5. In Vigiliis sanctae Perpetuae,
matris sancti Nazarii.

Ad Vesp eras.
Lucernarium.

R. Laudemus omnes Dominum,
Cunctorum lumen hominum,
Christum, solem justitiae,
Rogantes ipsum hodie,

V. Ut meritis Perpetuae
Illustret nos assidue
Luce vitae perpetuae.

In Choro.

A. Mater Nazarii pia,
Esto nobis propitia,
Dans per tua suffragia
Nobis aeterna gaudia.

Cum Infantibus.

R.Sauctae festum Perpetuae
Celebremus solemniter,
Ejus laudes magnificas
Personemus suaviter

Et hanc devotis precibus
Imploremus humiliter,

V. Ut ipsa roget Dominum
Pro nobis efficaciter,
Quod ad aeternam gloriam
Perducat nos feliciter.

A. Fuit in domo Domini
Ut oliva fructifera
Perpetua misericors,
Nunc gaudens super sidera.

A. Suscitat Perpetua
Mamurtini filium
Unicum a mortuis
Per pium suffragium.
In Magnificat.

A. Cum laudibus magnificis
Magnificet ecclesia
Perpetuam magnificam,
Nunc in coelesti patria
Cum qua gaudet Nazarius
Magnificus in gloria.

Psallentium in Baptisterio.

Gaude, mater Perpetua,
De filio Nazario,
Cum quo beata frueris
Aulac coelestis gaudio.

Ad Vigilias.

R. Fuit sancta Perpetua
Civis Romana nobilis,
Africani Afri uxor,
Cultu viro dissimilis ;
Iste servat Mosaicam,
Haec legem evangelicam ;

V. Haec moribus insignior,
Fide venerabilior,
Maritum atque filium
Regi conjungit omnium.

A. Exuberat Perpetua
Pietatis operibus,
Ministrans necessaria
Largiflue pauperibus.

R. Succurrere, Perpetua,
Digneris tuis precibus
Nobis devotis famulis,
Tuum festum colentibus ;

V. Implora nobis gratiam,
Per quam ingressis patriam
Det nobis Cbristus gloriam.

A. O quam felix progenies
De te nata, Perpetua,
Nazarius in martyrum
Sorte gaudens luciflua.

R. Suum convertit conjugem
Africanum Perpetua,
Quem baptismi aqua lavat
Papa Linus mundiflua;

V. Haec filium Nazarium
Christi doctrina imbuit,
Qui baptizatus a Lino
Martyrium sustinuit.

Psallentium.
A morbo cancri liberat
Perpetua Serviliam,
Insigne hoc miraculum
Patrans ad Dei gloriam.

R. Solemnis sit festivitas
Et festiva solemnitas
Nobis sanctae Perpetuae,

V. Ipsam hymnis et canticis
Et laudibus magnificis
Honoremus assidue.

Aliud Psallentium.

Christum, mater Nazarii,
Pro nobis tuis famulis
Exora, ut nos collocet
Supernis habitaculis.

Post Kyrie.

Tumulat Perpetua
Diligenti studio
Propter Christum corpora
Exstincta martyrio.

Ad Matutinum.
Post hymnum.

R. Africane felix, gaude.

Christum dignum omni laudi
Lauda manibusque plaude,
Qui conjugem et filium
Misisti ad collegium
Supernorum concivium.

V. Isti, nostrum refugium
Apud patrem et filium,
Praestent nobis auxilium.

Ad Lectiones.
Responsoria.

1. Misericors Perpetua,
Subveniens pauperibus,
Hos pascit, vestit, visitat
Et colligit in domibus

V. Felix, quae super pauperes
Pio corde intelligit
Et consolari miseros
Amore Christi eligit.

2. Perpetua, Nazarii
Consors est facta filii,
In sanctorum collegio
Perenni fruens gaudio.

V. Gaudet chorus coelestium,
Qui cum matre Nazarium
Assumpsit sibi socium.

In Benedictus.

A. Benedicatur Dominus,
Qui matrem cum Nazario
Benedixit in patria
Hos donans alto praemio.

Ad Crucem.

A. Jesu, nostra redemptio,
Praesta, ut crucis passio
Sit nostra gloriatio,
Per quam mundum redemisti,
Morte mortem destruxisti,
Vita vitam reddidisti,
Cujus fidem celeriter
Perpetua et firmiter
Recepit et salubriter.

In Cantemus.

A. Cantemus laudes Domino,
Redemptori omnium,
Cujus dono Perpetua
Peperit Nazarium.

In Benedicite.

A. Benedicite Dominum,
Omnia ejus opera,
Cum quo sancta Perpetua
Laetatur super sidera.

In Laudate.

A. In festo Perpetuae
Laudet plebs assidue
Devota fidelium
Salvatorem omnium.

Psallentium in Baptisterio.

Da meritis Perpetuae,
Matris sancti Nazarii,
Christe, nobis perpetuam
Vitam coelestis gaudii.

Mane ad Psallentium.

Antiplionae.

1. Felix sanctae Perpetuae
Proles, sanctus Nazarius,
Qui est coelesti gloria
Factus sibi consocius.

2. Apparuit Perpetua
In visione filio,
Quae jam coelum intraverat,
Dicens sancto Nazario:
Transi ad partes Galliae,
In quibus regis gloriae
Praedices evangelium,
Qui est salus credentium.

3. Nobis, sancta Perpetua,
Praesta tuum praesidium,
Ut currentes in stadio
Comprehendamus bravium.

4. Per fidelem Perpetuam
Infidelis vir salvatur
Africanus, Judaismo
Qui relicto baptizatur.

5. Sanctus adbaesit spiritus
Beato Nazario,
Super quem matris anima
Gaudet magno gaudio.

6. Sanctae festum Perpetuae
Concelebrantes annue,
Christe, peccatis exue
Virtutibusque imbue,
His bona cuncta tribue.

Post Kyrie.

Per Linum pontificem
Sepulturae traditur
Beata Perpetua,
Cujus festum colitur.