53. De ss. Quinque Martyribus.

In 1. Vesperis.
Antiphonae.

1. Virtus Christi iam panditur,
Fideque spes extollitur

Victorum martyrio,
Ecclesia quam nobilis
Gaudeatque spectabilis

Cordis desiderio.

2. Francisci flores germine
Christum profuso sanguine

Opere imitantur,
Honorio pontifice
Sixtoque nunc opifice

Mirifice venerantur.

3. Hos Christi providentia
Voluit et clementia

Martyres reservari
Huic summo iam hierarchico,
Ne furore malifico

Hic possit aggravari.

4. Horum igne cor caluit,
Hos Christus pastu aluit

Sanguinisque liquore,
Dum crucis scandit loculum,
In eum figunt oculum

Prae flebili maerore.

5. Vultu petunt angelico
Christi pedibus ilico

Cupiant inhaerere,
Mox his pater consentiens
Et fervidos conspiciens

Hic mortem non timere.

Ad Magnificat.

A. O victorum purpura,
Consolator in tortura,
Rubentis militiae
Robur et athleta I
Dulcor te sequentibus,
Stupor es te verentibus,
In livoris facie
Mors exstat deleta,
Quem gemunt suspirio
Fragrantque desiderio
Martyres, qui cursitant
Francisci de schola;
Post te asta posteris,
O Iesu pie, miseris
Prece quorum militant
Tui freti stola.

Ad Matutinem.
Invitatorium.
Regem, coronam militum,
Venite, adoremus

Coetumque eius inclitum
Puro corde laudemus.

In 1. Nocturno.

Antiphonae.

1. Sancti Francisci suboles
Mire fructificarent,
Cruore fuso nobiles

Pro Christo se armarunt.

2. Fremunt et gentes barbarae
Figunt plagas, ulcera,
Sed sancti clausi carcere
Praedicant Christi vulnera.

3. Conterant populi frontes,
Mahomet seductorem,
Christum Dominum insontes
Dum clamant redemptorem.

Responsoria.

1. Victores Christi sanguine
Visi sunt ampliare
Fidem eius prae agmine,

Prae fido defensore
Atque patris spiramine
Abunde fecundare,
V. Sectam funestam minime
Captam taetro foramine
Constanter reprobare.

2. Lustrati lucis foedere
Zelo flagrant ferventes,
Terras immanum petere,
Invaduntque dementes
Ac cessent a scelere,
Ne aevo sint gementes,
V. Circumeunt sic metere.
Christum regem in aethere
Convenire lactantes.

3. Regis adeunt aciem
Obscenam veritate,
Christi mortem in aciem

Vana temeritate
Suadent, ne levet faciem
Severa vanitate,

V. Pandant focos et glaciem
Furentisque saevitiem
Simplices puritate.

In 2 Nocturno.

Antiphonae.

1. Pertractes plagis verberat
Plus saeviens immanis,
Constantes fide carcerat,
Macerat nece panis.
2. Furit tyrannus romphea,
Sed mulsus per filium
Tectosque Christi galea
Pellit in exsilium.
3. Lacteo ore infantum

Christum Deum proclamant,
Fretos more elevantem
Tau crucis spe se firmant.

Responsoria.

1. Ignis fervent incendio
Rege coram sordido,
Caeduntur plaga, verbere,
Nec confringuntur taedio
Nec furore morbido
Refecti plene ubere,
V. Christi tuti praesidio
Rubent vultu florido
Deiformes munere.

2. Crucis Christi sub vexillo

Certant sancti abs tremore,
Quos intuens despexit
Rex examine pusillo,

Fremuit dentium stridore
Colla firme contexit,
V. Mactantur dire sub illo,

Gaudent laeti sub tortore,
Quos ferox spata plexit.
3. Victricis mortis proelio
Approximante agone
Gaudent adnumerari
Candido Christo lilio,
Fixo lanceae mucrone
Zelant configurari,

V. Qui spiritus auxilio

Exclamaut: o Iesu bone,
Fac nos tecum laetari.

In 3. Nocturno.
Antiphonae.

1. Virgis, plagis corde laeto
Gaudent in collegio
Martyrum, sale et aceto
Passi iussu regio.
2. Spinis diris configuntur
Sanguine cruentati
Ac per noctem constringuntur
Trucide lacerati.
3. Precatu eorum libera,
Christe passeque Deus,
Statuens nos in dextera,
Plaudat miser et reus.

Responsoria.

1. Saevit ense acuto mens fera
Ictu fallitur tuto aspera
Furit ira tamquam bestia,
Moritur arens prae molestia;
V. Triplici fracto gladio
Damnantur homicidio.
2. Beatorum sanguine

Rex Christus nos purget
A labis discrimine

Nobili lotura,
Benedicat et faciat

Vitali mensura,
Rore ut proles germinet ;
V. Igni supponunt capita,
Panduntur Christi abdita,
Dum capillus floret flore
Ardenti flamma igne.

In Laudibus.
Antiphonae.

1. Beraldus fretus gratia
Mortisque optat spatia
Divinitus inductus,

Pro Christo mala tollere,
Quem Deum docet colere,
Qui virginis est fructus.

2. Petrus se cingit robore,
Crucis Christi in arbore

Ipsum Petrum testatur,
Fidem sanctam nobilitans,
Errorem gravem dissipans,

Ob quod tristis tristatur.

3. Adiutus luce lustratus,
A fallaci sequestratus

Ore obloquentium,
In stratu tristi meditatur,
Dum tribulis laceratur

Vulpium mordentium.

4. Accursius adpropiat
Seraph, angelum copiat

Ac Christum esse regem,
Hoc administrat singulis
Plenis errore populis

Horum dissecans legem.

5. Otto facundus monuit
Viperasque censuit

Diro igne cremandos,
Ni laudent Christum Dominum
Et creatorem hominum

Vincentem iudicandos.

Ad Benedictus.

A. O martyres praefulgidi
Sole lucenti praediti,
Plagis addicti acribus
Ac consputi flatibus

Malorum operum odio,
Crudeliter cruentati,
Horrido eius conspectui
More Christi praesentati,
Fide constanter pugiles

Forti praesidio
Induti alta virtute,
Oblectantes despectui,
Pro nostra passum salute
Ad Iesum prece vigiles

Sitis subsidio.

In 2. Vesperis.
Ad Magnificat.

A. O viros magnificos
Conviciis, igne, spinis
Nec regis tactos minis

Saevi in curia,
Qui tunc cruore maduit
Nocereque statuit

Gladii furia.

O vita mirificos,

Montem Christi magnificant,

Qua Mahumet vilificant

Chlamydis tirio,
Praeclari prothalamines,
Nostri sitis ductores

Iesu martyrio.