AnHym Author, Analecta Hymnica – XXVIII. Historiae Rhythmicae

Nos respice, Quiteria,
Sponsi gratiam praetende
Et a malo nos defende
Mundique miseria.
2. Nemini pepercit manus,
Quam hostilis Adrianus
Cum Catillio transmisit,

Nam conversos a virgine
Coepit ut oves caedere,
Quo virtus Dei iussit.

3. Exsequias Lentinianus
Virginis colit Marcianus

Felicianusque pontifices,
Remedius eremita
Et Romanus coenobita
Cum sancta Columbiana,
Plerique quos pro christiana
Fide iugulant carnifices.

4. Imperante Adriano,
Idolatra et profano,

Rex Catillius regnavit
Qui ex uxore Talsia
In urbeque Blancagia
Quiteriam generavit.

5. Tanta Dei infantulam,
Speciosam puellulam,

Gratia praedestinavit,
Qua in matris utero
Deus in aevo tenero

Benedictam consecravit.
6. Erat anno tredecimo,
Cum angelus a Domino

Ad eam destinabatur,
Ut ad montem Orianum
Exoraret christianum

Deum instruebatur.

Responsoria.

1. Regina puellam
Quiteriam, tenellam
Decore, more bellam

Angelus cum benediceret,
Admonuit, quod praecepta
A Domino percepta

Fideliter retineret,

V. Dicens: Sic vives

aeterno monere dives.

2. Instigante fallacia
Daemonis et versutia
Germanus cum astutia

Quiteriam copulari
Sibi petiit, parentes
Coniugio faventes
Sic regales et dicentes

Nuptias celebrari,
V. Non tamen sponsa Christi

iuveni coniungitur isti.
3, Adveniente angelo
Ad eam cum munusculo
Aureo Christi annulo

Subarrhatur Quiteria,
Promittensque illibatam
Se servare Christo gratam

In mundi peripheria;
V. Noli timere

poteris quoque mira videre,
Quae fiunt per te,

si Deus diligatur aperte.

In 2. Nocturno.
Antiphonae.

1. O nimium formosa
Virgo, rubens ceu rosa,

Exi de Blancagia,
Angelus est exorsus,
Nam per te credunt prorsus

Gentes in Aufragia.
2. Rex vero Lentianus
Depraedatorque vesanus

Ecclesiarum thesauri
A daemone eripitur
Per te, et distribuitur

Gaza congesta auri.
3. Armata sancto spiritu
Angelicoque monitu

Quiteria beata,
Nam bestiam tricipitem
Prostavitque horribilem

Oratione data.

4. Haec Quiteria beata,
Cum cohorte vinculata,
Ab angelo visitatur,
Qui captivos relaxavit
Et in fide confortavit,

Quemadmodum Deus lau-
datur.

5. Aegros sanat et morbosos
Curat et daemoniosos,
Surdis auditum tribuit,
Luna tactos virgo sternit,
Virtutemque Dei cernit
Gens, quae visu caruit.

6. Intuens rex magnalia
Dei signaque talia,

Convertitur ab errore,
Idola vana despicit
Fidemque Christi suscipit

Cum turba potiore.

Responsoria.

1. Processit de Blancagia
Praedicans in Aufragia,
Angelica praesagia

Virgo facta patravit,

Cultum sprevit idolorum,

Adstruens Deum deorum

Coli regemque caelorum,

V. Personis trinum

Deum esse praedicat unum.

2. Regi inquit haec profano
Beata Lentiniano
Pro Christo de Alphiano:

Thesaurum da pauperibus.
Quam rex fremens et adfremens
Cum puellis sic terdenis
Manibusque octo senis

Certis vinxit carceribus.
V. Laetanter sancta

patitur Quiteria tanta.

3. Archimartyr purpurata,
Dux cohortis Quiteria,
Regina, virgo illibata,
Quae per nuchiteria

Hunc mundum exsuperasti,
Carnem, zabulum calcasti,
Te nunc victricem
Inhabi[ta]tricem
Caeli petimus
Ut nostris pro reatibus
Intercedas, Alleluia,
V. Quae spopondisti,

sponsam te sic fore Christi,
Pro nobis ora,

Quiteria, virgo decora.

In 3. Nocturno.
Ad Cantica.

A. A solis ortu cum occasu
Deum laudet mirabilem

Ecclesia condigno plausu,
Rite colat laudabilem,

Cosmique peripheria

Te colat, o Quiteria.

Responsoria.

1. Nova regis mutatio,
Erroris exstirpatio,
Fonte plebis renatio
Zabulo displicuere,
Nam sicut fulgur fulminat
Virginique improperat,
Quod ab ipso surripiat,
Quae Christi non fuere,
V. Dolens conversos

populos baptismate mersos.
2. Recessit daemon coactus
Ad abyssi anfractus,
Per virginem adactus
Potestatem rumpens Alphiani,
Dehinc principes Germanum,
Catillium, Adrianum,
Populum armat vesanum
In regnum Lentiniani,
V. Ut virginem, regem

[cogeret] deserere legem.
3. Inclita martyr et regina
In urbe Adurentina
A lictore quaeritatur,

Breves, Historiae rhythmirae.

VII.

Quiteria nomen pandit,
Manus ad preces expandit,
Spiritus ad astra scandit,
Ob Christum dum decollatur ;
V. Haec pro [gravatis]

Fudit preces et tribulatis,
Succurrat ut citius
Deus eius supplicibus.

In Laudibus.

Antiphonae.

1. Cum virgo praestolaretur,
Ut gladio feriretur

Pro Christo, suo dilecto,
Petit spatium orandi
Spiritumque commendandi
Choro virginum electo.

2. Orabat pro infirmitatis
Angustia tribulatis

Ipsamque invocantibus,
Ut cito exaudiantur
Et a malis tueantur

Sibicum imminentibus.

3. Nuntiatur ilico
Oraculo angelico,

Quod preces Deus audivit:
Veni, inquit, sponsa Dei,
Cuius formam speciei

Dominus concupivit.
4. Exsultans virgo gaudio
Tendit collum, ut gladio

Pro Christo decollaretur,
Ut cum suo [sponso] grata
Quiteria laureata

In caelis coronaretur.
5. Catholicae dedit turbae
Neophytae se in urbe

Quiteria ad exemplum,
Ut pro Christo non timerent
Occidi, sed se praeberent

Hostiam ad Dei templum.

Ad Benedictus.

A. Rex aeternus decollatam,
Sed in caelis laureatam
Miraculis illustravit,

Nam ducta angelico
Canticoque caelico,

Caput manibus portavit
Virgo sectum
Pariter rectum
Sanguineque infectum

Ad marmoreum montis bustum.
Hinc languidis manare
Per ipsam fontem
Fecit ad montem,

Quod dignum est et iustum.

In 2. Vesperis.
Ad Magnificat.
A. Annua nempe nobis

oritur dies orationis,
Martyris ista nobis
invitat ad munia vocis,

Laudibus lucifluam

excolamus simul istam.
Miris operibus

triumphus renitet eius ;
Casta erat, nobilis,

tenens exemplaria summis,
Inclita, mitis ope,

tulit ergastula poenae,
Tormenta vanescunt,

gentis eiecit simulacra,
Iesum mente, ore

praedicat regi inclito more.
O potens regina,

iunge Deo in ierarchia,
Eruens nos omnes

natalem ac recolentes,
Ut miseris mira

abdetur iudicis ira.