17. In Vigiliis sancti Silvestri.

Ad Vesperum.
Lucernarium.

Ii. Lux lucis et fons luminis,
Christe, nos luce gratiae
Praesenti lustra saeculo
Post mortem luce gloriae;

V. Vitiorum tenebras
Virtutum pelle radio,
Silvestri nos adjuva
Confessoris suffragio.

In Choro.

A. Silvester, ad catholicam
Fidem tauri miraculo
Reginam ducis Helenam
Cum Judaeis et populo ;
Summe pastor, nos libera
De corporis ergastulo.
Nos liberatos colloca
Coelesti tabernaculo.

Cum Infantibus.

R. Silvestri papae celebrent
Festum fideles hodie,
Quem Dominus ad patriam
Duxit omnis laetitiae;

V. In domo Dei gloria,
Sempiternae divitiae,
Sine moerore gaudium,
Perennes sunt deliciae.

A. Justus Silvester pontifex
Laboravit finaliter,
Qui pro justis operibus
Nunc vivit aetcrnaliter.

A. Est Silvester justissimus
In aeterna memoria,
Non ab auditu metuit
Malo, qui gaudet gloria.

In Magnificat.

A. Christum fideles hodie
Magnificent magnificum,
Qui Silvestrum magnificat
Dans sibi regnum coelicum.

Psallenda in Baptisterio.
Est Silvester sublimatus
Ad papalem dignitatem,
Nunc in coelis coronatus
Propter ejus sanctitatem.

Ad Vigilias.

R. In Silvestri matricula
Describitur plebecula
Gentis Romae paupercula,
Quaerentis victus pabula ;

V. Qui vestem, cibum, pocula
Praesul dat, habitacula
Compassione sedula.

A. Os piscis, Tarquinius,
Cujus guttur intraverat,
Moritur, qui carceri
Silvestrum mancipaverat.

R. Honorat tanto quoslibet
Silvester eminentius,
Quanto cognoscit vivere
Cunctos antistes sanctius ;

V. Magis ad elegantiam

Morum quam ad potentiam
Personae pastor respicit,
Qui vana mundi despicit.

A. Silvestri vita praesulis
Cumulabantur merita,
Sanctitatis operibus
Indesinenter dedita.

R. Constantinus, ab omnibus
Mundatus leprae sordibus
In aquis baptismalibus
Per Silvestrum, regalibus
Papatum multiplicibus
Honoravit honoribus ;

V. Constantinus ecclesiac
Romanum dat imperium
Sanitatis considerans
Collatae beneficium.

A. Decedente Melchiade
Summus praesul eligitur
Silvester, Justae filius,
Ut ejus gestis legitur.

Psallentium.
Sanctus Silvester pontifex
Per pietatis opera
Fuit in domo Domini
Ut oliva fructifera,
Qui locum tenens gloriae
Laetatar super sidera.

R. Sicut fecunda redditur
Silva multis arboribus,
Fecundatur ecclesia
Per Silvestrem fidelibus,

V. Quos hic ad fidem provocat
Miraculis patentibus,
Verbo doctrinae populum
Convertens et operibus.

Psallentium.
Nos, Silvester, tua prece
Peccatorum purga faece,
Ne nos necent turpi nece.

Post Kyrie.

A. Papa Silvester separat
Aures a detractoribus,
Ipsas ab eis subtrabens
Sanctus vir a serpentibus.

Ad Matutinum.
Post hymnum.

R. Exaltat apostolicam
Clemens Deus ecclesiam
Per sanctum summum prae-

sulem
Personam sanans regiam,
Constantinum, baptismatis
Percipientem gratiam;

V. A leprae mundat pontifex
Imperatorem sordibus,
Per quem fides diffunditur
In orbis terrae finibus.

Ad Lectiones.

Responsoria.

1. Sanctus Silvester duplicans

Talenta pastor ovium,

Servus in sui domini

Fidelis intrat gaudium ;

V. Non in terra fodiens
Abscondit pecuniam,
Sed ipsam multiplicat
Prudens per industriam.

2. Silvestro, sancto praesuli,
Sanctus Petrus apparuit,
Ut ad draconem pergeret,
Ut hunc orantem monuit;

V. Filo ligat perpetuo
Draconis os pestiferi,
Signo sigillans annuli
Silvester hoc cruciferi.

In Benedictus.

A. Benedictus ab omnibus
Deus Silvestri precibus
Nos benedictionibus
Benedicat coelestibus.

Ad Crucem.

A. In mundum Deus veniens
Passus crucis patibulum
Per mortem suam liberat
Amore suum populum.
Cunctorum gloriatio
Sit Christi crucis passio,
Cujus sequens vestigia
Silvester est in gloria.

In Cantemus.

A. Fideles Deo populi

Cantent laudes magnificas,
Qui mansiones tribuit
Sancto Silvestro coelicas.

In. Benedicite.

A. Benedicite Domino
Coeli, terra, maria,
Qui Silvestro pontifici
Regna dat coelestia.

In Laudate.

A. In Silvestri pontificis
Festo laudet in tympano
Deum fidelis populus,
In chordis atque organo.

Psallenda in Baptisteria.

In praedioando gratiam
Tantam Deus contulerat
Silvestro, quod hunc quilibet
Gratum sibi dilexerat.

Mane ad Processionem.

Antiphonae.

1. Silvester hospitalibus
Intendebat operibus
Vagabundos hospitio
Recipiens cum studio.

2. Sunt apertae coeli portae
Nunc Silvestro sumpta sorte
Supernorum cum cohorte,
Quibus vita sine morte.

3. Praesul mirae sanctitatis
Cum talentis duplicatis
Est Silvester cum beatis.

4. Concelebret ecclesia
Confessoris solemnia
Silvestri cum laetitia,
Qui fide, verbo claruit,
Sanctitate resplenduit
Miraculis emicuit.

5. Serve prudens et fidelis,
Subvenire nobis velis
Te cunctis reverentius,
Silvester, tais precibus.

Post Kyrie.

A. A matre cum nomine
Justa Silvester genitus,
Miris fuit virtutibus
Et sanctitate praeditus.