12. In Vigiliis beati Eustachii et sociorum ejus.

Ad Vesp erum.
Lucernarium.

R. Christus illuminatio,
Salus atque protectio
Apparuit Eustachio;

V. Hunc caecum idolatria
Christus illustrat gratia.
Sanctorum lux et gloria.

In Choro.

A. Eustachi, regis gloriae
Miles, martyr egregie.
Qui summae patientiae
Ac fidei constantiae
Praebes exemplum omnibus,
Fac nos purgatos sordibus
Bonis frui coelestibus
Tuis orationibus.

Cum Infantibus.

E. Clarus martyr Eustachius,
Virtutum pollens gratia,
Ad Christum duxit plurimos
In multa patientia,
Cujus sequamur seduli
Beata nos vestigia.

V. Beatus, qui non abiit
In pravorum consilio.
Neque morari voluit
In peccatorum devio.

A. In camino martyrii

Probat Christus Eustachium,
Ut fornax vasa figuli
Per igneum incendium.

A. Qui prius luce fidei
Eustachium illuminat,
Post igne patientiae
Hunc Dominus examinat.

Ad Magnificat.

A. Magnificet Eustachiura
Fidelis plebs ecclesiae,
Justum sequatur martyrem
Per semitam justitiae.

Psallentium in Baptisterio.
Eustachi clemens, subveni
Tuis devotis famulis,
Exora Dei filium,
Ut a cunctis periculis
Nos liberatos collocet
Supernis habitaculis.

Ad Vigilias.

R. Eustachius misericors
Subveniens egentibus
Hos pascit, vestit, visitat,
Quos colligit in domibus ;

V. Quem Dominus misericors
Ab idolorum sordibus
Vocat ad cultum fidei
Munificum pauperibus.

A. In conspectu nos sanctorum
Regi summo angelorum
Psallamus nunc Eustachio
In ejus natalitio.

R. Est alter Job Eustachius
In tribulationibus,
Quas patienter patitur,
Nullis concussus fluctibus
Sed semper constans perma-
nens
Sanctis adjutus precibus ;

V. Nudatus hic divitiis,
Honoribus, deliciis
Et conjuge ac filiis,
Christo semper eximias
Devotus refert gratias.

A. Est in conspectu Domini

Pretiosa mors sanctorum

Eustachii es conjugis

Et suorum filiorum.
R. Olim gentilis Placidus

Vocatus, post Eustachius,

De impio idolatra

Christianus egregius,
Egentium miseriam
Relevavit attentius ;
V. Hic redemptori placuit
Propter misericordiam,
Gentilitatem horruit
Per fidei notitiam,
Cum uxore ac filiis
Ascendit coeli patriam.

Psallentium.

Pius martyr Eustachius,
Quem Adrianus impius
Poenis afflixit acrius,
Nunc gloria, quae reficit,
Gaudet, quae nunquam deficit
Sed sanctis semper sufficit.

R. Reverendi Eustachii
Uxor et duo filii
Ejus facti consocii
Sunt per palmam martyrii ;

V. Stolas pro Christi nomine
Laverunt agni sanguine,
Cum quo nunc sunt in gloria
Propter dira supplicia.

Psallentium.

Praeclarum patientiae
Cunctis Christi fidelibus
Eustachius est speculum
Afflictis et moerentibus.

Post Kyrie.

Per pietatis opera
Christo Placidus placuit,
Qui pro ipso martyrium
Durum pati non timuit.

Ad Matutinum.
Post hymnum.

R. In martyris Eustachii
Festivo natalitio
Festi vas laudes resonet
Christianorum concio,
Ipsum cum reverentia
Honoret et cum gaudio;

V. Dei nimis honorandi
Sunt amici et laudandi,
Quem in sanctis honoramus,
Honorantes collaudamus.

Ad Lectiones.

Responsoria.

