44. De s. Paulo Eremita.

In 1. Vesperis.
Antiphonae.

1. Chorus novae militiae
Laudes decantet hodie

In festo nostri ducis,
Quem per mirandum exitu
Ad caelestem exercitum

Christus vexit, lux lucis

2. Hic vitam eremiticam,
Quam censuit angelicam

Tulit in Christo primus.
Cuius censemur nomine,
Eius adiuti numine

Conformes vitae simus.

3. Paulus parente gemino
Orbatus vitae termino,
Liber gaza ditatus,
Puer pollens ingenio
Fit literarum studio
Scientiis ornatus.

4. Nam sciens puer nescius
Deum peccati, conscius

Mundanae vanitatis
Mundum vitare voluit,
Christum amare maluit

Vir mirae sanctitatis.

5. Petit secreta concitus
Edoctus loca caelitus

Mitis et mansuetus,
Sed proditur ab aemulo
Et proficit in sedulo

Cultore Christi metus.

Ad Magnificat.

A. Cultorem solitudinis,
Sancti primatem ordinis,

Eremitarum primum,
Paulum, iam nexu carneo
Solutum, sed empyreo

Assumptum ad opimum,
Caelo sanctorum gaudium,
Gentis nostrae collegium

Votis et voce laudet,
Cum choris apostolicis,
Propheticis angelicis

Vita beata gaudet.

Ad Matutinum.
Invitatorium.

Christum in Paulo paupere
Laudemus eremita,

Quem caelo Dei munere
Beat aeterna vita.

In 1. Nocturno.

Antiphonae.

1. Aquarum secus alveum
Viventium plantatus,

Paulus exercet eremum
Fructu locupletatus,

Impiorum consilium
Sprevit hic vir beatus.

2. Montem terrae salsuginis
Inhabitat hic humilis,

Montem excelsi culminis

Christum colit amabalis,
Molem dissolvit criminis

Vir vitae venerabilis,
3. Dum mundus hunc persequitur

Minis et blandimentis,
Antro taetro suscipitur,

Palmarum alimentis
Esuries depellitur

Viri beatae mentis.

Responsoria.

1. Acerrimo certamine

Dum triumphantes aspicit,
Non tormentorum turbine,

Non leti metu deficit,
Luxus hamans dulcedine
Paulum ad nemus abicit.
V. Sanctis occidi gaudium
Erat, hostis at odium
Funestum parat otium.
2. Sanctum movet Antonium
Humana cogitatio,
Eremitarum omnium

Se primum credit inscio,
Sibi priorem socium
Prodit divina visio,
V. Se meliorem munere
Virtutum alta colere,
Deserta monet visere.
3. Antonius haec audiens
Festinat hanc adire
Et secum fatur inquiens:

Concedat invenire
Sanctum virum omnipotens,
Quem voluit me scire;
V. Desideratum reperit,
Labore fastigatus
Pulsanti Paulus. aperit
Clamore flagitatus.

In 2. Nocturno.
Antiphonae.

1. Stola palmarum foliis
Mirificat inserta

Paulum, donorum gratiis
Laudat vita referta,

Munda, digna praeconiis
Lucis armis operta.

2. Voce clamoris intimi
Orabat hic devotas

Nomen colens altissimi
Hominibus ignotus,

A mundi huius pessimi
Contagiis amotus.

3. Honor, virtus et gloria
Paulum laudis coronat,

Potatur aqua pervia,
Numen semper exorat,

Mirum magnificentia,
Quod saeculum honorat.

Responsoria.

1. Collato pacis osculo

Amplexu castitatis
Prophetico miraculo

Se nomine vocatis,
Fragrant in verbi pabulo

Divinae bonitatis;
V. Purgatus a cupidine,

A mundo iam remotus,
Quaerit, quo moderamine

Regatur ille motus.

2. Fragmen e caelo mittitur

Per lustra duodena,
Ferente corvo sumitur

Panis, o mira cena,
Collega cum suscipitur,

Lata mensura plena ;
V. Honore pacis oritur

In panis fractione
Duellum, pie solvitur

Unica sumptione.

3. Adloquitur Antonium
Paulus aqua libata

Post hymni sacrificium:
Diu desiderata

Mihi post hoc exsilium
Corona stat parata;

V. Te, frater, olim noveram

Viventem me visuram,

Christo docente sciveram

Me terrae conditarum.

In 3. Nocturno.

Antiphonae.

1. Ingressum sine crimine

Iustitia decorat,
Acta rectum et famine

Paulum mundus honorat,
Beato Christi lumine

Quem gloria coronat.

2. Virtutibus et gratiae

Dulcedine praeventum,

Rex Christe summae gloriae,
Paulum, caelis intentum,

Aeternae caeli curiae
Perducis ad conventum.

3. Elongat hic a turbine
Mundi caduca terens,

Manet in solitudine

Superna regna quaerens,

Omni pulsa caligine

Christo semper inhaerens.

Responsoria.

1. Orabat hospes hospitem:

Tecum perduc ad Deum,
O Paule, tuum comitem ;

Paulus inquit ad eum:
Te decet Christi militem

Hostem calcare reum,
V. Fratrum conventum regere

Exemplo sanctitatis,
Quamquam magis eligere

Sit stolam claritatis.

2. Quaeso, iam redi propere
Laturus mihi pallium,

Quod constat grato munere
Largitum Athanasium,

In meo, frater, funere
Humanum fer obsequium;

V. Cum audit Athanasium

Homo sanctus et pallium,
Christum in Pauli pectore
Miratur vatis opere.

3. Reversus ad coenobium:

Baptistam vidi, fatur,
Iohannem, Christi praevium,

Qui silvis immoratur,
Eliae vidi similem

In paradio situm,
Paulum, mundo mirabilem,

Virtute redimitum.
V. Cum redit, ut obsequium

Impendat imploratum,
Inter sanctorum civium

Collegia beatum
Divinum ad consortium

Cernit mire translatum.

In Laudibus.
Antiphonae.

1. Sanctorum inter agmina
Splendoribus ornata

Pauli iam scandit anima
Christi regna sacrata,

Quam sancta caeli culmina
Laudant voce levata.

2. Cervice, genu, manibus

Exanimis orabat
Protenta, flexo precibus

Levatis sic instabat,
Quod frater claris visibus

Viventem aestimabat.
3. Terra deserta, squalida

In sancto sic apparet,
Adeps, pringuedo vivida

Repletum ut afflaret,
Christum in stola candida

Videret et amaret.

4. Leonum dira feritas
Mitescit, ut deploret

Defunctum ;mira novitas,
Ut bellua laboret,

Pauli quo carnes inclitas
Sarcophagus honoret.

5. Palma sacratis artubus
Pauli dedit amictum,

Antonium sollemnibus
Vestis quae tegit hirtum,

Hieronymus cum laudibus
Magnificat ascriptam.

Ad Benedictus.

A. Antonius leonibus

Ministris tumulatum
Paulum, mire virtutibus

Collaudat honoratum;
Hi nobis munus gratiae

Implorent, ut placatum
Cernamus sancta requie

Christum, Mariae natum.

In 2. Vesperis.
Ad Magnificat.
A. O pater venerabilis,
Orbi cuncto mirabilis,

Lux anachoretarum,
Antro, carica tunica,
Potu cum esca caelica,

O dux eremitarum,
Exemplar abstinentiae,
Insigne pudicitiae,

Imago paupertatis,
Te laudat caeli curia
Christi felici gloria

Assumptum cum beatis:
Auge catervam nomine
Vocatam tis et lumine

Fac frui deitatis.