60. De sancto Reinoldo.

In 1. Vesperis.
Ad Magnificat.

A. Magnificet Dominum
Devotio fidelium,
Laudum colens praeconiis
Reinoldi festa martyris,
Qui ascensu purpureo
Transcenso mortis stadio
Iucundatur purpuratos
Martyr inter proceres
Nobile perpetua

caput amplectente corona,
Cuius solvamur precibus
A peccatorum nexibus.

A d Matutinum.
Invitatorium.

Christum laudantes
ipsi iubilemus ovantes,

Qui dedit aeterni

Reinoldo praemia regni.

In 1. Nocturno.
Antiphonae.

1. ,.......

Mundi spretis illecebris
Per florem innocentiae
Fructum dedit iustitiae.

2. Excusso iugo zabuli
Aestu sopito saeculi
Prece devotus sedula
Mundi disrupit vincula.

3. Non labor, non angustia,
Non impiorum framea
Iusti frangunt constantiam,
Dum mortis parant foveam.
R esponsoria.

1. Reinoldus martyr inclitus,
Mundo miles emeritus,
Sub Christi tirocinio
Coronatur martyrio,

V. Igne flagrans caritatis
Et affectu pietatis
In virtutum cellula.

2. Relictis ergo sericis
Urbem petit Coloniam,
Corde, voto, suspiriis
Tendens ad caeli regiam,

V. Quae virtutum fuscant florem,
Domat carnis vitia
Iugi parsimonia.

3. Dum vacat in virtutum cella
Spe tendens ad caelestia
Athleta venerabilis,
Declaratur magnificis,
Virtutum privilegiis;

V. Defunctum prece suscitat,
Largo signorum impetu
Civitatem Dei laetificat.

In 2. Nocturno.
A ntiphonae.

1. In Christo figens ancoram
Spei per patientiam
Fructum dedit martyrii,
Coetus consors purpurei.

2. Servi fidelis animae
Tu benedicis, Domine,
Benignitate solita
Coronans hunc per saecula.

3. Nomen tuum mirabile
In hoc clarescit martyre,
Qui coronatur munere
Tuae magnificentiae.

Responsoria.

1. Letali morbo saucia

Plebs per Reinoldi merita
Mortis erepta casibus
Persolvit voca laudibus,
V. Commune fit tripudium,

Continuum vocis organum.
2. Saevit livor in Reinoldum
Satanae satellitum,
Clam in necem animantur
Iusti viri sanguinum,
V. Ad scelus armantur,

sceleri loca congrua servant.

3. Martyr pius cruentatus
Atroci supplicio,
Caelesti domum luteam
Commutavit palatio,
V. Sic excoctus gelu martyrii
Coronam apprehendit bravii.

In 3. Nocturno.
Antiphocae.

1. Eliso mortis laqueo
Licet carnis dispendio
Conscendit ad eximia
Montis virtutum culmina.

2. In Dei tabernaculo
Quiescit is, qui proximo
Non fecit mali quidpiam
Operando iustitiam.

3. Super hunc servum inclitum,
Iesu, decorem plurimum
Impones atque gloriae
Coronam multifariae.

Responsoria.

1. Corpus sacratum martyris
Expolitum magnificis
Virtutum privilegiis
Sub patronatus titulo
Novellae Christi familiae
Trotamannis
Ab urbe Colonia
V. Destinatur annuente

Praesule, plebe prosequente
Venerandi corporis
Munus exoptatum.
2. O Iesu bone

per Reinoldi merita
Nostra nobis

dimitte debita,
Domum, portam,

sepulcrum visita
Et a trina

nos morte suscita;
V. Actu, visu

vel mente perdita
Pietate

restaura solita,

3. Regni caelestis incola,
Reinolde, prece sedula
Pelle morbos, fer salutem
Et pacis subsidia.

V. Nos indignos speciali
Fac sanctorum generali
Vel subscribi titulo.

In Laudi bus.
Autiphonae.

1. In Reinoldo mirabilem
Te praedicamus, Domine,
Cuius sunt credibilia
Virtutum testimonia.

2. Post hanc vallem miseriae
Consors perennis gloriae
Regnanti super omnia
Deservit in laetitia.

3. Fontem vitae sitientem,
Ad superna suspirantem,
Arce locandum supera
Dei suscepit dextera.

4. Omnib ergo creatura
Benedicat mente pura
Gubernantem omnia,
Qui Reinoldum sempiterna
Coronavit gloria.

5. Christe, Reinoldi meritis
Ac prece salutifera
Nos a peccatis debitis
Et via mortis libera.

Ad Benedictus.

A. Benedictus rex caelestis,
Qui Reinoldi patronatu
Nos absolvat a reatu,
Incolatus nostri luctum
Germinare dulcem fructum
Per salubrem aquaeductum
Sui donans spiritus,
Ut in Ierusalem superna
Excitati de favilla
Iucundemur per saecula.

Alia Antiphona.

Salve, martyr gloriose,
Laude dignus et honore
Iugique memoria,
Confer opem tribulatis,
Qui levamen sanitatis
Contulisti languidis;
Per culpam lapsos erige
Spe fultos indulgentiae,
Nos tuae memoriae
Laudibus intentos
Per semitas iustitiae
In viam pacis dirige.

In 2. Vespeicis.

Ad Magnificat.

A. O Reinolde, martyr Dei,
In hoc salo nostrae spei

Portus sis et ancora,
Tua prece consequamur,
Qua te frui gratulamur
Divina praesentia.