20. In Vigiliis sancti Johannis,
Archiepiscopi Mediolanensis.

Ad Vesperum.
Lucernarium.

R. Fili Mariae virginis,

Lux lucis, lumen mentium,
Nos redde tibi placidos
Jn lumine viventium ;

V. Illuminatos radio
Splendoris tuae gratiae
Sancti Johannis meritis
Duc nos ad lucem gloriae.

In Choro.

A. Aerumnis mundi variis
Afflictis et moerentibus,
Sancte Johannes, subveni
Nobis beatis precibus,
Fac, ut purgati vitiis
Et peccatorum sordibus
Intremus locum gloriae,
Quo fruamur coelestibus.

Cum Infantibus.

R. Johannes, plenus gratia,
Fide pollens et moribus,
Deo gratus et homini
Fulsit in suis artibus,

V. Lucis exempla proximis,
Lucernas tenens manibus
Ardentes, quibus Dominum
Laudent, monstrat operibus.

A. Johannes, justus pontifex,
Laboravit finaliter,
Quem Christus nunc remunerat.
Viventem aeternaliter.

A. In aeternae justissimus
Johannes est memoria,
Qui nunc cum sanctis omnibus
Perenni gaudet gloria.

In Magnificat.

A. Christum fideles hodie
Magnificent magnificum,
Qui Johannem magnificat
Dans sibi regnum colicum.

Psallentium in Baptisterio,

Concelebret ecclesia
Confessoris solemnia
Johannis cum laetitia,
Qui fide, verbo claruit,
Sanctitate resplenduit,
Miraculis emicuit.

Ad Vigilias.

R. Januensis dioecesis,
Festivo gaude gaudio,
Quae tuum germen aggregas
Confessorum collegio,
Iohannem, qui te adjuvat
Multiplici suffragio ;

V. Hujus Johannis meritis,
Suffragiis et inclitis
Tanto magis adjuvans,
Hunc quo magis veneraris.

A. Villa Camulli nascitur
Johannes de parentibus
Januensis dioecesis
Valle Reehi nobilibus.

R. Humilitatis gratia

Fuit Johannes praeditus,
Trino refecit pabulo
Gregem pastor sollicitus,
Pietatis operibus
Hic totus fuit deditus,
Hic relevare miseros
Et consolari solitus ;

V. Hic famelicos pascebat,
Hic et nudos vestiebat
Sitientes hic potabat,
Aegros, captos visitabat.
Peregrinis hospitium.
Dat mortuis officium.

A. Johannes a parentibus
Mediolanum ducitur,
Metropolis ecclesiae
Qui clericus efficitur.

Ii. Januensis pontificis,
Sancti Syri ad Derium
Ecclesiam aedificat
Pii Johannis studium,
Qui plebis sibi contulit
Primatus beneficium,
Ut in chori pariete
Scriptura dat indicium.

V. Apostolorum omnium,
Syri, Mariae variis
Johannes hanc magnificat
Sacrosanctis reliquiis.

A. A Mediolanensibus

Cunctis digne praedilectus
Johannes in pontificem
Merito fuit electus.

A. Johannes pastor similis
Fuit viro sapienti,
Domum suam super petram
Sapienter construenti.

A. Nobis, Johannes pontifex,
Tuum dona praesidium,
Quo cuiTentes in stadio
Percipiamus bravium.

R. In suis facultatibus
Haeredem hic instituit
Ambrosii ecclesiam,
Quam gubernare studuit
Johannes per decennium,
Praesul qui Deo placuit;

V. Quam Dei thecam omnium
Bonorum temporalium
Suorum esse voluit,
Ut thesaurum in patria
Inveniat cum gloria,
In coelis quem reposuit.

Psallentium.

Talenta sacra duplicans
Johannes, pastor ovium.
Intrat in sui domini
Servus fidelis gaudium.

Post Kyrie.

Ad paradisi gloriam
Merito Christus provexit
Johannem, gestu, habitu
Qui se totum hic despexit.

Ad Matutinum.

Post hymnum.

R. Sic se Johannes humilem
Coram cunctis exhibuit,
An esset ipse pontifex.
Vix hic discerni potuit.
Humilitatis merito
Cui porta eoeli patuit;

V. O quam felix humilitas,
Per quam vera sublimitas
Veris datur humilibus
In coelis jam regnantibus.

Inter Lectiones.
Responsoria.

1. Urso pio divinitus
Johannes hic apparuit,
Ubi ejus quiesceret
Corpus, sibi exposuit,
Quod vidit, Ursus praesuli
Heriberto aperuit,
Quem rogat, ut extumulet,
Quod diu luto jacuit ;

V. Quia Johannem Dominus
Hunc venerari voluit,
Et corpus honorifice
Reponi sibi placuit,
Heribertus sollicite
Hoc adimplere studuit.

2. Vallis de Recho incolae
Laeti portant ad patriam
Sancti Johannis brachium,
Costam simul et tibiam,
Thesaurum honorabilem
Ad sancti reverentiam.

V. Juxta promissum construun
Venerandam ecclesiam
Ad decus tanti praesulis,
Laudem quoque ac gloriam,

In Benedictus.
A. Benedictus ab omnibus
Deus Johannis precibus
Nos benedictionibus
Benedicat coelestibus.

Ad Crucem.
A. In mundum Deus veniens
Passus crucis patibulum
Per mortem suam liberat
A morte suum populum ;
Cunctorum gloriatio
Sit Christi crucis passio,
Cujus sequens vestigia
Johannes est in gloria.

In Cantemus.

A. Fideles Deo populi

Cantent laudes magnificas,
Qui mansiones tribuit
Sancto Johanni coelicas.

In Benedicite.

A Benedicite Domino
Coeli, terra, maria,
Qui Johanni pontifici
Regna dat coelestia.

In Laudate.

A. In Johannis pontificis
Festo laudet in tympano
Deum fidelis populus,
In chordis atque organo.

Psallentium in Baptisterio.

De ara sancti Stephani
Non poterant reliquiae
Moveri sancti praesulis,
Donec opus ecclesiae
Fabricari promittitur
Ad suae decus gloriae.

Mane ad Psallentium.

Antiphonae.

1. Veneremur memoriam
Johannis venerabilem,
Ut hic in nostris precibus
Se reddat exaudibilem.

2. In prato carbonario
Immobiles reliquiae
Sunt sancti, donec redditur
Sancto pratum plenarie.

3. Sanctum Johannem Dominus
Supra multa constituit,
Qui super pauca sapiens
Se sapienter habuit.

4. Diebus suis Domino
Sacerdos magnus placuit
Johannes, ante Dominum
Quia justus apparuit.

5. Pietatis operibus
Se Johannes exercitat,
Contemplativus pontifex
Activa vita militat.

6. Johannes, sanctus pontifex,
Servus fidelis et prudens,
Novit mensuram tritici
Dare gregi pastor studens.

7. Conditum aromatibus
Corpus Johannis conditur
Michaelis ecclesia,
Qui vere sanctus colitur.

8. Venerandis reliquiis
Sancti Johannis obviam
Caterva Januensium
Venit ad ejus gloriam.

Post Kyrie.
A. A largitore gratiae,
Datore omnis gloriae,
Implora nobis gratiam,
Johannes, atque gloriam.

In 2. Vesperis.

In Choro.
A. Humilitate praeminens
Johannes venerabilis,
Pietatis operibus,
Caritate, praestabilis,
Nostris devotis precibus
Sis semper exaudibilis,
Per te donetur gloria
Nobis interminabilis.