41. In Festo Patronorum Emmeramensium.

In 1. Vesperis.
Ad Magnificat.

A. Iesu, praemium regnantium
Et ductor viatorum,
Salva nos eorum
Suffragiis, quorum
Nos dotasti reliquiis,
Quos vario meritorum iubare
Tribuisti coruscare

Qui iam patria gaudentes
Non relinquant nos
in exsilio degentes.

Ad Matutinum.
Invitatorium.
Qui est nostrorum
Rex patronorum,
Hunc rite
Laudare venite.

In 1. Nocturno.

Antiphonae.

1. Isti fructum suum dabunt
Resurgendi tempore,
Dum glorificato stabunt
Hic locato corpore.

2. Lumen super se signatum
Vultus tui, Domine,
Signis monstrant declaratum
Et virtutum omine.
3. Super caelos elevata

Mens sanctorum exstitit,
Caro quorum hic humata
Tot salutes praestitit.

4. Hos in monte sitos caelis
Scimus requiescere,
Quorum ossa tot medelis
Cernimus clarescere.
5. Mundi manibus et corde
Sancti perstiterunt
Et virtutum spreta sorde
Montem ascenderunt.
6. Sanctos hos tectum

iam crimen amans quoque
rectum
Spiritus absque dolo
constituere polo.

Responsoria.

1. Assis, Christe, famulis
Hic sanctorum loculis
Obsequendo sedulis,
V. Nil adversetur,

nil triste tuis dominetur.
2. Per sanctos, Christe,

quos sic humat locus iste
Omne fugans triste
nos super aethera siste,
V. Ne cursu segni

perdamus gaudia regni.
3. In caelis regnat spiritus,
Quorum cinis hic positus
Contactu fugat daemones,
Aegrotos sanat homines;

Dreves, Historias rhythmicae. VII.

V. Christus sanctorum merita

Sic manifestat inclita.
4. Te, Deus aeterne,

suppliciter deprecamur,
Ut eorum

patrociniis protegamur,
Quorum hic corpora
Resurrectionis

praestolantur tempora.
V. Corpus quoque

nostrae humilitatis

Cum eis tunc configura

corpori claritatis.

In 2. Nocturno.
Antiphonae.

1. Rectos collaudatio
Condecet in caelis,
Quorum beneficio
Gaudet plebs fidelis.
2. Horum Dominus custodit
Ossa beatorum,
De quibus effectus prodit
Tot miraculorum.

3. Ad sanctos hos a finibus
Terrae iam clamatur,
Quos suis fovens sinibus
Locus hic sacratur.
4. Hos in bonis domus Dei
Iam repletos credimus,
Ad os quorum ductu spei
Supplices accedimus.
5. Sanctorum animas

Dominus custodit, at illis
Dat sacer iste sinus

tumulus horumque favillis.
6. En, repletum est in bonis
Horum desiderium,
Quos invexit caeli thronis
Christi ministerium.

Responsoria.

1. Aeterni gaudii

Fac nos, Iesu, participes,

Per istius loci
Patronos et principes,
Ut fraudes hostium
Nobis insidiantium

dissipes,
Ut caelorum mereamur
esse participes
V. In hac etenim mundi vanitate
Pressis calamitate
Opus est, ut succurras
Solita pietate.
2. Iesu Christe, lumen caeli,
Noxas Stygialis teli
Pellas a plebe fideli
Prece sanctorum
Hic conditorum,
V. Miserando serva famulos
Laudibus sedulos
Ad beatorum tumulos.
3. Per sua munera Christus
ad aethera ducat eorum,
Nos meritis quorum

hic passci dat, regna po-
lorum,
V. In numero quorum

pariter laetemur eorum.
4. Caeli turma laetatur,
In qua coetus adiuvatur,
Hominum sanctorum
Et angelorum ;
O societas iucunda,
Sine fine laetabunda
Quae dum semper
regi suo plaudit,
Iubilum ipsius
finis non claudit;
V. Trahat nos ergo post se
Vi meritorum
Ad consortium beatorum.

In 3. Nocturno.
Ad Cantica.
A. Rex caeli, Iesu,

vetitae nos arboris esu
Erige prostratos

per sanctos hic tumulatos,

Quorum iam donas

animabus in aethre coronas,

Responsoria.

1. O sancti, quorum tumulis
Obsequiis hic sedulis
Servimus, vestris famulis
Faventes subvenite
Pandentes portas vitae.

V. Memores nostri estote

Atque invocantibus vos devote.

2. Christus amicorum

placatus amore suorum

Hic tumulatorum

nos ponat in arce polorum,
V. Virtus sanctorum

magnumque decus merito-
rum.
R. Spectablis est locus iste,

In quo tot sita sunt

Corpora sanctorum

Deo gratorum,

Qui te sequentes caelicum

Ducem, Iesum Christum,

Cives sunt angelorum ;
V. Culpae faeces per horum

Preces detergas omnes

Et nos insomnes

Ad quaelibet bona

Esse dona,

Ut sic curramus,

Ut comprehendamus.

In Laudibus.
Antiphonae.

1, Induit hos Dominus

Animae decore,
Ossa nihilominus

Tumulans honore.
2. Cui sancti servierunt

Semper in laetitia,
Eius portas intraverunt

Praeduce iustitia.
3. Adhaerentes post se Dei

Dextera suscepit,

Quorum tumbas requiei
Locus hic accepit.
4. Sancti nunc et humiles
Benedicunt Deum,

Iam effecti pariles
Angelis per eum.
5. In cubilibus exsultant

Sancti suis et resultant,
Contemplantes sine velis
Dominum de caelis.

Ad Benedictus.

A. Nobis cornu salutis
Dominus hic erexit,

Qui, quos via iam virtutis
Coelestibus invexit,

Nobiscum fecit tumulatos,
Miraculis multis

Et signis sublimatos.

In 2. Vesperis.
Ad Magnificat.
A. O beati, qui vi caelestium
Vicistis saeculum
Et sic in mundi

stadio cucurristis
Quod ad palmam pervenistis,
O vere Christi

fortissimi milites,
Proelio constantes,
O sancti cives angelorum,
Vobis iam merces laborum
Datur a rege caelorum;
Ergo supplicamus
Per vos, a Deo, cari,
Rogamus
Adiuvari,

Ut nos vobiscum laetari
Mereamur perenniter.