19. In Vigiliis beatae Eugeniae.

Ad Vesperum.
Lucernarium.

R. Lux vera, Christe, tenebras
Omnes nostras illumina,
Quae nos trahunt ad inferos,
Tu taetra dele crimina ;

V. Jesu, lumen de lumine,
Da meritis Eugeniae
Nobis in coeli culmine
Beatam lucem gloriae.

In Choro.
A. Aerumnis mundi variis
Afflictis et moerentibus,
Eugenia, subvenias
Nobis beatis precibus;
Fac, ut purgati vitiis
Et peccatorum sordibus
Intremus locum gloriae,
Quo fruamur coelestibus.

Cum Infantibus.
R. In martyris Eugeniae
Solemni natalitio
Congaudeat ecclesia
Mater festivo gaudio ;

V. Exsultet chorus virginum
Cum martyrum collegio,
Cum quibus est Eugenia
Sedens in regni solio.

A. Orta virgo Eugenia
De Philippo et Claudia
Fuit martyr eximia
In Romanorum patria.

A. Haec de quinque prudentibus.
Eugenia, in omnibus
Perita liberalibus
Est excellenter artibus.

Ad Magnificat.

A. Christum Jesum magnificum
Magnificet ecclesia,
Qui virginem Eugeniam
Magnificat in patria.

Psallentium in Baptisterio.

Eugenia testificat
Se patri scissis vestibus
Esse dilectam filiam,
Patre, matre gaudentibus.

Ad Vigilias.

R. Haec carnis luxus subjicit

Virginali munditia,

Conculcat avaritiam

Contemnens temporalia,

Supplantat haec superbiam

Humilitatis gratia;
V. Quam fortis, quam mirabilis

Eugeniae constantia,

Quae carnem, mundum, dae-
monem

Vicit Christi potentia.

A. Elegans mente, corpore,
Virgo decens et amoena,
Cum Christo nunc Eugenia
Gloriosa gaudet coena.

R. O quam felix virginitas,
Suprema carnis castitas,
O quam felix humilitas,
Humilium sublimitas,
Quam dives copiositas
Sanctis, quibus sunt claritas
Spretae mundi et vanitas ;

V. Quam felix es, Eugenia,
Quae virginum consocia
Praedives nunc in patria
Sublimaris in gloria.

A. Eugeniam cum servulis
Locat in monasterio
Beatus praesul Elenus,
Quos Christi dat obsequio.

R. Sancta virgo Eugenia,
De sapientum numero,
Ingressa regni januam
Cum sponso gaudet supero,
Quae prudens sprevit jungere
Se sponso carnis infero;

V. Haec calcat transitoria
Relicto mundo misero,
Poenalitatum sentibus
Multis et diris aspero.

A. Multas poenas Eugenia
Passa pro Christi nomine
Perenni gaudet gloria
Cum supernorum agmine.

Psallenda.
In gestis Theclae perlegens,
Pro Christo quae sustinuit,
Eugenia mox credere
In Jesum Christum voluit,
Protum, Jacinthum vernulas
Ad quem converti studuit.

R. Descendens ignis coelitus.
Domum falsae Mellantiae
Consumpsit totam funditus
Virtute regis gloriae

V. Et hanc combussit penitus
Propter crimen calumniae,
Quod falsus falso spiritus
Imposuit Eugeniae.

Psallenda.
Deprecemur Eugeniam,
Aggregatam virginibus,
Ut apud Dei filium
Nos juvet suis precibus.

Post ''Kyrie.
'' Beata es, Eugenia,
Quae spernens transitoria
Recepisti coelestia
Nunquam deficientia.

Ad Matutinum.
Post hymnum.

R. Laureata martyrio
Cum palma virginitatis
Ad nuptias Eugenia
Introivit cum paratis,
Quae sponsi nunc amplexibus
Jucundetur peroptatis ;

V. Haec regnat coeli sedibus,
Compta serto venustatis,
Conviva regis gloriae
Cibis fruens delicatis.

Ad Lectiones.
R esponsoria.
1. Haec sub virili specie
Sexum velans femineum
Manum misit ad fortia,
Fortis cor habens ferreum,

Honores, opes respuens
Corpus strinxit virgineum
Per jugem abstinentiam
Et castitatis balteum ;
V. Virgo martyr Eugenia
Coelum scandit empyreum.
Excussa carnis palea
Ingressa Christi horreum.

2. Recepit haec divinitus
Abbatis ministerium,
Quod peragit humiliter
Velut sit servus omnium ;

V. Se promptam et beneficam
Dat cunctis per obsequium,
Quae sublimata residet
In choro nunc humilium.

In Benedictus.
A. Saeva fugat daemonia,
Sanat aegros Eugenia,
Per ipsam quartanaria
Sanata est Mellantia.

Ad Crucem.

A. Jesu, nostra medicina,
Qui de mortis nos ruina
Morte crucis liberasti
Et ad vitam revocasti,
Eugeniae da precibus,
Fruamur ut coelestibus.

In Cantemus.

A. Praestantior vigiliis
Atque orationibus
Reperitur Eugenia
Fuisse cunctis fratribus.

In Benedicite.

A. A divinis colloquiis,
Crebris orationibus
Non cessabat Eugenia
Diebus neque noctibus.

In Laudate.

A. Festivitatem virginis
Honoremus Eugeniae,
In cymbalis et organis
Laudantes regem gloriao

Psallentium in Baptisterio.

In thermarum fornacibus
Deponitur Eugenia,
Quarum virtute Domini
Exstincta sunt incendia,
Nullam beatae virgini
Jacturam inferentia.

Mane ad Processionem.
Antiphonae.

1. Occiditur Eugenia

Die, qua Christus nascitur,
Et in perenni gloria
Martyr laeta suscipitur.

2. Protum, Jacinthum vernulas
Hortatur sic Eugenia:
Simus nos fratres animo,
Voto atque concordia
Mundi spretis honoribus
Et derelicta gloria.

3. O quantae Christo virgines
Junguntur per Eugeniam,
O quantae Christo viduae
Copulantur per Claudiam,
Protus, Jacinthus juvenes
Multos ducunt ad gloriam.

4. Ut in Joseph Putipharis
Uxor, sic in Eugenia
Castitatem exstinguere
Conata est Mellantia,
Quod facere non potuit
Ipsius impudentia.

5. Ductis ad templum idoli,
Hoc colere spernentibus
Proto, Jacintho, corruit
Coram eorum pedibus;
Qui regni scandunt solium
Cum praecisis capitibus.

6. In tenebrosi carceris
Dira clausa custodia
Privatur pane, lumine
Decennio Eugenia.

7. Avitus atque Sergius,
Sanctae fratres Eugeniae,
Paganos ducunt plurimos
Ad Christum regem gloriae.

Post Kyrie.
A. Fuit corpus Eugeniae
Sepultum ejus praedio,
Quo sancta pio corpora
Haec tumularat studio.

In 2. Vesperis.
In Choro.
A. Sanctae festo Eugeniae
Gaudeamus in Domino,
Quae gaudens gaudet gaudio

Coelesti sine termino,
Aureolae ac aureae
Ornata serto gemino.

R. Sacris Christi virginibus
Sancta virgo Eugenia
Construxit monasterium
Cum decenti ecclesia,
Quae corpus patris martyris
Philippi condit filia ;

V. Fundavit xenodochium
Ipsius mater Claudia,
De quorum fructu viverent
Peregrini, dans praedia.