2. In Vigiliis sancti Barnabae.

Ad Vesperas.

Lucernarium.

R. Ad lucem verae fidei

Luce divinae gratiae

Ductus, beatus Barnabas

Factus est lux ecclesiae.

V. Insignis hic apostolus

Afflatus sancto flamine

Beata luce fruitur

Cum heatorum agmine.

In Choro.

A. Apostolorum coetui

Et martyrum consortio,

Confessorum conventui

Et virginum collegio

Devotas laudes concinat

Mediolani regio,

Qui suos cives visitant

Et suo magisterio

Docent ipsos cum Barnaba,

Sancto doctore praevio.

Cum Infantibus.

R. Pastorem nostrum Barnabam

Collaetantes honoremus,

Mediolani concives,

Ac devote collaudemus,

V. Ut nohis apud Dominum

Advocatus sit supremus,

Cujus semper praesidium

Nos ubique invocemus.

A. Adducit Paulum Barnabas

Ad urbem Antiochiae,

Ut ibi ambo praedicent

Consortes Christi gratiae.

A. Corpus pro Christi nomine

Dat Barnabas incendio,

Qui nunc cum sanctis omnibus

Aeterno gaudet praemio.

In Magnificat.

A. Magnificemus jugiter

Christum,nostrumredemptorem,

Qui Barnaham apostolum

Mundo praebuit doctorem.

Psallentium in Baptisterio.

Sanctis nos reverendi

precibus Barnabae,

Mundi redemptor, munde

Sine ulla labe,

Munda tuos famulos

peccatorum tabe,

Commendatos etiam

apud patrem hahe.

Ad Vigilias.

R. Ortus in Cypro Barnabas

Levitica prosapia,

Factus Christi discipulus,

Ejus sequens vestigia

Terrena cuncta despicit,

Amplectitur coelestia.

V. Discipulorum numero

Septuaginta jungitur

Duorum, post apostolus

Qui merito efficitur.

A. Directus a discipulis

Collectam indigentibus

Vir Barnabas misericors

Dispersit, dedit fratribus.

R. Mandato sancti spiritus

Hic in opus segregatur

Verbi divini Barnabas,

Quod per ipsum praedicatur;

V. Hic plenus sancto spiritu

Studiosus praedicator

Verbum divinum seminat,

Fructuosus seminator.

A. Hic Barnabas, paraclito

Plenus, multos consolatur,

Quos pane pascit triplici,

Ut scriptura protestatur.

R. Sanctum collauda Barnabam,

Praegrandis Antiochia,

Festivis hunc praeconiis

Cole, Romana patria,

Ambrosiana civitas,

Honora hunc, egregia ;

V. Qui nobis salutifera

Dat fidei exordia,

Quibus ab idolatriae

Nos revocat stultitia.

A. Hunc sanctum suum Barnabam

Miraculorum gratia

Christus Jesus mirificat,

Qui coeli regnat patria.

Psallentium.

Per Barnabam magnanimum

Paulus audacter ducitur

Ad pavidos apostolos,

Quos hic olim persequitur.

R. Deus, semper mirabilis

In sanctis suis omnibus,

Mirificavit Barnabam

Miraculis in gentibus ;

V. Ostendit signa Dominus

Judaeis et gentilibus,

Quibus ad fidem veniant,

Discedant ab erroribus.

Psallentium.

Apostole nos Barnaba,

Tuis orationibus

A cunctis purga vitiis

Informaque virtutibus.

Post Kyrie.

Exora Christum, Barnaba,

Ut nobis suam gratiam

Hic praestet suis famulis

Et in futuro gloriam.

Ad Matutinum.

Post hymnum.

R. Primus in apostolica

Fide fundat ecclesiam

Mediolani Barnabas

Ad Jesu Christi gloriam,

Quam postea metropolim

Constituit egregiam.

V. Super hujus fundamentum

Martyres aedificant,

Confessores et virgines

Hanc etiam magnificant.

Ad Lectiones.

Responsoria.

1. Apostolus hic Barnabas

Primus fuit ecclesiae

Mediolani pontifex

Clarus urbis egregiae,

V. Quam ipse ab erroribus

Emundat idolatriae,

Anatelonem praesulem

Sibi praebens et Brixiae.

