13. In Vigiliis sancti Clementis,
martyris et papae.

Ad Vesperum.
Lucernarium.

R. Clementem luce fidei
Christus Jesus illuminat,
Quem velut vasa figuli
Sic Dominus examinati

V. Clemens in Dei populo
Ut lux vera radiavit,
Quem verbis et operibus
Ipse sanctus illustravit.

In Choro.
A. Festum Clementis martyris
Devote colant populi,
Exorent hunc mediocres,
Magni, majores, parvuli,
Ut redemptorem hominum
Pro nobis roget Dominum.

Cum Infantibus.
R. Fons vitae, agnus praevius
Fontem, qui est ut fluvius
Damnatis necessarius,

Pede pandit exsilio
Precum sancti suffragio
Clementis et indicio;
V. Sustinentes exsilia,
Moestos aquae penuria,
Laetificavit copia
Aquarum Dei gratia.

A. Clemente gaude martyre,
Matidiana, filio
Sancto, summo pontifice,
Regni fruente solio.

A. Faustiane felix, gaude.
Canta Deo laudes, plaude,
Qui Clementem genuisti,
Martyrem beatum Christi.

In Magnificat.

A. Christum Jesum magnificum
Magnificet ecclesia,
Qui Clementem magnifica
Magnificavit patria.

Psallentium in Baptisterio.

Pia Clemens clementia
Pater nobis remedia
Implora necessaria,
Quibus exuti noxiis
Coelestibus deliciis
Fruamur atque gaudiis.

Ad Vigilias.

R. Assidua indagine

Studens Clemens inquirebat,
Utrum humana anima
Immortalis remanebat,
Quo invento quam plurimum
Exsultando congaudebat:

V. Christi fidem apostolus
Petrus Clementem docuit,
Qui immortalem animam
Esse sibi aperuit.

A. Ex nobili prosapia
Ortus Romana patria
Clemens passus martyrium
Coeleste scandit solium.

R. Clemens doctrina claruit,
Sancta vita resplenduit,
Philosophia floruit,
Miraculis emicuit ;

V. Sanctus Clemens pontifex
Et virtutum artifex
Caeco visum restituit,
Audito surdum praebuit.

A. Qui damnatis exsilio

Clemens fontem praebuerat,
Leonicinis etiam
Fontem reclusum reserat.

R. Sanavit Clemens languidos
Suae salutis avidos,
Afflictos prae tristitia
Remisit cum laetitia,
Cunctis prodesse studuit,
Nulli nocere voluit ;

V. Illi cura de proximo
Corde fuit et animo,
Qui creatori placuit,
Pro quo mortem sustinuit.

Psallentium.

A. Sic excellenter moribus
Sanctus Clemens praepolle-

bat,
Quod Judaeis et gentibus
Christianis complacebat.

Aliud Psallentium.

A. Omnes laudemus Dominum
Cum laudibus magnificis,
Qui Clementem mirificat
Virtutibus mirificis.

Post Kyrie.

A. Martyr Clemens gloriosus
Amat, sperat vere credens,
Opus bonum operatur,
A malitiis recedens
Studet cunctis hic prodesse
Praesul pius, nullum laedens,
Qui gaudet in coelestibus
Beatorum sede sedens.

Ad Matutinum.
Post hymnum.

R. Christe, regnum rex Domine,
Clemens, pro tuo nomine
Maris mersus voragine,
Cum sancto gaudet agmine
Locatus coeli culmine.

V. Quam beatus, qui residet
In supernorum curia,
Cunctis fruens deliciis,
Divitiis et gloria.

Inter Lectiones.
Responsoria.

1. Clemens pro Christi nomine
Perit morte pretiosa,
Qui gaudet nunc aureola
Coronatus gloriosa;

V. Submerso maris fluctibus
Sepultura praeparatur,
Quae populis orantibus
Sicco mari demonstratur.

2. Omnes vocibus sonoris
Isti servo conditoris
Melos laudis et honoris
Concinamus cunctis horis ;

V. Celebremus solemniter,
Cuncti fideles populi,
Clementis natalitium,
Sancti Petri discipuli.

In Benedictus.

A. Sit benedictus Dominus,
Cujus benedictio
Sanctum Clementem martyrem
Donat alto praemio.

Ad Crucem.

A. Crucifixura collaudemus,
Collaudantes honoremus,
Cujus demens vestigium
Secutus per martyrium,
Venit ad coeli gaudia
Omni plenus laetitia.

In Cantemus.

A. Jesus Christus Dominus
Sanctos suos exaltavit,
Qui Clementem pontificem
Gloriose honoravit.

In Benedicite.

A. Fideles, benedicite,
Hymnum Deo dicite,
Qui per viam martyrii
Duxit ad locum gaudii
Clementem sanctum praesulem,
Pro fide Christi exsulem.

In Laudate.

A. Laude dignum et gloria
Sanctum laudet ecclesia
Clementem, qui virtutibus
Corruscat in coelestibus.

Psallentium in Baptisterio.

Clementer sancte subveni
Clemens devoto populo,
Defende tuis precibus
Ab omni nos periculo
Et collocari facias
Coelesti habitaculo.

Mane ad Psallentium.
Antiptonae.

1. Per Barnabam apostolum
Clemens ad fidem ducitur,
Civis Romanus nobilis,
Qui papa martyr moritur.

2. Deo, in quo nullae fraudes,
Personemus dignas laudes
In Clementis sui festo,
Ut sit nobis semper praesto
Nos defendens a funesto.

3. Sequens Petri vestigia
Discipulus egregius,
Hic Clemens summus pontifex
Fuit post Petrum tertius.

4, Sanat Petrus apostolus
Matris Clementis hospitam,
Languore paralytico
Membris jacentem perditam.

5. Venit per juge studium
Ad culmen sapientiae
Clemens factus philosophus
Divinae dono gratiae.

6. In tuo festivo die

Clemens regem clementiae
Roga, ut nobis gratiam
Ipse donet et gloriam.

7. O felix Matidiana,

Quae spernentem cuncta vana

Natum paris, in membrana
Vitae scriptam, pastum manna.

8. Dei consecrat ancillam
Sanctus Clemens Domitillam,
Sanctam, prudentem virginem,
Horrentem sponsum hominem,
Quae Deum sponsum eligit,
Quem prae cunctis haec diligit.

Post Kyrie.

A. Quem mortuum crediderat
Mater in maris fluctibus
Natum Clementis recipit
Vivum orationibus.