35. De sancto Odulpho.

I n 1. v esperis.
Super Psalmos.
1. Militans Christo ecclesia
Ducat cum triumphante gaudia,
Auget nam numerum

supernorum
Odulphus, coheres sanctorum,
Pro meritis laborum
Possidens portas
inimicorum suorum.
R. Miles Christi gloriose,
Odulphe sanctissime,
Tuo pio interventu
culpas nostras ablue,
V. Ut caelestis regni sedem
valeamus scandere.

Ad Magnificat.
A. Confessor Domini Odulphus,
Summi praeco

regis constantissimus,
In caelestibus regnis fruitur
Gloria lucis perpetuae,
Quam mundo lucerna
Indeficiens verbo
Ministravit et opere;
Sacerdos Dei, Odulphe,
Pro nobis miseris intercede,
Ut et nos tuo

pertingamus suffragio,
Quo te veritatis

perduxit confessio.

Ad Matutinum.
Invitatorium.
Iubilemus Deo
nostro salutari,

Cui Odulphus gaudet
aeternum modulari.

In 1. Nocturno.
Antiphonae.

1. Clara fudit prosapia

Odulphum confessorem,
Laturam suo generi
permaximum decorem.
2. Renatum aqua et spiritu
praevenit diva gratia,
Per quam proficiebat
aetate et sapientia.

3. Datur puerulus

literis doctum iri,
Infunditur desursum
A patre luminum

ingenii acumen miri.

Responsoria.

1. Celto genere oriundus,
Mente et actu mundus
Ornavit pueritiam
Odulphus

per morum gratiam,

V. ''Serviturus Domino in sancti-
tate et iustitia coram ipso.''

2. Felices progenitores
tantae prolis
Tantam prolem

tradunt scholis,
Elementa literarum
Perdocetur flos scholarum.

7. ''Optavit et datus est ei sensus,
venit in illum spiritus sapi-
entiae.''

3. Angelus per visum

Adfatur Dei virum

In Traiectum propere

Frederico

praesuli coniungere ;
V. Cum sancto sanctus eris et

cum innocente innocens eris.

In 2. Nocturno.
Antiphonae.

1. Praerogativa intellectus,
Morum trames simplex et rectus
Miraculum praebebat,
Samuelis instar praeferebat.

2. Minor in effectu,
Maior in affectu
Portendebat, quid ageret,
Iuventa cum succederet.

3. Induit benedictionem

Per ordinum impositionem,
Donec fuit sublimatus
Gradu presbyteratus.

Responsoria.

1. Odulphus, lampas cleri,

Sors ipse et pars Dei,

Iam maturior aevi

Post gradum Levi

Sacratur immolare

Sacrum immortale,
V. Sanctus, innocens, impollutus,

'' segregatus a peccatoribus.
''2. Posthabuit, quod habuit,

Spe aeternorum

Odulphus, currens viam

Dei mandatorum;
V. Non abiit in consilio impiorum

et in via peccatorum non stetit.

3. Exstincto contumace,

Qui sprevit praesulatum,

Statuit Odulphum

Praesulem probatum,
V. Quia beneplacitum est Domino

in populo suo.

In 3. Nocturno.
Antiphonae.

1. A Roma post angelicum

Odulphus ad Fredericum,

Electus ad electum

Pervenit Traiectum.
2. Flos cleri Traiectensis

Virtutibus vernat immensis,

Filius Bodgysi

Hospes in mundo,
heres paradisi.
3. Ignis absumens cellam

Baculum et tabellam

Non laesit confessoris

Ministrans ventum roris.

Responsoria.

1. Variis donis

Supernae infusionis

Amor salvatoris

Ditavit mentem confessoris;

V. ''Timor Domini sanctus per-
manens in, saeculum sacculi.''

2. Laborum dura series
Coronae fit materies,
Odulphum Deus coronavit,
Nam legitime certavit.

V. ''Iudicabit nationes et domina-
bitur populis.''

3. O patrone, Odulphe, obtine
Nos Deo et tibi digne famulari,
Ut Euge dominicum

promereamur,
Quicunque tua festa veneramur.

V. Cum Dominus venerit rationem
ponere cum servis,
Tuis, pater, succurre catervis.

In Laudibus.
Antiphonae.

1. Recessurus a Fresia
Verbi sator inculcat
Plebi verbum fidei,
Legem immaculatam Dei.

2. Scitote, inquit, imminere
Dies calamitatis et miseriae,
Dies ultionum,
Tempus retributionum.

3. Surget gens contra gentem,
Adducet Dominus
Populum, malleum
Vestrae terrae

vectem conterentem.

4. Dum lapis hic emerserit,
Qui se undis immerget,
Ilico pax bellorum
Sanguinem absterget.

5. Evenerunt singula,

Quae praedixit Odulphus,
Os praesagum sancti spiritus,
Vates Fresonum inclitus.

Ad Benedictus.

A. Super lectum doloris
Languebant membra

confessoris,
Vocatione Dei exitum mortis
Operiebatur anima fortis,
Post sumptam eucharistiam
Exsul mundi

intrat caelestem patriam.

In 2. Vesperis.
Ad Magnificat.

A. Assumpta Odulphi anima
Assumptionis fulsere indicia,
Nam hausere nares superstitum
Odorem insolitum,
Odorem unguentorum
De nectare angelorum.

Suffragia.

A. Odulphi intercessio
Nostra sit tutela,
In pace et in proelio
Ad repellenda tela

Hominum et daemonum.

Responsoria.

1. Petrae submersae

Et emergentis per se

Odulphus miraculo

Futura signavit populo,
V. ''Flentis fide et spiritu sancto.
''2. Ad decessum viri Dei

Adfuere angeli,

Quod probavit odor suavitatis

Artubus exanimans ;
V. Murra et gutta et casia a

vestimentis suis.