16. In Vigiliis beatae Margaritae
Virginis.

Ad Vesperum.

Lucernarium.

R. Lux lucis et fons luminis
Est Christus, proles virginis,
Davidicae propaginis,
Homo, redemptor hominis ;

V. Qui Margaritam virginem,
Fulgentem luce gratiae,
Illuminavit radio
Splendoris suae gloriae.

In Choro.

A. Aerumnis mundi variis
Afflictis et moerentibus,
O Margarita, subveni
Nobis beatis precibus:
Fac, ut purgati vitiis
Et peccatorum sordibus
Intremus locum gloriae,
Quo fruamur coelestibus.

Cum Infantibus.

R. Nos Margaritam martyrem
Solemnibus cum gaudiis
Veneremur et virginem
Cum debitis obsequiis,
Ut suum patrocinium
In cunctis necessariis
Det nobis apud Dominum
Cum precibus propitiis ;

V. Haec margarita canduit
Virginitatis lilio,
Ut rubens rosa floruit
Rubricata martyrio.

A. Est in virtute Domini
Margarita liberata,
Et est in ejus nomine
Salva facta coronata.

A. A dextris tuis, Domine,
In deauratis vestibus
Stat Margarita variis
Circumdata virtutibus.

In Magnificat.

A. Christum Jesum magnificum
Magnificet ecclesia,
Qui Margaritam virginem
Magnificat in patria.

Psallentium in Baptisterio.

Caritate inflammata
Margarita est parata
Pro Christo mortem sumere
Magis quam mundo vivere.

Ad Vigilias.

R. Virginitate subjicit

Haec carnis petulantiam,
Contemptu temporalium

Conculcat avaritiam,
Humilitate reprimit
Diaboli superbiam ;
V. Quam fortis, quam mirabilis
Margaritae constantia.
Quae carnem, mundum, dae-

monem
Subegit cum victoria.

A. Prudens virgo Margarita
Nescit in delicto thorum,
Coeli, terrae regem colens
Cultum spernit idolorum.

R. O quantum commendabilis
Est virginum prudentia,
Quae sponsum carnis respuens
Relinquit transitoria,
Aeternum sponsum eligens
Amplectitur coelestiai

V. O quam felix connubium
Christi atque Margaritae,
In quo nullum divortium,
Sed perdurat factum rite,
Quae beata nunc residet
Cum coelesti sponso vitae.

A. Passa pro Christi nomine
Multas poenas Margarita
Cum supernorum agmine
Sempiterna gaudet vita.

R. Virtutum septae floribus
Et gemmis coruscantibus
Margaritae, quam meruit,
Christus coronam tribuit ;

V. Haec martyr, virgo sapiens,
Pro Christo mortem patiens
Coeli choros ingreditur,
Bonis optatis fruitur.

A. Dat Margaritae Dominus
In animo constantiam,
Per quam tormenta superans
Intravit donans gloriam.

Psallentium.
Haec Margarita nobilis
Exstitit Antiochena,
Elegans mente, corpore,
Virgo decens et amoena.

R. Ornata virgo lampade
Margarita ingreditur
Nuptiale convivium,
Cum Christo quae reficitur;

V. Margarita non exstitit
De fatuis virginibus,
Quae pleno vase oleo
Intravit cum prudentibus.

Psallentium.

Margaritae collaetemur
De corona triumphali,
Qua coronatur hodie
Choro juncta virginali.

Post Kyrie.

Haec tormentis laniata,
Margarita caudidata,
Christo sponso copulata
Non est deos venerata.

Ad Matutinum.
Post hymnum.

R. A Christo non potuit
Saevis poenis separari
Haec virgo, quem noverat
Haec sponsum sine pari
Et quem praedilexerat
Amore singulari ;

V. Praedilectam praedilecte
Et ex millibus electus
Margaritam praeelegit,
Quemprae cunctis haec dilexit.

Ad Lectiones.

Responsoria.

1. Margarita fortissima,
juvenis puella,
Contra saevum olybrium

Christi gessit bella,
Quae per acuta fidei
hunc devicit tela.

V. Carnis, mundi, diaboli
Regna per fidem despicit,
Perquam prudens haec omnia
Victoriose subjicit.

2. Margarita consodalis
Sancti coetus virginalis,
Christi sponsa est regalis,
Qui est sponsus speciosus,
Nobilis et generosus,
Super omnes gloriosus ;

V. Non in mundo sponsus talis
Reperitur, iste qualis,
Qui est prudens, liberalis,
Sponsus dives, immortalis.

In Benedictus.

A. Benedictus ab omnibus
Sit Dominas viventibus,
Qui benedictionibus
Margaritam perennibus
Replet in coeli sedibus.

Ad Crucem.

A. Jesu, nostra medicina,
Qui de mortis nos ruina
Morte crucis liberasti
Et ad vitam revocasti,
Da Margaritae precibus,
Fruamur ut coelestibus.

In Cantemus.

A. Cantemus Deo gloriam
Nos redemptori omnium,
Qui Margaritae virgini
Coeleste donat bravium.

In Benedicite.

A. Omnia Dei opera,
Ipsi benedicite,
De Margarita virgine
Hymnum sibi dicite.

In Laudate.

A. Domini nomen laudemus
Vocibus sonoris,
Honoremus Margaritam
Omnes cunctis horis.

Psallentium in Baptisterio.

Haec Margarita, candida
Virginali munditia,
Parvam se Deo praebuit
Humilitatis gratia,
Se virtuosam reddidit
Virtutum affluentia.

Mane ad Psallentium.
Antiphonae.

1. Gaude, virgo Margarita,
Quae pro Christo data vita
Carnis coeli sede sita
Es corona redimita.

2. Magnificemus Dominum
Magnificis cum laudibus,
Qui Margaritam virginem
Magnificat perennibus
Divitiis, deliciis,
Perpetuis honoribus.

3. Haec Margarita gratiam
Partu periclitantibus
Impetravit a Domino
Devote hanc rogantibus,
Ut prolem suam pariant
Illaesam suis precibus.

4. Non seducta blandimentis,
Non promissis, non tormentis
Haec Margarita idola
Colit, sed spernit frivola.

5. Haec de quinque prudentibus
Christo sponso est unita
Et intrans laeta nuptias
Est corona insignita.

6. Carnalem sponsum respuit
In praesenti virgo vita,
Regem regum praeeligens,
Christum sponsum Margarita.

Post Kyrie.
A. Haec Margarita sanguinem
Christi compensat sanguine,
Quem ipsa mortem patiens
Fudit pro ejus nomine.