42. In Festo Patronorum.
Regni Sueciae.

In 1. Vesperis.

Antiphonae.
1. Iucundare,

mater ecclesia,
Novae lucis

agens sollemnia,
Cuius ortu

resplendens Suecia,
Patronorum
decanta gaudia.
2. Dum festive

causa recolitur,
Unde tibi

lux ista oritur,
Honor Deo,

laus sanctis redditur,
Immortalis

vita promittitur.
3. Gens Sueonum

quondam erratica,

Illustrata

iam luce caelica
Nova pange

patronis cantica.

4. Hi sunt patres

et duces gratiae,
Quos direxit

pater clementiae,
Ut sint tibi

norma iustitiae.
5. Benedictus

sit pastor inclitus,
Qui de grege

toto sollicitus
Dat pastores

doctos divinitus.

R. Fundans Sion in saphiris
Propugnansque iaspidibus
Gloriosis ornat viris

Christus, pro se certantibus,

Insignitos multis miris
Praefecit se scientibus,

Relaxatis poenis diris
Indulget paenitentibus ;
V. Credunt alienigenae

Et fiunt iam deigenae
Patronis praedicantibus.

Ad Magnificat.

A O quam mirifico,

Deus, ordine cuncta ministras
Ultima per media

regis, influis, ordinas, aptas,
Terrarum caelique sator,

qui cuncta superno
Ducis ab exemplo,

mediis extrema reducis!

Ad Matutinum.
Invitatorium.

Festa dies agitur

Patronis dedicata,
Iubilemus igitur

Mente purificata.

In 1. Nocturno.
Antiphonae.

1. Verbo Dei dum obedit,
Gens Sueonum Christo credit,
Orat, plorat et accedit
Ad baptismi gratiam.
2. Firmans fidem, formans mores
Sacrae legis per doctores,
Detestatur nunc errores
Priscos et fallaciam.
3. Olim quidem tenebrarum
Pressa nube diversarum
Nunc ad lumen venit clarum
Per Dei clementiam.

Responsoria.

1. Dum in fines orbis terrae
Christi fides diffunditur,
Coepit multum fructum ferre,
Perfidia retunditur ;

Gens Sueonum, illustrata

Verae lucis radio,
Patronorum sublimata

Proficit auxilio.
V. Miseratus miserorum
Pius pater, rex caelorum

Adhibet remedia.

2. Aeternus pater voluit,

Quod Deus homo fieret,
Salutem sic disposuit,
Ut filius redimeret,
Humanam carnem induit,
Exit vincens, ut vinceret.
V. Vidit et condoluit,
Quod ovis una defuit,
Ut deviam reduceret.

3. Post doctrinam salvatoris
Succedit apostolica,
Veram fidem creatoris

Lex docet evangelica,
Ad ovile redemptoris

Concurrit plebs catholica.
V. Ecclesia dominica,
Cum iubilo multiplica
Devota laudum cantica.

In 2. Nocturno.

Antiphonae.

1. Rex caelorum incarnatus
Et in mundo conversatus

Elegit terrae medium
Hic salutem operatus
Ad extremos incolatus

Diffudit beneficium.
2. Dum de Sion lex exivit

Verbumque vocis Domini,
Successive acquisivit

Gentes suo nomini.
3. Ab extremis aquilonis
Intrat sanctis cum patronis

Plenitudo gentium ;
Salus ex Iudaeis nata
Ad extremos dilatata

Vitae confert praemium

Responsoria.
1. Vasti orbis

extrema latera
Sic fundavit

divina dextera,
Ut dilata

salutis munera
Non inferrent
electis vulnera.
V. Fremunt hostes,

turbantur infera,
Viam Christus
pandit ad aethera.

2. Hora cenae

paratis omnibus,
Mandat Christus

extremis gentibus
Missis servis

verbo potentibus,
Ut electis

intersint fratribus.
V. Ad hoc negotium

Tam necessarium
Elegit nuntium

Sanctum Ansgarium

3. Provocatus inimicus,
Saevus hostis et antiquus,
Nostrae salutis invidus,
Septem secum nequiores
Veritatis subversores
Coassumit lividus.
V. Daemonia nequissima
Procurant, quod novissima
Peiora sint prioribus.

In 3. Nocturno.

Antiphonae.

1. Inter patronos Sueciae
Primatum tenet curiae

Caelestis imperatrix,
Quae multiformi gratia
Depressis in angustia

Succurrit miseratrix.

2. Baptista Christi praevie,
Laurenti, martyr inclite,
Sit vestrum patrocinium
Semper nostrum praesidium
3. Quos direxit Anglia
Nostrae salutis gratia,

Qui modo sunt in gloria,
Hos petimus humiliter
Et credimus stabiliter,

Quod nostra sint refugia.

Responsoria.

1. Rex rogatus reparavit

Regnum, caesos hostes stravit

Directis exercitibus,
Victi praedam perdiderunt,
Quam per fraudem rapuerunt

Inferni fractis viribus ;
V. Triumphat Dei filius,
Et regnum fit stabilius

Eiectis cunctis hostibus.
2. O praeclari

patres et incliti,
Ierarchiae

caelesti inditi,
Qui Sueonum

genti praepositi
Erexistis

fide paracliti,

Gratiae traditi.
V. Confessores

Praecelsi meriti
Nostros mores

Forment solliciti.

3. Per tuorum

tuaque vulnera,
Iesu, nostra

remitte scelera,
Ne captivos

ducant ad infera ;
Nova sint omnia,

recedant vetera.
V. Beatorum

praeclara opera
Nobis praestent

aeterna munera.

In Laudibus.
Antiplionae.

1. Hi sancti, quorum hodie
Celebrantur sollemnia,
Iam revelata facie

Regem cernunt in gloria.
2. Ut hos ergo per patronos
Assequamur caeli thronos,
In illorum die festo,
Chorus noster, laetus esto.
3. Nos ad sanctorum gloriam
Post praesentem miseriam
Per ipsorum suffragia
Christi perducat gratia.
4. Excusent apud Dominum
Reorum lapsas hominum,
Remota qui caligine
Lumen vident in lumine.
5. Hos patronos pariter
Laeti veneremur,
Ut cum his perenniter
In caelis collaetemur

Ad Benedictus.

A. Triumpho gaudent regio

Amicti stola gloriae
Transcenso mortis stadio

Patroi regni Sueciae,
Summo fruuntur praemio,

Vitam ducunt in requie,
Labore verso praevio

In gloriam victoriae.

In 2. Vesperis.

Ad Magnificat.

A. Qui vos patres venerantur

Amplectentes intime
Et qui vestrae gratulantur

Dono partis optimae,
Per vos vitam consequantur

Lucis amoenissimae,
In qua semper gloriantur

Beatorum animae.