55. De sancto Quirino.

In 1. Vesperis.

A. Ave, dulcedo pauperum,
Ave, coheres martyrum,
Ave, speculum fidei,
Et huius festa diei
Quirine, martyr inclite,
Iubilo laudis debitae
Devote celebrantibus
Adesto mitis omnibus.

R. Martyris tui precibus,
Cuius festa recolimus,
Tuo semper munimine
Defende nos, o Domine;

V. ''Dextera tua, Domine, magni-
ficata est in fortitudine.''

Ad Magnificat.

A. Magna Deum per omnia
Laudum decent praeconia,
Cuius benigna gratia
Signorum efficacia;
Translatione corporis
Sancti Quirini martyris
Tota florens Germania
Nova frequentat gaudia,
Ob cuius, Christe, merita
Nostra dilue debita,
Ut securi caelestia
Transeamus ad gaudia.

Ad Matutinum.
Invitatorium.

Christum, solem iustitiae,
Mentis contemplemur acie,
Qui novo mundum radio
Collustravit in Quirino.

In 1. Nocturno.
Antiphonae.

1. Noricorum in finibus
Altis orti natalibus
Adalbertus eximius
Floruit et Otkarius.

2. Hi mundi licet opibus
Ubertim affluentibus
Cor nolebant apponere,
Sed Christum lucrifacere.

3. Tegrinsensem iuxta lacum,

Divino cultui locum

Ubi vident idoneum,

Exstruunt monasterium.
4. Iam dispositis omnibus

Operis huius sumptibus

Apostolorum limina

Petunt orandi gratia.
5. Quorum adventu cognito

Papa laetatur subito

Et, quam Roma sustinuit,

Cladem eis exposuit.
6. Nam illis in temporibus

Peccatis exigentibus

Magnum incursu gentium

Pertulerat excidium.

Responsoria.

1. Instat athletae Domini
Dies colenda Quirini,
Cuius quippe translatio
Nobis est exsultatio.

V. ''Ante translationem enim testi-
monium habebat placuisse Do-
mino.''

2. Hic a Caesare Claudio
Nocte peremptus gladio
Miraculorum gloria
Claruit omnifaria.

V. ''Quasi stella matutina in medio
nelulae.''

3. Evolutis temporibus
Elisa diris hostibus
Roma, gentium domina,
Sedebat quasi vidua

V. ''Paupercula tempestate con-
vulsa absque ulla consolatione.''

4. Praedictis ergo fratribus
Romam pervenientibus

Dolor et maeror omnium
Convertitur in gaudium,
V. ''Quia consolatus est Dominus
populum suum.''

In 2. Nocturno.
Antiphonae.

1. Qui Romanis principibus
Assumptis et comitibus
Prosperantur in omnibus
Fusis hac illac hostibus.

2. Arreptis quidam navibus
Maris pereunt fluctibus,
Nec tutus erat uspiam
Locus tuendi quempiam.

3. Gloriosam ex hostibus
Triumphum referentibus
Exsultavit in gaudio
Tota Romana contio.

4. Debitas agens gratias
Advocat hos Zacharias
Mercedem transitoriam
Donare pro victoria.

5. Qui miraculis celebrem
Quirinum, Christi martyrem,
Cuius famam audierant,
Prae omnibus desiderant.

6. His auditis obstupuit
Tandemque libens annuit,
Salubre dans consilium
Romam mittendi nuntium.

Responsoria.

1. Igitur cum laetitia
Revertentes ad propria
Utonem quendam eligunt
Eamque Romam dirigunt;
V. ''Semita iusti recta est, callis
iusti ad ambulandum.''

2. Cuius signorum gloria
Tota pollet Bavaria,
Corpus athletae beati
Noctu referant legati.
V. ''Qui non accepit in vano ani
mam suam.''

3. Romanorum antistitis
Ut instructi sunt monitis,
Via gaudentes alia
Redeunt ab Italia,

V. ''Ut irent in civitatem habita-
tionis.''

4. Athleta Dei Quirinus
Odorem quasi Libanus
Suae nobis notitiae
Manifestavit hodie,

V. ''Sicut cinnamomum et balsa-
mum aromatizans.''

In 3. Nocturno.
Ad Cantica.

A. Legationem mittimus

Et, quae pacis sunt, petimus,
Regem nobis iustitiae
Placa, martyr eximie.

Responsoria.

1. Accedunt quidam temere
Sanctum corpus inspicere,
Qui tamquam ictu fulguris
Puncto pereunt temporis.
V. ''Cogitaverunt consilia, quae
non potuerunt stabilire.''

2. Sanctum corpus ferentibus
Prope litus sedentibus,
Quo languor omnis pellitur,
Fons illic dulcis oritur ;

V. ''Altissimus creavit de terra
medicinam.''

3. Tribus hunc sacerdotibus
In tumbam submittentibus
Fuso pro Christi nomine
Maduit adhuc sanguine,

V. ''Quoniam mirificat Dominus
sanctum suum.''

4. O Christi dilectissime,
Quirine beatissime,
Tuis instantes laudibus
Tuis attolle precibus,
Ut translati de vitiis
Vitae fruamur deliciis,

V. Ipse quoque spiritus
Pro nobis gemitibus
Postulet inenarrabilibus.

In Laudibus.
Antiphonae.

1. Profectus a Iuvavia

Quirini suffragia

Caecus quidam experitur,

Cui lumen redditur.
2. Debilis quidam pedibus

Fusis puella precibus

Post missarum sollemnia

Sana redit ad propria.
3. Quidam beati martyris

Visis abbas reliquiis,

Quas transmittit in Franciam,

Decidit in amentiam.
4. Poena multatus duplici

Tandem voto supplici

Prece saluti pristinae

Redditur, o Quirine.
5. Sine pacto nos termini,

Quirine, Martyr Domini,

A virtutum naufragio

Tuo muni suffragio.

Ad Benedictus.

A. Visitavit nos Dominus,
Cuius athleta Quirinus
Nostris illatus finibus
Virtutum floret floribus,
Eius siquidem precibus
Salvari nos deposcimus.

Per Horas.
Ad Primam.

A. Prima Dominus inclitum
Stola induit Quirinum,

Per cuius patrocinia
Digna gaudet Germania.

Ad Tertiam.

A. Hora super nos tertia
Christi redundat gratia,
Nam martyris egregii
Festa colimus Quirini.

Ad Sextam.

A. Qui cubat in meridie
Dulcem Noricis hodie
Christus contulit patronum,
Sanctum scilicet Quirinum.

Ad Nonam.

A. Qui pro nobis indebitum
Hac hora solvit debitum,
Nobis isto cum martyre,
Mundum concedat vincere.

In 2. Vesperis.
Ad Magnificat.

A. O misericors Domine,
Omni plenus dulcedine,
Tuae misericordiae
Recordatus es hodie,
Dum translatum in Noricas
Magnifice glorificas
Quirinum, tuum famulum,
Nam ipsius ad tumulum
Aegri curantur ocius;
Unde nobis propitius
Et corporis et animae
Confer medelam, Domine.