18. In Vigiliis sanctorum martyrum
Marcellini et Petri.

In 1. Vesperis.
Antiphonae.

1. In Marcellini et Petri
Festivo natalitio
Festivas odas personet
Christianorum concio,
Ipsos cum reverentia
Honoret et cum gaudio.

2. Marcellinus, assecutus
Sacerdotis dignitatem,
Est in coelis coronatus
Propter suam sanctitatem.

3. Firmus in petra fidei
Petra poenarum teritur,
Petrus a petra Domino
Cum palma qui suscipitur.

4. Quam gloriosi martyres
Sancti, Petrus, Marcellinus,
Quos cum triumpho gloriae
Abrahae recepit sinus.

5. Sancti regna contempserunt,
Quae per fidem devicerunt,
Operati justitiam
Sunt consecuti gloriam.

Ad Magnificat.

A. Marcelline atque Petre
Virtutibus magnifici,
Magnificate Dominum,
Chori concives coelici,
Qui sua vos magnifica
Magnificavit gloria,
Magnificandos laudibus
Solemni cum laetitia.

Ad Matutinum.
Invitatorium.

Deo nostro salutari
Exsultantes jubilemus,

Marcellinum atque Petrum
Jubilantes honoremus.

In 1. Nocturno.
Antiphonae.

1. Marcelline, tua prece
Nos peccati purga faece,
Ne nos necet turpi nece.

2. Christi compensant sanguinem
Martyres suo sanguine,
Ut rosae facti rubei
Passi pro Christi nomine.

3. Marcellinus atque Petrus
Sunt adepti gloriam,
Habentur et in laudibus
Nunc apud ecclesiam.

Responsoria.

1. Celebrantes ad honorem
Tui festum, Jesu Christe,
Marcellini sacerdotis,
Petri simul exorcistae,
Precibus horum gaudentes
Fac nos, pellens quidquid triste.

V. Appetentes te jucundum,
Da, spernamus ut hunc mundum,
Vitiorum nos immundum,
Fac, vitemus ut profundum.

2. Marcellinus atque Petrus
Passi pro Christi nomine
Suas stolas mundiiicant
Lavantes agni sanguine
Vanaque spernunt idola
Electo vero numine.

V. O quam Petri, Marcellini
Mors sanctorum pretiosa,
Qui tyrannum prosternentes
Palma gaudent gloriosa.

3. Plagis caesus, carceratus,
Tortus Petrus exorcista,
Cippo srictus, decollatus
Saevo fuit a lanista ;

V. A Christo non potuit
Poenis separari
Martyr hic, quem noverat
Regem sine pari.

In 2. Nocturno.

Antiphonae.
1. Utriusque sexus fuit
Multitudo baptizata
Per beatum Marcellinum,
Christianis aggregata.

2. Petrus Paulinam liberat
Vexatam a daemonio,
Fugans ipsum deificae
Virtutis beneficio.

3. Fuerunt isti martyres
Fortes Christi bellatores,
Quos per virtutem fidei
Reddidit ipse victores.

Responsoria.

1. Consocii martyrio,
Fide, festi memoria,
Consortes facti gloriae,
Gaudentes nunc in patria,
Marcelline atque Petre,
Nobis date suffragia ;

V. Christianorum populo
Celeriter succurrite,
Nos a cunctis molestiis
Prece pia defendite.

3. Nudus orans Marcellinus
In carceris ergastulo
Per angelum eximitur
A carcerali vinculo
Et vestibus induitur
Deifico miraculo ;

V. Hic martyr ut apostolus
Petrus a Deo solvitur
Et cum Petro Marcellinus
Liber exire cernitur.

3. Marcellinus atque Petrus
Sapientes exstiterunt,
Mundum, carnem, diabolum
Qui per fidem devicerunt,
Studentes regno perfrui,
Sine fine quod noverant ;

V. Quam felices, qui resident
In regis regum curia,
Cunctis pleni divitiis,
Deliciis et gloria.

In 3. Noetiamo.

Antiphonae.

1. Nobis, beati martyres,
Date vestrum praesidium,
Quo currentes in stadio
Percipiamus bravium.

2. Marcellinus atque Petrus
Insimul orantes
Genu flexo decollantur
Pacem sibi dantes.

3. Juxta dictum altissimi,
Dantis vitam pro populo,
Vitam pro Christo martyres
Poenarum dant patibulo.

Responsoria.

1. Missarum pium celebrans
Marcellinus officium
Per mortem dat martyrii
Se Christo sacrificium,
Qui pro ipso sustinuit
Mortis dirae supplicium ;

V. Hic non oblitus exstitit
Fideiussoris gratiam,
Vicem Christo retribuens
Per mortis tolerantiam.

2. Qui decollarunt martyres
Attestantes hoc dixerunt,
Quod velut pulchras virgines
Horum animas viderunt,
Quas coronantes angeli
Mox ad coelum transtulerunt ;

V. O quam beati martyres
Petrus atque Marcellinus,
Quos gloriosus Abrahae
Hodie recepit sinus.

In Laudibus.

Antiphonae.

1. Sanctos Christus induit
Mira fortitudine,
Praecinxit virtutibus
In omni certamine.

2. Cuncti fideles populi
Deo Jacob jubilate,
Servite in laetitia,
Marcellinum honorate.

3. Ad Christum, fontem luminis,
Petrus de luce vigilat,
Qui fidei et operum
Splendore clarus rutilat.

4. Dominum benedicite
Coeli, terra, maria,
Per quem Petrus, Marcellinus
Assumpti sunt in gloria.

5. In Marcellino et Petro
Sanctis laudemus Dominum,
Quos coronavit hodie
Christus, redemptor hominum.

Ad Benedictus.

A. Dominus Deus Israel,
Benedictus per omnia,
Marcellinum atque Petrum
Benedixit in patria,
Quibus donavit perfrui
Vitae perennis gloria.

In 2. Vesperis.

Antiphonae.

1. Orate Christum, martyres
Sancti, Petre, Marcelline,
Quod nos in regno collocet,
Quo regnemus sine fine.

2. Sacerdotalis cardinis
Quos honoravit titulus,
Beatos Christi martyres
Honorent clerus, populus.

3. Nobis beatis precibus
Sancti Petri exorcistae
Da gratiam cum gloria,
Fili Dei, Jesu Christe.

4. Devote, sancti martyres,
Nos colentes vestrum festum
Custodite, ne quid turbet
Et cor nostrum reddat maestum.

5, Pro Jesu Christi nomine
Tormenta passi varia,
Sunt coronati martyres
Honore atque gloria.

Ad Magnificat.
A. Magnificemus Dominum,
Magnificum per omnia,
Qui Marcellinum et Petrum
Pia magnificentia
Magnifice magnificat
In supernorum patria,
Hos laudibus plebs omnium
Magnificet fidelium.

In Commemoratione.

Antiphona.
Sacerdotem Marcellinum
Atque Petrum exorcistam
Deprecemur, ut ad regnum

Nos post vitam (lucani istam,
Fluctuantem in pressuris
Et aerumnis multis mistam.

Alia.
Marcellinum exoremus.
Exorcistam simul Petrum,
Ut nos juvent, ut vitemus
Inferorum locum taetrum
Christi regnum et intremus,
Aperitur quod per Petrum.
In Choro.
A. Marcelline atque Petre
Sancti nobis succurrite,
Pro nobis vestris famulis
Ad Deum preces fundite,
Ne nos mundus, diabolus.
Caro vincat, defendite,
Nos meritis et precibus
Vestris ad regnum ducite.