2. Per manus sancti Baraabae

Discipuli egentibus

Ministrant elemosynas

Amore Christi fratribus ;

V. Beati sunt, qui porrigunt

Largas manus pauperibus,

Super eos intelligunt,

Subveniunt inopibus.

In Benedictus.

A. In omnibus operibus

Virilis atque strenuus

Fuit honestis moribus

Hic Barnabas praecipuus.

Ad Crucem.

A. Signum crucis veneremur

Et cum ipsa gloriemur,

Qua Jesus Christus, creator

Mundi nec non et salvator,

Offert se sacrificium

Salutis nostrae pretium,

Cui Barnabas eximiam

Dat se per ignem hostiam.

In Cantemus.

A. Regi regum decantemus

Et in ipso exsultemus,

Barnabam nos honoremus,

Honorando collaudemus.

In Benedicite.

A. O venerande Barnaba,

Patris aeterni filium

Roga, ut suis famulis

Suum donet auxilium.

In Laudate,

A. Laudemus Dei filium,

Qui Barnabam egregium

Per multiplex supplicium

Duxit ad regni solium.

Psallentium.

O propheta Barnaba,

Martyr et apostole,

Libera depressos

Nos sub peccati mole,

Nos et ad coeli patriam

Precibus attolle,

In qua mater virgo regnat

Cum regali prole.

Mane ad Psallentium.

Antiphonae.

1. Sancti Paulus et Barnabas

Non ira, non discordia

Divisi sunt ab invicem,

Sed Dei providentia,

Ut separati praedicent

Christi sermonem pluribus,

Fructificent et singuli

Diversis mundi partibus.

2. A venerando Barnaba

Dum templo maledicitur,

Quo festam a gentilibus

Nefando cultu colitur,

Ejus parte corruente

Ingens turba opprimitur.

3. Per Paulum atque Barnabam

Verbum divinae gratiae

Sic crescit et multiplicat

Diffusum Antiochiae,

Ut in ea nominentur

Christianorum nomine

Conversi per discipulos

In magna multitudine.

4. Asserunt quidam Barnabam

Natum ex Christi sanguine,

Sanctae Mariae filium,

Sororis nostrae dominae.

5. Festhas laudes Barnabae

Urbs canta Brixiensium,

Anatelonem tibi dat

Doctorem hic eximium,

Qui te ducit de tenebris

Et gentium stultitia

Ad Christum, qui est vera lux

Et patris sapientia.

6. Joseph augmentum Barnabas

consolationis

Atque prophetae filius

et conclusionis

Auget sanctam ecclesiam

doctrina sermonis,

Hic egentes consolatur

clemens Dei donis,

Prophetat multos claudens

in fide unionis.

7. Apparet Christus Bamabae,

Quem sic hortans alloquitur:

Esto tu constans, Barnaba,

Aeternum tibi dabitur

Superaae vitae praemium

Pro eo, quod reliqueris

Pro me genus et patriam

Et animam tradideris.

8. Timonem sanat Barnabas,

Gravatum magnis febribus,

Quem sanus gaudens sequitur

Ipse non tardis gressibus.

9. Collata sibi Barnabas

In proprium subsidium

Distribuit misericors

In usus indigentium.

10. Perlustrat hic provincias

Verbum Christi praedicando,

Convertit iste plurimos

Ipsos simul baptizando.

11. In multa patientia

Hic Barnabas supplicia

Dira suffert et varia

Pro Jesu Christi gloria.

12. A cunctis, sancte Barnaba,

Defende nos periculis,

Funde preces ad Dominum

Pro nobis tuis famulis.

13. O civitas egregia,

Illustris in Italia,

Pange laudes, tu Brixia,

Die Barnabae praeconia,

Qui per divinam gratiam

Tuam creat ecclesiam

Cathedralem eximiam

Ad Jesu Christi gloriam.

Post Kyrie.

A. O regio Italica,

Collauda Dei filium,

Qui tibi misit Barnabam

Solemnem suum nuntium

Ad praedicandum omnibus

Salutis evangelium.