9. In Vigiliis

sanctarum Sophiae et filiarum ejus.

martyrum et virginum.

Ad Vesperas.
Lucernarium.

E. O gloriosa femina,

Dans tria sancta germina
Ut vera mundi lumina,
Quae sunt Fides, Spes, Caritas ;

V. Praesta cunctis juvamina,
Ut fugiant discrimina,
Intrent sanctorum agmina,
Quibus summa felicitas.

In Choro.

A. Solemni gaude gaudio,
Ambrosiana regio,
Quae supernorum civium
Felix auges collegium
Ex tuis sanctis civibus
Sophia et virginibus.

Cum Infantibus.

R. Sopbiae natas honoremus
Omnes cum omni gaadio,
Insignem matrem collaudemus
Insigni cum praeconio,
Ipsarum festum celebremus
Solemni cum tripudio ;

V. Sunt tuae nimis honorandae
Amicae, Deus, ac laudandae,
Quarum valde confortatus
Exstat per te principatus.

A. Quos gentium stultitia
Orat cum reverentia,
Omnes deos daemonia
Testantur cum constantia.

A. Quinque leprosos Dominus
Sophiae sanat precibus,
Quinque caecos illuminat
Suis orationibus.

In Magnificat.

A. Clemens Sophia liberat
De sua familia
A servitutis onere
Circa decem milia.

Psallentium in Baptisterio.

O Fidei stabilitas,
O mira Spei firmitas,
O fortis ut mors Caritas,
Quas non movent blandimenta,
Non promissa, non tormenta,
Vana colant ut figmenta.

Ad Vigilias.

R.Felix Sophia triplici
Sancto fecunda germine,
Cum quo caduca respuens
Coelesti gaudes culmine,
Ex tuo ventre prodeunt
Almae Fides, Spes, Caritas,
Praedicatrices, martyres,
Decorat quas virginitas ;

V. Decor Carmeli et Saron
Et Libani nunc gloria
Venustant tuas filias
In regis regum curia.

A. Docet Sophia filias

Aeternum sponsum sumere,
Spretis carnis deliciis
Mundanaque contemnere.

R. Rerum suarum omnium
Pia Sophia pretium
Turbae donat egentium
Juxta Christi consilium ;

V. Felix, quae super pauperes
Toto corde intelligit,
Duri quos claudunt carceres,
Ad redimendum colligit.

A. Servant matris consilium
Sanctae prudentes virgines,
Carnis, mundi contagium
Spernunt, mortis voragines.

R. Concomitantur angeli
Sopbiam cum virginibus,
Quae Mediolanensium
Paternis spretis finibus
Ad urbem Petri properant,
Quibus nil in itinere
Molestum unquam accidit,
Sed cuncta cedunt prospere ;

V. In viis suis omnibus
Has angeli custodiunt,
Quorum fultae praesidio
Adversa nulla sentiunt.

A. Ut fulget sol, cum oritur,
Fulgebant sanctae virgines
Humanis in adspectibus,
Quas dum cernebant homines,
Earum splendor oculos
Fuscabat ut caligines.

Psallentium.

In domo cujus praedicant
Servatae sub custodia,
Christo jungunt Palladium
Ac de sua familia
Sancta mater et filiae
Circiter octo milia.

Psallentium.

Velut acutus gladius
Sophiae transit animam
Trium natarum passio,
Quam sustinent acerrimam.

E. Sororum trium quamlibet
Triplex ornat aureola,
Cum quibus, mater inclita,
Laetare nunc coelicola;

V. Dura vincunt martyria,
Dei docent eloquia,
Agni servant vestigia
Cum virginum munditia.

Alia Psallentia.

1. In ardenti craticula
Fides pro fide ponitur,
Qua quiescens ut in rore
Non ignis flammis uritur,
Perfusum sanctae virginis
Plumbo caput non laeditur.

2. Beata spe quae figitur,
Illaesa Spes egreditur
Vas resinae bullientis
Atque sulphuris ferventis.

3. In cupa clausa Caritas
Horrendis cum serpentibus
Nullam jacturam patitur
Sanctis adjuta precibus.

Post Kyrie.

A. In decenti sepultura
Mater condit pia cura
Tres triumphales hostias
Oblatas Christo filias.

A d Matutinum.
Post hymnum.

R. O quam stupenda Fidei
Sanctae diraque passio,
Cujus mamillae tenerae
Horrenda fit praecisio;
O quam grande miraculum,
Ut unda lac egreditur
De loco sui pectoris,
De quo ipsa praeciditur;

V. Sanctam Christus mirificat
Miraculorum gratia
Mammam sibi redintegras
Mirabili potentia.

Ad Lectiones.
Responsoria.

1. Haec est vera germanitas,
Quam non mundana vanitas,
Non carnis vitiositas,
Non poenarum crudelitas,
Sed Christi traxit caritas.

V. Ecce quam bonum
Et quam jucundum
Sorores in unum habitare!
O quantum donum
His est datum, mundum
Spernere in coelis et regnare

2. Ad ipsarum sepulturam
Apparent matri filiae
Imploranti et dicenti:
Juncta sim vobis hodie;
Ad quam vox grata loquitur
De alta sede gloriae:

V. Sophia, benedictarum
Veni mater filiarum,
Sume consors beatarum,
Quod oculis non cernitur,
Non auribus percipitur,
Non corde comprehenditur.

In Benedictus.

A. Optans ex fide vivere
Fides, pro fide ponere,
Vitam maluit perdere,
Simulacra quam colere.

Ad Crucem.

A. Crucem Christi venerari
Et in ipsa gloriari
Studeamus et laetari,
Qua sunt Sophiae filiae
Confixae regi gloriae
Coeli consortes patriae.

In Cantemus.

A. In Sophiae festo piae
Gloriose decantemus
Festivas laudes Domino,
Quem laudantes honoremus.

In Benedicite.

A. Spes in spe, quaenon confundit,
Spem certam ponit gloriae,
Cujus corde se diffundit
Amor divinae gratiae.

In Laudate.

A. Divinis instant laudibus
Sanctae mater et filiae
Orantes pro fidelibus
Summae regem clementiae.

Mane ad Psallentium.
Antiphonae.

1. Exsultemus cum Sophia
De corona triumphali,
Qua coronantur filiae
Choro juncti virginali.

6. Quam felix tu Saminia,
Quae colligis hospitio
Sophiam cum virginibus,
Tanto dignas collegio,
Quas tibi commendaverat
Christi vera dilectio.

9. Sanctae vincunt Adrianum,
Mundi, carnis quoque vanum
Regnum vile ac insanum.

12. Ad mandatum Caritatis
In templo gentilitatis
Collisione mutua
Fit pulvis omnis statua.