1. Eustachio et sociis
Honorem exhibentibus
Multiplices dat gratias
Christus ipsorum precibus,
Quibus dat abundantiam
Bonorum temporalium,
Defendit a periculis
Et hos salvator omnium ;

V. Peccatorum a Domino
Donatur istis venia,
Ipsos ipse misericors
Locat in coeli patria.

2. Quibus portasti sobolem,
Felicia sunt viscera,
Quibus Iactasti filios,
O quam beata ubera,
Uxor sancti Eustacbii,
Qui gaudent super sidera ;

V. O quam beati conjuges,
O quam beati filii,
Ventre, fide, martyrio
Et gloria consocii.

In Benedictus.
Sit benedictus Dominus,
Eustachium qui visitat
Et mortuum idolatram
Per fidem hunc resuscitat.

Ad Crucem.
A. Adoremus Christi crucem
Omnes cum reverentia,
Cujus amara passio
In nostra sit memoria,
In qua salvator hominum
Pro nobis factus hostia,
Nos de inferni carcere
Duxit ad coeli gaudia,
In quo sanctus Eustachius
Est cum ejus familia.

In Cantemus.

A. Deo cantemus hodie
Magnae laudes laetitiae,
Qui de pravo Adriano,
Imperatore vesano,
Eustachio victoriam
Donat simul et gloriam.

In Benedicite.

A. Omnis Deum creatura
Benedicat mente pura,
Pro quo sanctus Eustachius
Est passus ut Laurentius.

In Laudate.

A. Deum semper honoremus
Et in sanctis collaudemus,
Veneremur Eustachium,
Qui coeli tenet solium.

Psallentium in Baptistevio.

Eustachi, cum tripudio
Perenni gaude gaudio,
Qui agminum coelestium
Multiplicas consortium
Ex filiis martyribus
Tuis tecum regnantibus.

Mane ad Psallentium.

Antiphonae.

1. Ad festum sancti martyris
Concurrant omnes populi,
Venerentur Eustachium
Magni, majores, parvuli,
Ut nobis sit propitius,
Rogemus ipsum seduli.

2. Devorandus Eustachius
Saevo leoni traditur,
Qui per virtutem fidei
Mitis ut agnus redditur,
A cujus hic saevitia
Nullam jacturam patitur.

3. Sprevit sanctus Eustachius
Gentilitatis idola
Adorans Dei filium
Factus verus Christicola.

4. Virtute patientiae
Ut alter Job emicuit,
Multiplices Eustachius
Aerumnas qui sustinuit.

5. Regna vicit Eustachius
Mundi, carnis, diaboli
Et os leonis per fidem
Clausit contemptor idoli,
Qui per palmam martyrii
Laetus regnat regno poli.

6. Quae praevenit Eustachium,
Hunc gratia subsequitur
Atque in ipso proficit
Et gloria perficitur.

7. Duobus privant filiis
Leo, lupus Eustachium,
Quos Christus sibi reddidit
Moerenti donans gaudium.

8. Per igneum incendium
Ut alterum Laurentium
Probat Christus Eustachium,
In quo non est iniquitas,
Sed est inventa puritas
Et ingens ardens caritas.

9. O gloriosi filii
Venerandi Eustachii,
Ventre, fide, martyrio
Fratres, coronae praemio:
Theopiste, Agapite,
Preces ad Deum fundite,
Ut post vae vitae beatum
Regnum nobis det obtatum.

10. O martyr, pater martyrum,
Qui tormentum passi diram
Te sequuntur non delirum
Sed constantem fide virum,
Ut virginis sit filius
Nobis semper propitius,
Exora hunc attentius,
Eustachi, et frequentius.

11. Armis munitus fidei
Christi miles Eustachius
Tyrannum saevum superat
Propugnator industrius.

Post Kyrie.

A. Eustachii et conjugis
O quam beata copula,
Ex qua proles exoritur,
Christi fidelis famula,
Quae pro ipso mortem subit
Ut innocens ovicula.