15. In Vigilia Omnium Apostolorum.

Ad Vesperum.
Lucernarium.

R. Apostolorum omnium
In festiva memoria
Illumina nos, Domine,
Qui lux es lustrans omnia ;

V. Per te remotis tenebris
Cunctis de nostris cordibus
Lucis aeternae gaudiis
Fruamur fac perennibus.

In Choro.

A. Omnes Christi apostoli,
Magno gaudete gaudio,
Vobis datum est perfrui
Vitae perennis praemio,
Quos opibus, deliciis,
Perpetuis honoribus
Magnificavit Dominus
Vos replens bonis omnibus.

Cum Infantibus,

A. Gloriosos apostolos
Honoremus solemniter,
Horum laudes magnificas
Personemus suaviter
Et hos devotis precibus
Imploremus humiliter,

V. Ut ipsi rogent Dominum
Pro nobis efficaciter,
Quod ad aeternam gloriam
Perducat nos feliciter.

A. Ad festum apostolicum
Concurrant omnes populi,
Veneremur apostolos
Magni, majores, parvuli.

A. Apostolorum meritis
Suffragiis et inclitis
Tanto magis adjuvamur,
Hos quo magis veneramur.

In Magnificat.

A. Christum Jesum magnificum,
Magnificet ecclesia,
Qui beatos apostolos
Magnificat in patria.

Psallentium.

Qui in coena Domini
ad mensam sedetis,

Suo ut nos foveat
pane, hunc rogetis,

Locum nobis exhibens
aeternae quietis.

Ad Vigilias.

R. Apostolorum omnium
Celebremus omnes festum,
Quos devote deprecemur,
Ut defendant, ne molestum
Quid affligat nos, infestet
Et cor nostrum reddat mae-
sturu ;

V. Faciant, ut et infernum
Devitemus nos funestum
Et intremus paradisum,
Locum pulchrum et honestam.

A. Multas poenas apostoli
Passi pro Christi nomine
Perenni gaudent gloria
Cum beatorum agmine.

R. Sancti Christi apostoli,
Passi pro Christi nomine,
Suas stolas mundificant
Lavantes agni sanguine
Vanaque spernunt idola
Electo vero numine ;

V. Apostolorum omnium
Mors sanctorum pretiosa,
Qui tyrannos prosternentes
Palma gaudent gloriosa.

A. Exstiterunt apostoli
Fortes Christi bellatores,
Quos per virtutem fidei
Reddidit ipse victores.

R. Omnes Christi apostoli
Sancti, nobis succurrite,
Pro nobis, vestris famulis.
Preces ad Deum fundite,

V, Ne nos mundus, diabolus,
Caro vincant, defendite,
Nos meritis et precibus
Vestris ad regnum ducite.

A. Caritate inflammati
Sunt apostoli parati
Pro Christo mortem sumere
Magis quam mundo vivere.

Psallentium.

Apostoli martyrii
Sunt decorati laurea,
Ornati Christi milites
Aureola et aurea.

Allia Psallenda.

Munito scuto fidei
Et lorica justitiae
Apostoli sunt pugiles
Fortes in Christi acie.

R. Christi omnes apostoli.
Virtutibus magnifici,
Magnificate Dominum,
Chori concives coelici.

V. Qui vos sua magnifica
Magnificavit gloria,
Magnificandos laudibus
Solemni cum laetitia.

Psallentium.

Nobis, sancti apostoli,
Vestrum date praesidium,
Quo currentes in stadio
Participemus bravium.

Post Kyrie.

A. Quantum sanctis apostolis
Erimus devotiores,
Tantum dare suffragia
Nobis erunt promptiores.

A d Matutinum.
Post hymnum.

R. Apostolorum gloria
Est in coelesti patria,
Ubi nulla miseria ;
Qui perfecte sunt beati,
Excellenter honorati,
Cunctis bonis sunt ditati.

V. A quorum Deus oculis
Abstersit omnem lacrimam,
Eis dolorem auferens,
Luctum, mortem teterrimam.

Inter Lectiones.
Responsorio.

1. Apostoli nudipedes,
Secuti sunt vestigia
Christi, spernentes saeculum
Qui reliquerunt omnia ;

V. Castigant sua corpora
Vigiliis, jejuniis
Et macerant laboribus,
Affligunt modis variis.

2. Omnia sunt apostolis
Christi Jesu communia,
Ad quorum pedes omnium
Vendentes ponunt pretia,
Qui dividunt haec singulis,
Prout sunt necessaria ;

V. Qui pleni sancto spiritu
Loquuntur cum fiducia,
Linguis loquuntur variis
Alta Dei magnalia.

In Benedictus.

A. Benedictus ab omnibus
Sit Dominus viventibus,
Qui benedictionibus
Apostolos perennibus
Replet in coeli sedibus.

Ad Crucem.
A. Jesu, nostra redemptio,
Praesta, ut crucis passio
Sit nostra gloriatio,
Per quam mundum redimisti,

Morte mortem diluisti,
Vitam vita reddidisti;
Cujus fidem celeriter
Apostoli et firmiter
Sumpserunt et salubriter.

In Cantemus.
A. Bellatori glorioso
Gloriose decantemus,
Omnes sanctos apostolos
Collaudantes honoremus.

In Benedicite.
A. Benedicite Domino
Cuncta ipsius opera,
Qui beatos apostolos
Adduxit super sidera.

In Laudate.
A. Collaudemus apostolos
Nos cum festivis laudibus,
In cymbalis et organis,
Choris benesonantibus.

Psallenda in Baptisterio.
Fiebant per apostolos
Multa signa, prodigia,
Resuscitabat mortuos
Fugabant et daemonia,
Sanabant umbra languidos
Divina freti gratia.

Mane ad Psallentium.
Antiphonae.

1. In manibus sunt Domini
Apostolorum animae,
Quos non tanget de cetero
Poena mortis acerrimae.

2. Christo Jesu apostoli
Reddebant testimonium,
Quibus ipse contulerat
Gratiae beneficium.

3. Liberati a carcere
Angelico suffragio
Congaudebant apostoli
Dimissi a concilio,
Quod erant contumetiam
Passi pro Dei filio.

4. Magnificantes Dominum
Fide, verbis, operibus
Honoremus apostolos
Magnificis cum laudibus,
Magnificos divitiis,
Deliciis, bonoribus.

5. Ad lucem verae fidei
Luce divinae gratiae
Sancti ducti apostoli
Facti sunt lux ecclesiae.

6. Amici tui, Domine,
Sunt bonorati nimium,

Qui sunt sancti apostoli
Regni tenentes solium.

7. Fide fuerunt milites
Christi athletae incliti,
Apostoli operibus
Justis ferventer dediti.

Post Kyrie.

A. Apostolorum merita

Nos defendant in hac vita
Ab hostium insidiis,
Dent coeli frui gaudiis.