecum in aevum.

Ad Matutinum.
Invitatorium.

Regem sanctarum

laudemus, agmine quarum
Odradae spiritum

suscepit in paradisum.

In 1. Nocturno.
Antiphonae.

1. Radix bona parit,

infantem sanctificavit
Sacro lacte matris,
sic crevit studio patris.
2. Creator Christus

cunctorum, forma venustus,
Hanc pulchram fecit

Odradam sibique subiecit.

3. Petitur a multis

decora virgoque vultus,
Coniugio summo

aptari petit in caelo.

Responsoria.

1. Accedamus mente bona,
Laudes sonent in patrona
Deo super omnia,

Dreves, Historiae rhythmicae. VII.

Quam folcitam sanctitate
Fixit Christus castitate
Sumens diva munera;
V. Pulsans hanc votis

haec plebs et precibus totis.
2. Virgo more decorata
Semper vixit vita grata
Carens omni macula;
Nosque serves tuos servos
Sternens hostes hic protervos,
Pallio ut aquila
V. Tuae precis alis

gregem tuum serves a malis.

3. Ista Iudith speciosa,
Forma placens generosa,
Orans pro spe gratiae;
Libera tu plebem gratam,
Christo regi adfidatam
Fidei acumine,
V. Ut non Holofernes

noceat his, nec sic aspernes.

In 2. Nocturno.
Antiphonae.

1. Ex meritis claris

laus Dei. virgo, vocaris,
Linquens terrena

paradisi petis amoena.

2. Crescit flos rosa

sub spinis valde formosa,
Quam Deus aeternus
elegit ab utero matris.
3. Defuncta matre

tunc odia tulit a patre,
Ob novae novercae

rectricem tendit ad arcem.

Responsoria.

1. Esther pia, sine mora
Placa regem et implora

Precibus iustitiam,
Ne culpemur, sed Assuerum
Redde pium, per hunc clerum
Lava culpae vitio,

V. Culpae scripta dele,

nos purga dono medelae.

2. Rosa fragrans inter spinas,
Rubens Rachel, medicinas

Ferens amicitiae,
Hanc dilexit Iacob vero
Potans eam dulci mero
Signo pudicitiae;
V. Roga, virgo digna,

pro nobis voce benigna.

3. Pater carnis istam odit,
Sub novercae manu fodit

Matris carens specie,
Instat nata prece lata
Secum iens dedicata
Visitare climata,
V. Feram aptavit,

post patrem cito meavit.

In 3. Nocturno.

Antiphonae.

1. Virtutum mola

terit virgo tria grana,
Cum quibus multa

suscepit dogmata fulta.

2. Multos vocavit,

a faece criminum lavit,
Fontis undam Christi
potabilem esse fecisti.

3. Ut rivus a fonte

derivatur, scandis a monte,
Filia pulchra Dei
vocaris ordine rei.

Responsoria.

1. Qui prophetam cibo pavit,
Danielem latitavit

Lacu subterraneo
Cum leonibus modestis,
Sic ancillam tuam vestis
Tuo propugnaculo,
V. Saeva morte dira

laudemus ut tua mira.

2. Haurit aquam, laus in caelis,
More gentis Israelis

Fonte dato caelitus
Haustum sumit, sitim sanat,
Surgit virgo, mox infamat
Rivus terra editus ;
V. Lepram servorum

absterge, sancta, tuorum.

3. Auro tecta arca Dei,
Intus, foris, nam tropaei

Tenens semper culmina,
Quae corona auri pura
Fabrefacta Christi iura
Legens in ecclesia ;
V. Audi, virgo pia,

tu es haec arca divina.

Prosula.

1. Psallat cum tripudio
Caeli sumpta solio,
Veneremur cernui
Odradam sanctam singuli.

2. Virginale gaudium

Dicamus nos ad Dominum,
Qui de matre virgine
Vult nasci mundi crimine.

3. Ergo nos cum cantibus
Pulsantes consonantibus
Laudemus trinam machinam,
Quam poli laudat curia.

In Laudibus.
Antiphonae.

1. Laudes dignae dentur Deo,
Qui Odradam in tropaeo
Fortem fecit, hostem iecit
Omnis immunditiae.
2. Mundi fastum abdicavit
Virgo Christi, quam ditavit
Deus pater, caeli rector,
Donis pudicitiae.
3. Deum trinum, quem sitivit,
Corde puro concupivit,
Corpus tenens vinculo
Annis sub infantiae.

4. Benedicant in patrona
Deum cuncta, cum corona
Hanc ornavit propter bona
Virtutum innocentiae.

5. Sanctae Dei exsultabunt,
Laeta mente voces dabunt,
Regem regem collaudabunt
Filiae prudentiae.